مشكلة مش عارف حلها اية

**amirock** · 19-10-2013 05:00 PM

اولا كل سنة و حضراتكم طيبين
كنت مسافر من اليكس للقاهرة و اول ما وصلت القاهرة و انا بركن العربية سمعت صوت غريب لما بلف الدركسيون ناحية اليمين كان الكاوتش بيحك في حاجة نزلت بصيت ملقتش حاجة المهم ركنتها علي كدة و قلت اجربها بالليل تااني لقيت العربية عادية خالص قمت رحت لواحد بتاع كتوتش ودة اللي لقيتة فاتح قاللي العربية مفيهاش حاجة ... مع العلم اني رجعت بيها اسكندرية.و انا حاطط ايدي علي قلبي و مزودتش عن 110 علي الطريق و برضة معملتش حاجة مع العلم ان دة مش صوت كوبلن بس العربية في الطرق الغير ممهدة بحس برجة في العجل ... هل اطنش الموضوع و لا اروح اكشف عليها و اية اللي ممكن يكون ييعمل كدة مع العلم اني بسافر كتير
و اسف للاطالة و شكرا

**saddam** · 19-10-2013 05:51 PM

صديقي المواطن
حاجات كتير ممكن تعمل كده صوابع ميزان أو جلب مقصات أو بيضات حاجات كتيرة جدا وتجنبا للفتوى السماعية فإنت تروح ترصص. وتعمل زوايا كمبيوتر وتربط عالعفشة وهو حيكشفلك عليها.ويقلك ناقصها إيه وغالبا بتتحل بتربيط العفشة بس الصح إنك تظبط زوايا وترصص كمبيوتر مرة كل شهرين
وبالتوفيق وإلى اﻷمام ومن نصر إلى نصر
ودمتم للنضال

**Mecha** · 19-10-2013 06:16 PM

jack the front wheels up
and check the wheel bearings

**amirock** · 19-10-2013 06:30 PM

متابع الردود باهمية

**medori** · 19-10-2013 06:58 PM

اعتقد جلب او بيض مقص

**amirock** · 19-10-2013 09:37 PM

شكرا علي الردود يا جماعة

**Mahmoud.Fathy** · 19-10-2013 09:56 PM

الحل الأمثل ربط العفشة كويس وظبط زوايا ورصص .... اذا لم تحل المشكلة.... عفشجي محترم يبص عليها وهو اللى يقول فيها ايه

**Mahmoud.Fathy** · 19-10-2013 11:31 PM

المشاركة الأصلية كتبت بواسطة amirock

شكرا علي ردك يا استاذ محمود
اية اخبار الجوليت معاك. علي ما اعتقد ان محدش معاه جوليت في المنتدي غير حضرتك ... و العبد لله طبعا...

المنتدى مليان ناس معاهم جوليت :) :) :) بس مش نشطين أوى يعني ... بيخشوا يشوفوا الدنيا ايه وخلاص :) ... الجوليت الحمد لله فضل ونعمه ... بس من يوم ما ظبطها في مركز نايل موتورز وتقريبا كده السواقين البهايم مستكترين عليا الفرحة :) ... اخرهم الرفرف الشمال امبارح وعملته النهاردة عالبارد بس مش عاجبني خالص ... هرمية بقى واشترى واحد غيره واروح مركز نايل موتورز اركبه وارشه تاني ... :) :) :)