عرض للطباعة
علب الكبوت بتاعة عش الغراب المشروم غالية جدا يا جماعة
وبصراحة بروتين نباتى صحى ولذبذ وبيتحط على حاجات كتير فى الاكل
بس امشكلة انة مولع نار العلبة تعدى العشرة جنية !!!
حد يعرف ازاى نزرع عش الغراب فى البلكونات والاسطح ازاى ؟؟
ودورة نموة هل سريعة ام لا؟
يا باشا اكتب على جوجل زراعة عش الغراب حتلاقى مليوووون طريقة و بالتفصيل
دخلت جوجل كل زراعات مش زراعات منزلية ... وكمان بالانجليزى
لو حد عندة تجربة حية يقولنا وخلاص
ياة فكرتنى بأيام جميلة
تجربة زراعة عيش الغراب :mahf(5):
واحد صاحبى كان عامل المشروع دة ورحت عندة وهو لسة فاتح اغرانى الموضوع و المكاسب بدأت تلمع فى عينى
وخصوصا انى كنت خالى شغل فى الفترة دى و الموضوع سهل وبسيط
النبات دة بيتزرع فى شكاير بلاستيك عبارة عن طبقات من القش جواها طبقات من البذور الفطر و السماد كل دة فية بخار مياة تحس ان الشكارة مندية من جوة و القش شارب مياة
أستلمت الشكاير مقفولة وكان عندى شقة فاضية رصيت فيها الحاجة وسيبتها لمدة اسبوعين ( طريقة الزراعة بتقول كدة)
وبعدين تبدأ تفتح الشكاير بالقطر من فوق وتفتيح من الجوانب للرى بواسطة البخاخة فقط
هتلاحظ بداية ظهور المشروم من الاعلى و من الحوانب و الشكاير اللى متفتحتش كويس عفنت و الشكاير اللى اتفتحت زيادة عن اللزوم نشفت ومطلعتش انتاج ودى كانت أول خسارة
الانتاج ضعيف يعنى كانت بتطلع من 2 الى 3 كيلو فى الاسبوع و الكمية كانت حوالى 70 شكارة
ولقيت نفسى بضرب مشوار كل اسبوع للشركة علشان ابيع كمية بسيطة فالراجل اقترح عليا انى اشتغل فى المجفف
المحصول اجففة فى الشمس وابيعة مرة واحدة و فعلا جمعت كمية حوالى عشرة كيلو وجففتهم عملوا 4 كيلو مجفف :fun_36_3_4[1]:
فى حوالى شهر
النبات دة حساس جدا للتقلبات الجوية
وكنا فى الشتا جة 4 ايام برد و مطر و بعدها مطلعش ولا حتى مشروماية صغيرة وكان نهاية فرقة رضا المسرحية
استعوضت ربنا فى الفلوس اللى خسرتها وفى المجهود وأكلت المشروم اللى باقى لوحدى :tumb: