استاذ محمد
عاوز واحد بتاع تكييف علي ضمانتك
لاني التكيف عندي مش بيطلع هواء ساقع
عرض للطباعة
استاذ محمد
عاوز واحد بتاع تكييف علي ضمانتك
لاني التكيف عندي مش بيطلع هواء ساقع
المراكبى
جسر السويس امام بوابة 5 لنادى الشمس
كار كوندشن
المهندسين - خلف السوق الحرة بجامعة الدول العربية
MMamdouh
ألف شكر يا استاذ محمد
بس مفيش حد في الهرم أو فيصل
لاني مش دارس المهندسين خالص
مكانه فى المهندسن ما يتوهش، انت انزل ش السودان من فيصل و خليك ماشى فيه لغاية جامعة الدول و ادخل فى جامعة الدول يمين و بعد 200 - 300 متر هتلاقى الأسواق الحرة على يمينك، ادخل اول شارع يمين بعدها فى اول شمال، هتلاقى المركز على الشمال.
اسف علي تاخير الرد يا استاذ حسام
ألف شكر يا باشا عموما حروح وأحكيلكم علي النتائج بأذن الله
يا جماعة عندي التكييف بيسرب علي 3 شهور وبتاع التكييف قالي هنشوف فين التسريب الاول بس قالي هيفك حاجات كتير
مفيش حد عندة طريقة حديثة شوية من غير الفك والبهدلة
الكشف على التسريب مبيحتاجش فك الا لو التسريب من الكويل... و فى الحالة دى حيفك التابلوة كلة برة العربية
MMamdouh
اية الكويل دة
السربنتينة اللى فى التابلوة
MMamdouh
لو سمحت يا استاذ محمد ممدوح انا اشتريت عربيتى لانوس 1 مو 99 فى شهر خمسة اللى فات يعنى بقالها تقريبا 5 شهور شحنت فيهم التكييف حوالى 13 مرة و غيرت السربنتينة و كل لما اروح لواحد يقوللى السربنتينة منفثة و التانى يقوللى البلف بينفث و التالث يقوللى الكومبروسر بينفث و غيره يقوللى الاكسبنشن فى مشكلة و فك لى التابلوة و كان يوم مالوش ملامح و فى الاخر واحد قال الفلتر مسدود لحد بصراحة ما خلصت الفلوس اللى كانت باقية معايا و الله العظيم انا صرفت على التكييف ده حوالى 2400 جنيه و برده مش عارف ايه السبب كل ما باشحن بعد اسبوعين بالضبط افريون يتفرغ لحد لما انا زهقت من العربية بسبب التكييف و مش عارف ايه الحل و لو عند حضرتك حد اروح له بس يكون مضمون و يا حبذا لو فى الاسكندرية لانى من الاسكندرية اكون شاكر افضال حضرتك حتى لو كان التوكيل بس ياترى لو روحت التوكيل حيلاقى حل للمشكلة دى و انا اسف طولت على حضرتك كتير معلش افتح صدرك لينا لو سمحت