سيات كوردوبا محتاجة صيانة .. برجاء المساعدة

[overline]السلام عليكم

انا عضو جديد فى المنتدى ولسه شارى عربية سيات كوردوبا موديل 2008 مانيوال 1400 سى سى .. وإشتريتها مستعمل وحابب أعملها فحص شامل وصيانة شاملة قدر المستطاع .. وشايف الموضوع هيكون مكلف شوية لو حبيت أعمل كل حاجة مرة واحدة . ياريت تنصحونى أبتدى بإيه وأأجل إيه .. علماٌ بأن الحالة العامة للعربية كويسة جداٌ .

وعندى سؤال تانى : لما بطلع بالعربية من وضع السكون بحس بـ " رجة أو هزة جامدة " للموتور زى مايكون مش ثابت مكانه . ودى سألت فيها واحد بيكانيكى قاللى ده وضع طبيعى بالنسبة لكل العربيات السيات والجولف . هل ده كلام صحيح ؟؟

وعذراٌ على الإطالة


[/overline]

اكشف على قواعد الماتور . ربنا يوفقك

شوف قاعده الموتور والفتيس ... وربط العفشه كويس . ربنا يكفيك شرها .

بالنسبة للصيانة
1- تغير كل سوائل العربية اللي محتاجة تغيير (زيت موتور - زيت فتيس - باور - فرامل)
الكشف علي السيور وتغيرها
3- الكشف علي العفشة
4- البطارية لان دي مهمة وممكن تكسفك في مرة والعربية تعطل بيك لا قدر الله
5- الكااوتش عمره الافتراضي 4 سنوات وتاريخ الاتنا مطبوع عليه بالحرارة علي هيئة 4 ارقام الاتنيت اللي علي اليمين رقم الاسبوع والاتنين التانيين السنة فتلاقيه مثلا 1226 يعني الاسبوع رقم 26 سنة 12


تحياتي

أهلا بيك بين أعضاء السيات

بالنسبه للصيانات
- تغير سير الكاتينه والبليه والسير فى حدود 100ج
- الكشف على جميع السوائل
زيت الفتيس : تأكد أنه مش ناقص ولو ناقص تزوده زيت من فالفوللين بدرجة لزوجة 75/w90 مش حاجه تانيه سعر الكيلو 75ج
زيت الماتور : يتم تغيره وحساب مدة التغير حسب نوعه بس او ماتورك حالته كويسه هتحط زيت تخليقى بالكامل ( فيسكو 5000 - او شيل الأزرق - ولف زادو )
زيت الفرامل تأكد ان قبرته مليانه
مياه التبريد تأكد من عدم نقصانها
البوجيهات اشترى نوعيه جيده ngk
الفلاتر : تغير فلتر البنزين وفلتر الهوا
اما فلتر التكييف اكشف عليه وممكن تنضفه بالهوا وبقى غيره بعدين
البطاريه : هتكشف بس على الشحن عند اى كهربائى يقلك شحن الدينمو والبطاريه أخبرهم أيه مش أكتر للأطمئنان ( الشحن بيبقى 13.5 امبير للحالة الجيدة للدينمو ))
بالنسبه للرجة الى فى الطلعه طبعا ده مش الطبيعى ولا السيات كده خالص
أكشف على قواعد الماتور عند حد متخصص فولكس فقط وهيا بسيطه ماتقلقش

ومبروك العربيه وربنا يبركلك فيها ويكفيك شرها

البوجيها ت أعتقد الكود بتاعك NGK Spark Plug, PZFR 5 D 11

السلام عليكم
مبروك عليك العربية و ربنا يباركلك فيها
من وجهة نظري تبدأ بالمهم قوي و الضروري فالأهم
طالما العربية ماشية معاه كويس و مفيش عيب غير النتش و الرجرجه في الطلعه يبقي حضرتك هتعمل في الأول الأتي

1- هتروح لميكانيكي عفشة يغيرلك او يبصلك عموما علي قواعد الموتور و لو محتاجه تتغير غيرها
2- هتغير طقم سيور (كاتينة + بلية لو صوتها خشن + سير مجموعه + بلية شداد لو صوتها خشن )
3- تغير زيت و فلتر و تشيك علي بقية سوائل العربية
4- تبص علي تيل الفرامل و خاصة الامامي لو خلصان غيره

و بعدين قلنا ايه الاخبار

في المرحلة التانية :-
تغير فلاتر (هواء + بنزين ) و بوجيهات و بس ولو عندك شك في حاجه في الموتور او العفشة قول و احنا نحاول نساعدك تعمل ايه

و بالتوفيق لك و للجميع و ربنا يباركلك في عربيتك

مبروك العربية ربنا يباركلك فيها
الخبراء قاموا معاك بالواجب