الحمد لله انك مأمن علي العربية و اتوكل علي الله وشد علي التوكيل
عرض للطباعة
صديقي المواطن
قدر الله وما شاء فعل ونحمد الله على سلامتك ولكن لا تقلق الحادث بسيط ولو التأمين شامل أمرك لله خدها التوكيل وإعملها هناك على حسابهم وبما إنها كالعادة حتطلع وحشة تطلع إنت بره تكمل النواقص والتشوهات ولكن لو حتساهم باﻹصلاح بنسبة معينة فقولا واحدا تعملها بره على مزاجك وعامة الحادثة كلها بعفشتها بإفتكاساتها مش حتكلف أكثر من 1800 إلى 2400 وبالتوفيق وإلى اﻷمام ومن نصر إلى نصر
ودمتم للنضال
قلقان ياميدو من حوار التامين لان فى اعضاء اشتكو من معامله مصر للتامين
وطبعا انت عارف اسعار التوكيل ولسه فى ونش حوار كبير رايك ايه اتوكل على الله على التوكيل واعمل مقايسه هناك
بص كده دى التلفيات اللى قدرت اشوفها 500 رفرف
650 اكصدام------ بره التوكيل 250
450 طنابير
400 مقص بره 200
فانوس شبوره 150 بره 50
250 تيل فرامل
دى اسعار التوكيل بس طبعا عارف ان الخامات افضل كتير من بره لان جربت فانوس شبوره 100 جنيه الباغه بلاستك مش زجاج زى الاصلى
الف حمد لله ع سلامتك ياباشا وان شاء الله بسيطة جدا متقلقش ام 11 عربية حمالة حوادث واسال مجرب واهم حاجة انك بخير وكويس
بص يا باشا انا الي اعرفة انك لو رحت التوكيل هتدفع فلوس التصليح بالكامل وبعدين تروح تقدم فاتورة لمصر للتامين و الشيك هيطلعلك بعد شهرين تلاتة بس مش هيطلع بالمبلغ كلة هيشيلوك تقريبا 10% من قيمة الفاتورة عشان عملتها في التوكيل + هيخصمو فلوس برضو نسبة اهلاك الي تقريبا بتكون 10 ل 20 % وبعدين يطلعلك الشيك بالباقي لو عملتها في مركز برة التوكيل هيخصمو نسبة الاهلاك بس مش هيشيلوك حاجة من الفاتورة الي هية اصلا المصنعيات تقريبا شوف انت دماغك اية واعملة لاكن في رايي الشخصي التوكيل لو لسة العربية في الضمان
الضمان خلص دلوقت انا عارف تحمل 10% طيب ايه حوار نسبه اهلاك دى
طيب مثلا التكلفه 5000 المفروض ادفع كام وهل لو اتعملت فى مركز بره التوكيل هل قطع الغيار اصليه ولا مشى حالك معلش ياميدو هتعبك معايه ايهما افضل انا بقالى 4 سنوات صيانه فى التوكيل رايك اعملها فى التوكيل وخلاص ----------------------- وفى حاجه كمان انا لو روحت مثلا اشتريت الاجزاء التالفه والقطع اللى باظت وعملتها بره التامين ظروفه ايه
يا باشا تعب اية بس عيب عليك احنا اخوات ..
بص انا مقتنع تماما ان اي عربية صيني صيانتها في التوكيل لانك ببساطة صعب تلاقي قطع غيار زي الي في التوكيل برة وكل الي برة مضروب ومثال علي ذلك .. خالي معاة 516 الاكصدام اتخبط وجاب واحد جديد بتاع الدوكو قالة الاكصدام دة زفر والبوية مش هتبقي تمام علية وهتقشر بسرعة وراح عملة في التوكيل وبقي زي الفل عشان كدة خليك في التوكيل عشان تاخد قطع اصلية واصلا التامين هيشيل المبلغ ان شاء الله بس اوعي تكون نسيت تعمل محضر لانك لو معملتش محضر بعد الحادثة ب 72 ساعة هيروح عليك التامين ومش هيدفعو مليم و نسبة الاهلاك بتكون مكتوبة في وثيقة التامين وانا شفتها دلوقتي علي النت بتكون من 5 الي 7 % سنويا ودي يعني مثلا الاكصدام انت جايبة ب 500 جنية و استعملتة سنة هينزل من سعرة من 5 ل 7 % علي حسب ما يحدد الخبير يعني تقريبا هيكون تمنة 475 جنية وهتدفع انت 25 جنية الفرق بتاع استخدامك و الافضل خليك في التوكيل بس اوعي تكون نسيت تعمل محضر عشان التامين وتبلغ في الشركة برقم المحضر و الحادثة لما تودي العربية التوكيل عشان يبعتولك مهندس يعاين الحادثة ويديك موافقة بالاصلاحات و بسيطة ان شاء الله و الحمد لله انها جات في الحديد
الف سلامة عليك
ربنا يعوضك خيرعنها
لا انا عملت محضر فى نفس وقت الحادث وجت عربية الشرطه وامين الشرطه عمل محضر وفى صديق ليه محامى اخد رقم بيان الاحوال ورقم المحضر
دلوقت ياميدو الامين كتب الحادث والتلفيات افرض دلوقت نسى يكتب بعد التلفيات فى المحضر عادى بمعنى الفانوس الامامى شمال فى شرخ بسيط من الجنب والافيز اللى ماسك الفانوس مكسور
هل ده عادى ولا كان لازم يكون مكتوب فى المحضر
وفى حاجه كمان انت شايف ان اطلع على التوكيل الاول يوم الاحد ولا اطلع على شركه التامين الاول وشكرا على المتابعه
عملت المقايسه النهارده داخله على 10 تلاف
1-اعمال ميكانيكا تغير مقص+شمعدان +بطاحه مساعد+بليه عجل +شداد ميزان+علبه دريكسيون+طنابيرزوايا
ومايستجد بعد الزوايا 1200 جنيه
----------------------------------
2-اعمال كهرباء فك وتركيب فوانيس اماميه + فوانيس شبوره 200 جنيه
3- اعمال فك وتركيب اكصدام امامى +كارتيه +فرش باب خلفى شمال 200 جنيه
4- اعمال سمكرهتغير رفرف امامى شمال +سمكره باب خلفى شمال +رفرف امامى يمين +باب امامى شمال +ضبط مقدمه السياره 1500 جنيه
5- اعمال دهان -- دهان ابواب جانبى شمال +رفرف امامى شمال +رفرف امامى يمين +اكصدام 1500 جنيه
---------------------------------
قطع الغيار
1- رفرف امامى شمال
2-كرتير رفرف شمال
3- فانوس امامى شمال
4-اكصدام امامى
5-فانوس شبوره شمال
6- كساحه اكصدام
7-شبكه اكصدام علويه
8-فريم اكصام امامى
9-فردة كاوتش
10-زجاج امامى +كاوتش زجاج +سليكون
11- جنط امامى شمال
12-قنطره
13-مساعد امامى شمال
14-بطاحة مساعد شمال
15-بلية عجل
مش مكتوب اسعار قطع الغيار طبعا دى مقايسه التوكيل واخدت المقايسه وطلعت على التامين وكتب بيانات الحادث وسبب الحادث ورقم المحضر وفى انتظار كمان يومين مهندس المعاينه