الموضوع: رايح التوكيل بكره بخصوص الاكسنت rb و ارجو المساعده بالله عليكم

انا حجزت في فرع قليوب بكره الساعه 12
الموضوع الاساسي
تغيير المساعدين
لكن انا ملاحظ في العربيه انها محتاجه تيل فرامل و ضبط زوايه و ترصيص
العربيه 2012 ماشيه 83 الف , الكول سينتر قالولي ان الضمان 3 سنين او 60 الف كيلو علي اجزاء السياره لكن الموتور 100 الف , انا قولتلها كل ال rb فيها مشكله المساعدين و بيغيروها مجانا , قالتلي ماعندهاش علم بكدا و ممكن بكره المهندس يفيدني
اسعار تيل الفرامل و ضبط الزوايا و الترصيص ايه ؟؟
انا لسه شاري العربيه من اسبوعين و ماعنديش خبره سابقه , دي اول عربيه ليا , ايه الحاجه المهمه اللي اكشف عنها في التوكيل و بتكلف كام .
و هل لازم اعمل مشكله عشان يغيرلي المساعدين ولا دا اصلا مش من حقي ؟
و جزاكم الله خيرا

الزميل المجترم
اولا
السياره ضمانها 3 سنين او 60 الف ايهما اقرب
الضمان اللي بعد الستين علي الموتور و الفتيس بس و لازم كل الصيانات تكون معموله و معاك فواتيرها
انا بقول لحضرتك اي حاجه هتعملها في العربيه بكره نقدي علي حسابك و السياره خارج الضمان معلش انا اسف لكن دي الحقيقه