عرض للطباعة
الاخوة و الاخوات الكرام / مالكي و محبي سيارات هيونداي
أسعد الله يومكم بكل الخير
و كل عام و حضراتكم بخير
بمناسبة عيد الاضحي
اعاده الله علينا و علي الامة الاسلامية بالخير
بمناسبة عرض شركة غبور - أوتو علي الالنترا الكوبيه و الذي يصل حجم التخفيض فيه الي قرابة ال 20,000 جنيه , و مع تشابه السيارتين في المواصفات و الشكل الخارجي تقريبا و الداخلي و مع الوضع في الاعتبار توافر نفس المواصفات المتوافرة بالكوبيه و السيدان
نريد أن نتعرف علي رأي المستهلك المصري في السيارتين و أيهما يفضل
العربيتين واحد في الكماليات والتجهيزات
يبقي الخيار علي اساس الحاجة
يعني عربية عائلية يبقي سيدان
انما الشباب مش فارقة معاه الحجم قوي وبتبقي الكوبيه شكله افضل واروش طبعا
السيدان افضل طبعا و عمليه اكتر و اريح و سعر اعادة بيع افضل
بس لو الكوبيه عليها خصم ٢٠ الف جنيه مره واحدة تبقي كده جميله جدا و فرصه للشباب او المتجوزين جداد
علي فكرة هي نفس العربية و نفس أبعادها يعني :اقتباس:
المشاركة الأصلية كتبت بواسطة ahmednaeem
- نفس حجم الصالون
- نفس حجم الشنطة
الفرق الوحيد أنها بابين , يبقي مش هاتمنع أنها تكون لأستخدام الاسرة برضه
و هنا هأسأل السؤال بطريقة تانية :
- لو أمامك الكوبيه بسعر 140,000 جنيه و فيها اي بي اس + 2 أيرباج
- و ألنترا سيدان أول فئة ب 140,000 جنيه فاضية
- و ألنترا سيدان ب 150,000 جنيه فيها اي بي اس + أيرباج واحدة
تشتري مين فيهم ؟
كان المفروض يغيروا من شكلها الامامى علشان تحس انها كوبيه مع انها عجبانى كده بس لو كانوا غيروا منه كانت باعت احسن من كده
المشكلة أن الفيس ليفت الجديدة نازلة بشكل جديد أحلي من الكوبيه و كذا الكوبيه أتضربت و فقدت أي ميزة عن السيداناقتباس:
المشاركة الأصلية كتبت بواسطة ahmedcar
الالنترا الكوبيه فيها فتحتين شكمان علشان تستحمل لو الحرق اكتر وفيها سبويلر شكله شيك أوي بصراحة والباب الامامي اكبر وزجاجه بالتالي اكبر للرؤية الجانبية وسهولة الركوب والشباك الخلفي اصغر بوضوح على اساس يظهر ان الي ورا بيبقوا اطفال ويمكن يكون التانك اكبر مش عارف
بصراحة هي عربية رائعة للشباب وللمتزوجين حديثا ولان سعرها غالي عامة على الشباب بتلاقي سعر اعادة البيع بيقل لكن طالما سعرها زيرو نزل كده خلاص هيعوض انخفاض سعر اعادة البيع لقلة راغبيها وانحصارهم في فئة معينة
هي عربية عجباني طبعا الفلولي لود بتاعتها لكنها لا تناسبني علشان اسرتي ناس كبار وبصراحة انا كان نفسي السيدان بتاعتها كان يكون فيها الشكمان ده لاني اعتقد ان الماسورتين بيعكسوا علبة شكمان افضل وكمان الاسبويلر عامل شكل جميل انا شفتها وركبت فيها لما جيت اشتري بس اشتريت السيدان علشان ظروفي زي ماقلت
هو بس الفولي الكوبيه كانت ب 172 الف ساعتها اقل من السيدان ب 8 الاف ماعرفش هي نزلت كمان ولا ايه طبعا لو كده يبقى اي شاب حتى لو متجوز واولاده صغيرين الكوبيه بالنسبة له لقطة
اما موضوع فاضية ولا فيها ايه بي اس والاير باجز مقابل بابين بس فالعمر واحد والرب واحد بس برضه ربنا ادانا العقل ورأيي الي يقدر يجيب عربية فيها وسائل امان مايستخسرش ويجيبها بدون ووسائل الامان اهم من البابين الخلفيين حتى لو العائلة كبيرة طالما الظروف المادية اضطرت لذلك مجرد رأي
ارشح الكوبيه بالسعر اللقطة ده خاصة لو فعلا نزلت عن 172 ارشحها لكل شاب
والالنترا عموما عربية تستاهل تمنها
والله اعلم
تحياتي
انا عن نفسي اكيد هشتري الكوبيه ارخص و كمان 2 ايرباج بس لو عندك اسره يبقي حضرتك تتناقش معاهم و كمان تاخد في الحسبان هتغير امتي العربيه علشان لما العيال هتكبير هل هيتخنقو منها و لا لا بس انا حتي لو عندي عيال هي كوبيه و اللي مش عجبه ميركبش :)اقتباس:
المشاركة الأصلية كتبت بواسطة samir elshahawy
السؤال هيا اﻻلنترا فاضيه اصﻻ وصلت ل140 الف؟
ماهو ده اللي أنا عايز اوصل لهاقتباس:
المشاركة الأصلية كتبت بواسطة hossam_elwani
ليه تشتري ألنترا فئة أولي فاضية ب 140,000 جنيه لما ممكن تشتري الكوبيه اللي هيا نفس العربية و زيادة عليها أمكانيات و حركات و بنفس السعر
اقتباس:
المشاركة الأصلية كتبت بواسطة Samir Elshahawy
الكوبيه طبعا :tumb:
بصراحة الكوبيه صفقة رابحة بالسعر ده مفيش كلام
هية ولا صفقة رابحة ولا حاجة هو بعد فشل غبووووور فى بيع الكوبية و اكتساح الكوبية سيراتو فى نفس الفئة قرر يتخلص من العربية انو ينزل من سعرها 20 الف دى سياسة غبوووووووووووور بطلو تشترو و العربيات ترجع اسعرها مش هقول قليلة لا زى الناس بس
اللي اعرفوا ان اول فئه اتوماتيك سيدان سعرها كان وصل ١٤٩ الف فهل غابور عامل خصم ٩٠٠٠ جنيه علي السيدان؟اقتباس:
المشاركة الأصلية كتبت بواسطة samir elshahawy
الخيار التالت ابو 150اقتباس:
المشاركة الأصلية كتبت بواسطة samir elshahawy
ماهوعشان اللى حضرتك ذكرته انها رخصت 20 الف انا قلت انها صفقةاقتباس:
المشاركة الأصلية كتبت بواسطة kokowasfy