اتخرحت و مش عارف ابدا منين

**matrix_it** · 19-10-2013 05:09 PM

الحمد لله اتخرجت من تجارة e السنة دى تقديرى مقبول و مش عارف ادور على شغل ازاى ؟؟
اروح مكاتب توظيف ولا انزل بنفسى ادور ولا اشتغل اى حاجة بعيدة عن مجالى لحد ما ربنا يرزق بشغل ليه علاقة بشهادتى !
ياريت الاخوة المحاسبين يقلولى عملوا ايه بعد التخرج ؟
شكرا

**saddam** · 19-10-2013 05:28 PM

صديقي.المواطن
المحاسبين بالذات ميتعينوش.في أماكن محترمة من غير ميحروحوا ياخدوا دورات وحفنة بوردات وشهادات وشوية شغل تحت اﻹختبار إنما بشهادتك بس مش حتلاقي شغل مباشرة في أماكن فخمة فتروح تسأل الماشي إيه وتشتغل أي شغلانة الصبح والعصر تاخد كورسات ودورات وشهادات تانية مطلوبة وأهم نصيحة أنصحهالك في مقتبل حياتك
عايز ربنا يبص في وشك ويصلح حالك فإبعد عن جلسة القهاوي والقعدات الفاضية والكلام الكتير والصوت العالي
وبالتوفيق وإلى اﻷمام ومن نصر إلى نصر
ودمتم للنضال

**hazemhany** · 19-10-2013 06:03 PM

قدم في البنوك ..ليا اصحابي قدموا اول ما اتخرجوا من غير كورسات ولا يحزنون واتقبلوا في cib و HSBC

**3mr Farrag** · 19-10-2013 06:07 PM

البنوك مش بتاخد اقل من تقدير جيد
غير ممكن ياخدوك بس هتروح شرم او غردقه مثلا

**AhMeD MeTwAlY** · 19-10-2013 06:15 PM

بص يا غالي انت تشوفلك وسطه تشغلك في شركه كمبتدأ ولو براتب ضعيف اوي
الخبره هتفيد اوي اوي اوي كمان

**eslamrace** · 19-10-2013 06:24 PM

شوف انت شايف نفسك ايه وعايز تبقى ايه
*لو انت عايز تبقى صاحب شغل فى اى مجال يبقى تحط هدف انك تشتغل صبح وبعد الظهر علشان تكون راس المال وفى نفس الوقت تاخد الخبره فى المجال اللى بتفكر تشتغل فيه وحابه .
*لو عايز شغل فى شركه محترمه او قطاع كويس يبقى عليك وعلى اللى ا/ صدام قالهولك بدون اى تعديل
*لو عايز شغل بره مصر يبقى تعمل c.v محترم وتحاول تشتغل سنه او اتنين فى اى مكتب حتى لو بمقابل ضعيف علشان يبقى معاك خبره وتبتدى تبعت على النت ومكاتب التوظيف الموثوق فيها للسفر او تشوف حد معرفتك بره يشوفلك شغل معاه

....اهم حاجه فى الموضوع انك تشتغل ومتضيعش وقتك فى اى مجال حتى لو مش فى تخصصك لحد متاخد قرارك انت ناوى على ايه .
بالتوفيق وربنا يكرمك بوظيفه محترمه او شغل تكون بتحبه .

**mizomizomizo** · 19-10-2013 06:32 PM

رجعتني الي سنة 2002 عند تخرجي لفات علي مكاتب محاسبة وبنوك و شركات وكان عندهم سؤال واحد عندك خبرة 3 سنوات يجماعة انا متخرج جديد ولاحياة لمن تنادي اشتغلات محاسب في شركة براتب هذيل للغاية 150 جنية والعمل كان من 10 الي 8 مساءا و بعد ذلك بياع في شركات الكمبيوتر و بعد لف ودوران 3 سنوات من التنقل من شغلانة الي اخرة غيرت مجال عمالي تماما و اتجهت الي نظم المعلومات وربنا وفقني و الحمد الله و مستقر وبراتب جيد الي حد ما بس نصيحة اوي تيأس لما تشوف دفعتك شغلين في بنوك و في شركات سواء بوسطة او بضربة حظ او عن جدارة فرزق مقسوم وربنا يوفق الي ما فية الخير للك

**matrix_it** · 19-10-2013 11:31 PM

تمام كدة فى اجماع انى اشتغل حتى لو شغل برة تخصصى ! عندى سؤال هى الخبرة دى المقصود بيها شهادة ولا معلومات ؟؟ و كمان انا لسة متخرج من الكلية و مش فاكر معظم اللى درسته !
الف شكر