هذه المعلومات من مندوب مبيعات منصور شيفروليه فى سور نادى الزمالك و يا ريت تتأكد (حضرتك) من معلوماتك قبل ما تقولها.اقتباس:
المشاركة الأصلية كتبت بواسطة haygen
رجاء مراجعة الرابط التالى:
Opel Astra - Wikipedia, the free encyclopedia
The Astra is now built in Germany, the United Kingdom, Russia, Poland and China as well as being assembled from complete knock down (CKD) kits in other countries.
مين بقى اللى مفروض يتأكد من معلوماته قبل ما يتكلم؟!!!!!
اسمح لىاقتباس:
المشاركة الأصلية كتبت بواسطة eggroup
برضو الكلام غير سليم
العربية بتتجمع فى مصنع بولندا
ده لا يعنى انها بولندى. وإلا الفوكسهول أسترا إللى بتتجمع فى إنجلترا تبقى انجليزى أو الرينو فلوينس تبقى عربية تركى.
فلوانس افضل بكتيييييير
انا موافق حضرتك الرأياقتباس:
المشاركة الأصلية كتبت بواسطة eggroup
خصوصا اني استلمت الحمد لله e2 نبيتي
أخى العزيز،اقتباس:
المشاركة الأصلية كتبت بواسطة K.Ossama
هناك فرق بين بلد التصنيع و بلد المنشأ و إلا ما كنتش التويوتا بتاعة جنوب أفريقيا فشلت و هذا ليس كلامى و لكن ارجع الى قسم تويوتا و المقارنات و أقراء المكتوب عنها.
و حتى هذه اللحظة هناك ناس ترفض ركوبها لأنها مش يابانى (أصلى) زى ما الناس بتقول و أعرف صديق لسه شارى موديل 2013 الشكل القديم خليجى اليابانى ب 170000 و قالى (ألحقها قبل ما تخلص!!).
الترجمة الحرفيه للمنشور عن السيارة أسترا فى موقع ويكيبيديا هو Built و معناه (تصنييييييييييع) فى بعض البلاد و منها بولندا كما هو واضح.
و اللى أكد المعنى أكثر هو انه ذكر بعد هذا كلمة Assembly و معناها (تجميع) فى بلاد أخرى.
و بعدين ده كلام الوكيل اللى بيبعها مش كلامى!!
تقبل تحياتى.
د. ياسراقتباس:
المشاركة الأصلية كتبت بواسطة eggroup
أنا عارف معنى الكلام وعارف الفرق مابين التصنيع والتجميع (من غير كل ال ييييييي دى )
وعلشان كده باقول لحضرتك إنها متجمعة فى بولندا
لسبب بسيط الشاسيه معمول فى حتة والفتيس معمول فى حتة والموتور كمان فى حتة
على سبيل المثال الموتور اللى فى أى عربية أسترا 1.6 فى أوروبا والشرق الأوسط معمول فى مصنع المواتير بتاعهم فى المجر ونظام الصوت فى العربية معمول فى بوش فى ألمانيا.
وعلى فكرة فى نفس صفحة الويكيبيدياتحت عند جدول الأسترا j اللى على الجنب اليمين حتلاقيه كاتب تجميع برضو
أما بقى موضوع مندوب المبيعات فدول آخر ناس ناخد منهم معلومات حتى لو من التوكيل (أول ما العبية نزلت حجز كانوا بيقولوا كلام له العجب)
وأخيرا مبروك على الفلونس وربنا يبارك فيها ويكفيك شرها إن شاء الله
الاسترا اجود واقوى واتزان اعلى ونظام esp
بس الفلوينس اوبشنز داخلية اكتر
هما التنين اوروبي بس الفرنسازي يفرق عن الالماني في الجودة والثبات
هات الاسترا احسن واجمل من الفلوينس بكتير جداً داخلياً وخارجياً
الفلونس سياره راقيه جدا
ورفاهيه عاليه
بدام دخلت الكبير ..... يبقي الكبير كبير ....... طبعا بيجو 508اقتباس:
المشاركة الأصلية كتبت بواسطة eggroup
ولو استغلتها >>>عليك بالفلونس
الف مبروك علي الفلونس ..... احسنت الاختيار
وان شاء الله تنبسط بيها وربنا يكفيك شر الطريق واولاد السوء
اسمحولى اقارن بين الاسترا و الفلوانس من وجهة نظرى الشخصية
الثبات فى صالح الاسترا و بفارق واضح علشان الجنط ال ١٧ و نظام التعليق و كمان ال esp
الركوبة الناعمة داخل البلد و مع المطبات فى صالح الفلوانس
الوسع الداخلى و الشنطة فى صالح الفلوانس
الأستمتاع بالقيادة و الفتيس فى صالح الاسترا
الاوبشن الاكتر فى صالح الفلوانس لنفس الفئة السعرية
شياكة التابلوه فى صالح الاسترا
جودة التوكيل و فهم السيارة فى صالح الفلوانس
شكل السيارة الخارجى فى صالح الاسترا
تكيف العربية مع بنزين ٩٢ فى صالح الفلوانس
نعومة الفتيس فى صالح الفلوانس
بالنسبة لى شخصيا فضلت الفلوانس للاتى:
سيارة اوسع
توكيل و صيانة و عربية معروفة من ٢٠١٠
عربية عائلية مريحة فى القيادة داخل البلد و ثبات معقول جدا على الطرق السريعة
اوبشنز بقيمة فلوسى اعلى بكتير
عربية اوسع و شنطة اكبر مع فتحة تحميل اكبر
مناسبة جدا مع بنزين ٩٢
فتيس ناعم دون اى احساس بالنقلات و لكنه غير رياضى او ممكن نقول ممل فى القيادة
و خسرت الاتى مع الاسترا:
شكل اكثر شراسة و هجومية و شبابية اكثر
تابلوه افخم
قيادة امتع و العربية يمكن مصحصحة اكتر و طبعا فرق الفتيس عن الفلوانس
ثبات اعلى من الفلوانس و خصوصا لهواة القيادة الرياضية
مقارنة حيادية جدا احييك عليها :S_thum1[1]:اقتباس:
المشاركة الأصلية كتبت بواسطة Meggieboy
مع اني من الناحية العاطفية بميل للوبل بس اللي شفته في توكيل منصور يخليني اكسر ورا الاوبل زير وتخفى الاوبل لو وكيلها منصور
انا بمجرد مشوف مقارنة بين عربيتين وحدة بـesc والتانية لأ بفضل اللي بـesc طبعاً كفاية انها حتخليك تجرى وترمح من غير الق
يعني انت تختار عربية طابع الماني بـesc ولا فرنساوي من غير ؟ يمكن الزينون والليدات اللي في الفلوينس بيغروك ولا ايه ؟ :))
خليك في الاسترا ثباتها رهيب وحجمها مش كبير اوي في الزحمة زي الفلوينس ... في امان لله
متفق معاك جدا فى ثبات الاسترا الرهيب و طبعا الزينون حلو فى الفلوانس لكن أكيد مش ال LED هو اللى فارقاقتباس:
المشاركة الأصلية كتبت بواسطة برنس الليالي
أنا مش مغامر فى سواقتى يعنى لو بجرى ده لو حصل ببقى بحرص و فى الطوالى...لكن مش غرز ضيقة و كده
تقريبا كل سواقتى على صحراوى مصر اسكندرية و مش ببقى مستريح لو زودت عن ١٢٠ كم الا فيما ندر...بديها كروز كنترول و اريح شوية دماغى من مشاكل الطريق و شدته
فارق معايا قوى فى الفلوانس:
- الوسع الخلفى لأن دى عربية أسرة و فيه طفلين ورا و ساعات حماتى
- شنطة كبيرة علشان رحلات الصيف و الساحل
- العربية تكون مستريحة مع بنزين ٩٢
- استهلاك بنزين متدنى و خصوصا فى الايام اللى احنا هنشوفها قريب
- توكيل محترم و انا فاهمه كويس
- اعلى اوبشنز بالفلوس اللى بدفعها
- ثبات مرضى بالنسبة لنمط سواقتى
كل ده للأسف مش فى الاسترا فى مقابل فقط الثبات الرهيب مع ال ESP
- الاسترا مش حلوة مع بنزين ٩٢ و بترعش فى السلانسيه و التوكيل بيعلى الidle علشان يشيل الرعشة و ده طبعا بيأثر على أستهلاك البنزين....هى عايزة ٩٥ علشان تستريح
- توكيل منصور فى الضياع او فى احسن الاحوال لا يقارن مع رينو
- العربية ضيقة من ورا و ده مش هيناسبنى...ليه اللى قاعد ورا ميبقاش مستريح و خصوصا فى السفر
- الشنطة ضيقة بكتير عن الفلوانس و فتحة الدخول بتاعتها ضيقة جدا
- الثبات الرهيب ده بتاخد مقابلة جنط ١٧ و عفشة ناشفة داخل البلد على عكس الفلوانس عفشتها ملبن مع مطبات داخل البلد و عاليه و مش بتحك
- بالنسبة للفلوانس الهاى لاين الاسترا اللى بنفس التمن تفتقد الكثير و الكثير من الاوبشنز أهمها الزينون و الفرش الجلد و البلوتوث...مش عارف دول موجودين و لا لأ فى الاسترا لكن فى الفلوانس فيها ٦ ايرباج و فيه حساس ركن و فتحة سقف و نظام start /stop مع فتح و تدوير عن بعد و ٤ زجاج كهربا لمسة واحدة مع ٤ مكنات رفع و ٣ ستاير خلفية و مخرج تكييف خلفى و شوية دلع تانى كتير
لى شخصيا هناك أكثر من عامل فى صالح الفلوانس مقابل الثبات الرهيب للاسترا و طبعا فى النهاية اخترت الفلوانس
أشكرك يا كبير على النصيحة و الحوار البناء....فى أمان الله
الله ينور يا باشا والله .. على فكرة انا من اشد المعجبين بالفلوينس بجد وبعشق اللون الاسود عليهااقتباس:
المشاركة الأصلية كتبت بواسطة Meggieboy
وطبعاً اوبشنز الله ينور وصالون ملهوش حل بجد انا بس زي متقول كدا اخدت على نظام الثبات دا مع الـ320i عشان كدا تلاقيني بحنله :)
بس والله يا باشا اسبابك لإختيار الفلوينس اسباب مقنعة جداً ودا المطلوب بردو زي العفشة والوسع واستهلاك البنزين اشياء اساسية والتوكيل المقرف بتاع منصور
- إلا قولي عملت ايه في الحجز ؟ قريب إن شاء الله ولا ايه ؟ وثبت على اللون الاسود بردو ولا ايه الكلام ؟
خليك في اللونين دول لو لقتهم ...
http://pictures.autotrader.ie/servle...a-a3888961ef07
http://pictures.autotrader.ie/servle...a-7fee1e54ecd8
ولا انت رسيت على ايه ؟ :) العربية دي بيريق عليها شوية الوان فظيعة بصراحة
باشا الكبير....أحنا اللى بنستفاد منك و من خبرتك الكبيرةاقتباس:
المشاركة الأصلية كتبت بواسطة برنس الليالي
المفروض الدفعة الجديدة وصلت ميناء الأسكندرية يوم ٣ يناير....يعنى أن شاء الله على نصف يناير بالكتير يسلموا الحاجزين
أنا كمان بعشق الأسود عليها و هو ده اللى أنا حاجزه و مش مدى أختيارات أخرى...أن شاء الله يكون جه الهاى لاين الأسود مع الدفعة دى لأنى مش هقدر أنتظر أكتر من كده..... هانت ربنا يسهل و استلم على خير على نصف الشهر أن شاء الله.....
أشكرك تانى على أهتمامك و مساعدتك ليا و تقبل تحياتى
تستلم على خير إن شاء الله
الفلوينس أكث عملية من الأسترا في مصر .. وأسباب اختيار صاحب الموضوع لها منطقية تماما .. والله أعلم.
بالتوفيق إن شاء الله.
كلام جميلاقتباس:
المشاركة الأصلية كتبت بواسطة meggieboy
كنت حقولها
محدش ينكر ابدا الثبات بتاع الالماني ............ سواء كان ب esc او من غير
باختصار الشديد
السواقه العاديه..... الفلوانس
سواقه رياضيه ...... استرا
بالتوفيق
طبعا فلوانس شكل و ابشنز و برستيج احسن من استرا و مبروك مقدما ..
الفلوينس افضل في الوسع وعدد الاوبشنز وافضل جوا البلد
الاسترا افضل على الطرق السريعة لإحتوائها على الـesp ودا بيدي اختلاف شاسع في الثبات ولا تقارن بسيارة لا تمتلك هذا الابشن
ياجماعه
العفشه بتاعت الاسترا والتعليق الخلفي علي وجه التحديد غير طبيعي
وحتي من غير esp العربيه تحفه علي الطريق وفيه فروق بينها وبين الفلوينس خصوصا فيرالملفات ولمه العربيه
ومش معني كده ان. الفلوينس وحشه
انا معاك في النقطة دي ودا مش كلامنا إحنا بس دا كلام بتوع برا بس هي الناس بتخاف من التوكيلاقتباس:
المشاركة الأصلية كتبت بواسطة abou-yahia
هو من الاخر كده من رأي الاسترا مخصوصة لشاب و الفلوانس عائلية
الفلوانس عربية واسعة و ليها برستيج حلو و شكلها راقي بالذات ال facelift بس مش شبابي عكس الاسترا كمان ال cvt اداؤه بحسه مش رياضي خالص بتاع راحة كده
اما الاسترا طابلوه و عدادات رياضية شكلها شبابي جدا و شكلها الخارجي كمان بالذات في بعض الالوان زي الاحمر يعني عندنا في المقطم شاب معاه استرا سيدان لونها احمر مع استيكرز ريد بول الاصفر شكلها يجنن فعلا و من الاخر الفلوانس مش بتاعة روشنة عكس الاسترا و كمان ميزة مواتير الاوبل انها عصبية و عايزة تجريك و ده مجربه في الفيكترا الايزي ترونك دايما العربية عايزة تجري حتى لو انت هادي عليها الى حد ما برضه العربية بتبقى عايزة تجري فبما اني شاب فأنا هختار الاسترا مع اعجابي الشديد برضه بالفلونس اللي حققت معادلة صعبة جدا لأني شايفها best value of money في فئة دي و وفرت كماليات حلوة كتير و كمان توكيلها محترم كتيير عن توكيلات تانية زي عم منصور
لية محدش اتكلم عن فرق اسعار قطع الغيار الي هيكون اكيد في صالح الفلونس عكس الاسترا الي اعتقد هتبقي غالية جدا كعادة منصور ؟
تقريباً في المعقول بردو يعني تقريباً فانوس الاسترا 2000 جنيه مقابل 1500 للفلوينس والله اعلم انا سمعت كدااقتباس:
المشاركة الأصلية كتبت بواسطة egytamer
تقريباً في موضوع هنا فيه اسعار قطع الغيار كلها للاسترا 2013
الفلوينس موتور ناعم وكذلك الفتيس والعفشة ممتازة مع المطبات وغير متعبة بتاتاً وحتعجبه في الحتة دي وكذلك الوسع والرفاهية والاوبشنز في التوب لاين لا يعقل
- الاسترا حتتميز فقط في الـesp ودا بيمسك العربية في الملفات على اي سرعة ودا بيدي متعة بكل ما تحمله الكلمة والعربية اداء رياضي
احياناً الـesp بيكون سبيل او سبب لإنقاذ السواق من مواقف صعبة جداً زي ما بنسمع من الاعضاء وربنا الستار
في امان الله
النترا - سيراتو احسن من الكلام دة كله . الفلوانس عاديه ولو عايز افضليه بين الاثنين دول الاوبل افضل
بما أننا بنعمل مقارنات للإستفادة....يا ريت حضرتك توضحلنا ليه الهيونداى و السيراتو أحسن من الكلام ده كله؟اقتباس:
المشاركة الأصلية كتبت بواسطة raedegypt
و ليه الفلوانس فى رأيك عادية؟
مشكور و تقبل تحياتى....
الفلوانس هى سيارة كورى سامسونج عليها علامه رينو فقط دة من الاخر علشان ما تعيش فى جو سيارة اروبيه والكلام دة حتى لو كان التقفيل تركى . وتغور تركيا بمنتجاتها ولا اشجع حد يشترى من دول متآمرة على بلدى مصر زى تركيا . سعرها هنا فى السعوديه اى الفلوانس وتقفيل كورى مش تركى اقل من الالنترا والسيراتو نفس الفئه حسب الكماليات .اقتباس:
المشاركة الأصلية كتبت بواسطة meggieboy
الرينو محدش بره التوكيل يعملك فيه حاجه وكل القطع لازم وكاله ومحتكر لنفسه السوق ومافيش حد يستورد تجارى لماركات غير منتشره تغطى تكلفه الاستيراد والتخزين من الاخر سكتها وكاله . السيراتو الالنترا اى مستورد من زياره عمره للسعوديه يستورد قطع غيار واكسسوارتها بسهوله نظرا لانتشار الهيونداى فى السعوديه ويستورد بالريال . الرينو مين يشترى قطع غيار وباليورو علشان كام عربيه فى الشارع
يا فندم أنا لا عايش فى جو سيارة أوروبية و لا ليا دخل بالسياسة....أحنا بنقارن عربية قصاد عربية....و بالمناسبة ألنترا اللى بتنزل مصر بتتقفل فى تركيا برده !!!اقتباس:
المشاركة الأصلية كتبت بواسطة raedegypt
الرينو معايا من 7 سنين و السوق كله فى مصر بيشتغل فيه زيه زى أى عربية و محدش محتكر حاجة و قطع الغيار فيه منها بدل المنشأ عشرة بس اللى يشترى...ده طبعا غير الأستعمال
غير ان أى عربية جديدة حضرتك ملزم تخليك مع الوكيل لمدة 3 سنين على الأقل و هم عدد سنوات ضمان السيارة و إلا تطلع بره الضمان و طبعا بعد 3 سنين بتكون الدنيا غير الدنيا....
على العموم وجه نظر حضرتك وصلت أنك تقصد الأنتشار و توافر قطع الغيار و طبعا تحترم، و لو أن الفلوانس فى مصر من 2010 بنفس الشكل ما عدا الشبكة الأمامية...يعنى قطع غيار منتشرة....و تركيا زيها زى السعودية فى أستيراد قطع الغيار و ذلك لحجم التبادل التجارى الضخم بين البلدين و قرب المسافة.
أحنا بس كنا بنتكلم على أساسيات السيارة و خصوصا فى مصر:
- يعنى توكيل غبور مقارنة بتوكيل رينو...
- ثبات الفلوانس بالنسبة لثبات الألنترا
- كماليات الفلوانس فى مصر بالنسبة لكماليات الألنترا لنفس الفئة السعرية
- أستهلاك البنزين
- الوسع الداخلى و الشنطة
....و هكذا
أبسط مثال أن الألنترا مفهاش أيموبيليزر غير يمكن فى الفولى لودد اللى هى أعلى فئة و ده سبب أساسى أنها كلها بتتسرق فى مصر على عكس الفلوانس اللى بداية من أول فئة مانيوال فيها أيموبيليزر
الألنترا الأيرباجز بالنسبة لها بدعة على عكس الفلوانس أقل حاجة 2 أيرباجز....و هكذا....
تتميز الألنترا فقط فى سعر إعادة البيع و دمتم....
يمكن سوق السعودية مختلف عن سوق مصر شوية...و لكن كقيمة عربية مقابل سعر...الفلوانس تكسب بكل تأكيد بغض النظر عن كونها كورى و لا تركى و لا أوروبى....
تقبل تحياتى
الالنترا والنيو سيراتو بيتميزو عن الفلوينس في قوة المحرك والاداء فقط إنا مش وسع او اوبشنز او اي حاجة تانية وفي النهاية اللي غاوي ينقط يعني في شباب ميهمهاش الاوبشنز اكتر من الاداء الكويس والمناورات والتسارع اللي بيعملوها بالالنترا او السيراتو وفي النهاية اولويات بس الاغلبية والحكم للفلوينس وانا متأكد 100% ان الالنترا فيس ليفت لما تنزل كاملة والكمال لله وحده حيفضلوها على عربيات كتير في الفئة حتى لو ناقصة لحاجات مهمة ودا بسبب التعديلات الشبابية والمحرك بردو وبكدا إقبال الشباب على الالنترا حيكون اعلى والله اعلم
متفق معاك يا برنس فى رأيك تماما....اقتباس:
المشاركة الأصلية كتبت بواسطة برنس الليالي
أنا صراحة مش عارف الألنترا عزم موتورها كام نيوتن متر...حد عنده فكره؟
هى بتسحب علشان خفية الصاج بس يا ترى عزم الموتور كام؟
أنا بصيت بصه سريعه لقيته 157 نيوتن متر عند 4850 لفة و الفلوانس 156 نيوتن متر عند 4000 لفة يعنى نفس الموتور تقريبا.... فرق وزن العربية و تجميع الجيربوكس...
المشكلة بقى ان الشباب اللى بيجرى ده و مع العربية دى مش لازم ثبات يحجم الجرى ده...الألنترا بعد ال 120 كم/ساعة بتتحول لماركة " ودع أهلك ".... بتبقى مراجيح من ورا مع مطبات الهوا و فى الفواصل...:7_9_6v[2]::00020140:
انا رأي الفلونس تكسب ( فخامة - خامات - وسع - اوبشن اكتر - شكل جديد- عائلية اكتر وبتاعة سفر )
بس ثبات الاسترا مع وجود ال esp اعلي من الفلوانس - العربيات الالماني معروفة بالثبات العالي
دة طبعا ميقللش من ثبات الفلوانس العربية ثباتها كويس جدا انا مركبتهاش بس دة كلام مالكي السيارة
وربنا يوفقك في الاختيار ان شاء الله
مظبوط هي العربية اخف والجير بوكس والهورس باور مظبتين شوية ووالله عندك حق في حكاية ان لازم العربية يكون فيها ثبات كويس عشان يتحمل سرعة العربيةاقتباس:
المشاركة الأصلية كتبت بواسطة Meggieboy
عشان العربية بتعوم بعد الـ120 ولو طلعت معاك للـ140 يبقى العربية بتجري على كف عفريت
بس هما بيخدو الالنترا والسيراتو تسارع لا اكثر ومناورات على سرعات منخفضة ولو ان المناورات دي ممكن تودي السجن وتتسبب في موت حد او ممكن السائق يروح فيها
عشان كدا انا بعتبر الالنترا والسيراتو تسارع وصوت موتور لا اكثر بس بردو نقدر نقول ان النيو سيراتو فيها اوبشنز حلو بس وسائل الامان مش زي الفلوينس خالص
مجرد 2 ايرباج وabs بس في حاجات حلوة زي مثلاً الشاشة التاتش والكاميرا والليدات واهم حاجة تغيير وضع الطارة comfort - normal - sport
بس انا سمعت ان الفلوينس توب لاين اللي بتيجي بطلب مسبق بيكون فيها شاشة تاتش هو الكلام دا مظبوط ولا ايه ؟
كل دا بيحلي منها اكتر
الفلوانس لغاية الهاى لاين اللى هى ب ١٨٨ الف تعتبر حجز عادىاقتباس:
المشاركة الأصلية كتبت بواسطة برنس الليالي
فيه بعد ديه فئتين كمان و لكن بيجوا اسبيشيال اوردر
فئة ١٩٥ الف و تزيد:
- جنوط ١٧ نقشتهم اجمل بكتير من الجنط ال ١٦
- حساسات امامية
- مرايات الكتروكروم
فئة ١٩٩٥٠٠ و دى بتزيد:
- شاشة تحكم ٨.٨ بوصة بنظام زى ال i drive مع GPS و التحكم فى النظام الصوتى
بس للأسف ال GPS بيشتغل مع خرائط TOMTOM و للأسف خرائط مصر مش نازله عليه
- فرامل يد كهرباء
العربية فى الخارج بينزل فيها ESP......
الاحسن بقى اللي يطلبها سبيشيال اوردر توب لاين يزود شويتين ويطلبها بالـesp احسن مش ممكن بردو ولا ايهاقتباس:
المشاركة الأصلية كتبت بواسطة Meggieboy
ممكن علي ما اعتقد ............ بس السعر حيزيداقتباس:
المشاركة الأصلية كتبت بواسطة برنس الليالي
.................................................. .........اقتباس:
المشاركة الأصلية كتبت بواسطة aahfly
انذار لمخالفة عمل اعلانات تجارية
6:45pm 7/9/2014
م.ع.4