لو بتشترى شقه فى اسكندريه تشترى فين؟

**hossam_elwani** · 19-10-2013 01:53 AM

عايز اشترى شقه فى اسكندريه فى حى راقى نسبيا لو انت مكانى تشترى فين وبكام.؟

**Mostafa.Mahran** · 19-10-2013 01:57 AM

اساسا انت ساكن فى منطقة ايه ؟ علشان تقييم المناطق بيختلف حسب السكن الاساسى

**hossam_elwani** · 19-10-2013 02:16 AM

دلوقتى شقه صغيره فى محرم بك واخرى فى 45 بس عايز اوسع ومكان افضل هل فيه مدن او تجمعات لها اﻻفضليه؟

**Mostafa.Mahran** · 19-10-2013 02:36 AM

انا اعرف الى بيسكن فى الرصافة او محرم بك صعب يطلع منها بسبب التعود على المنطقة
انا ساكن فى الرصافة و ان شاء الله هشترى شقتى فى الرصافة برضه لانه صعب جدا اروح اى مكان تانى

الرصافة فيها عمارات جديدة مساحتها كبيرة و مناطق هادية نسبيا و طبعا انت فى وسط البلد و المستوى المعقول بيبدا من350 لحد مليون و شوية فى العمارات الى عند ميدان احمد زويل وابور المية

**hossam_elwani** · 19-10-2013 02:40 AM

المشاركة الأصلية كتبت بواسطة mostafa.mahran

انا اعرف الى بيسكن فى الرصافة او محرم بك صعب يطلع منها بسبب التعود على المنطقة
انا ساكن فى الرصافة و ان شاء الله هشترى شقتى فى الرصافة برضه لانه صعب جدا اروح اى مكان تانى

الرصافة فيها عمارات جديدة مساحتها كبيرة و مناطق هادية نسبيا و طبعا انت فى وسط البلد و المستوى المعقول بيبدا من350 لحد مليون و شوية فى العمارات الى عند ميدان احمد زويل وابور المية

والمساحات بالنسبه للسعر ده كام.؟

وفيش حاجه بره شويه وزى تجمع كده

ايه رايك فى محرم باشا؟؟

**Mostafa.Mahran** · 19-10-2013 02:44 AM

محرم باشا كان عليها عرض تبع نقابة المهندسين و تقسيط على 5 سنين و الشقة كانت ب385 و مساحتها تقريبا كانت 105

بس طبعا مينفعش يتسكن فيها خالص خالص لانى هتحبس هناك و صعب جدا الخروج بليل على رجلى خالص و لازم عربية علشان انزل بيها الميدان و غير كده تحت الكوبرى بيبقى زحمة جدا جدا بسبب البنزينة هناك و المزلقان و الوضع بيبقى كارثى بسبب عربيات النقل و الكاريتات و المشاريع المستطيلة الى بتروح نادى الصيد

**aldesha989** · 19-10-2013 02:45 AM

لو عندك امكانيه تشترى فى محرم باشا توكل على الله المجمع السكنى هناك شكله تحفه
وبما ان سموحه ورشدى ومصطفى كامل بقى زباله اصلآ وبقت كل التجمعات هناك زفت فتقتدر تأخد حاجه بعيده افضل يعنى محرم باشا جميله وولو تقدر على كفر عبده