أماكن خروج صباحي اوت دور بهاحدائق والعاب أطفال

**Ahmed_selmy** · 20-10-2013 07:54 PM

كيدزانيا
KidZania Cairo - Opening 2013

**Mohamed.Mohsen** · 21-10-2013 11:10 AM

المشاركة الأصلية كتبت بواسطة hussein

ممكن نادى المعادى ولو مش مشترك فيه تدفع تذكرة 15 جنية فى الايام العادية و 20 او 25 فى الخميس والجمعة بس لازم يكون معاك عضو عامل من النادى
لو عايز ممكن اسيب اسمك على الباب وتدخل على عضويتى بتذكرة

شكرا ..جزيلا علي ذوقك وكرمك ..ربنا يخليك

**Mohamed.Mohsen** · 21-10-2013 11:12 AM

المشاركة الأصلية كتبت بواسطة abofarah

جاردينيا بارك طريق السويس بعد كوبرى الجيش مباشره . دار قوات مسلحه و جامده جداااااااااااا للاطفال

شكرا ..اقتراح جميل .

**Mohamed.Mohsen** · 21-10-2013 11:16 AM

المشاركة الأصلية كتبت بواسطة ahmed_selmy

كيدزانيا
kidzania cairo - opening 2013

تحفة شكرا ياباشا ..دي في 6 أكتوبر ملهاش فروع تانية؟؟

**Mohamed.Mohsen** · 21-10-2013 11:18 AM

المشاركة الأصلية كتبت بواسطة kar!m

لأ مش دي .. اللي قصدي عليها في شارع أبو بكرالصديق في مصر الجديدة .. تقريبا اسمها متحف الطفل .. جنب نادي الغابة.

عظيم جدا أحاول شوفها .. شكرا لإهتمامك ..

**hussein** · 21-10-2013 07:15 PM

المشاركة الأصلية كتبت بواسطة avatar

تحفة شكرا ياباشا ..دي في 6 أكتوبر ملهاش فروع تانية؟؟

دى فى التجمع الخامس على الطريق الدائري قبل اكاديمية الشرطه على طول
135 جنيه للطفل
و85 للمرافق

**Mohamed.Mohsen** · 22-10-2013 10:54 AM

المشاركة الأصلية كتبت بواسطة hussein

دى فى التجمع الخامس على الطريق الدائري قبل اكاديمية الشرطه على طول
135 جنيه للطفل
و85 للمرافق

عظيم جدا ..كل الخروجات دي بس احنا نضبط وقت بقا لكل ده وشكرا لك أ.حسين ولجميع الزملاء الأعزاء ..

**ahmadyusuf** · 22-10-2013 04:14 PM

المشاركة الأصلية كتبت بواسطة avatar

عظيم جدا أحاول شوفها .. شكرا لإهتمامك ..

اه دي فاتحه من فتره , انا رحتها من كام شهر و بصراحه جميله جدا , بس عاوز اطفال ابتداءا من 4 سنين مش اقل من كده , لان فيها جوله علي حاجه زي مسار نهر النيل كده بيوريك الغابات و الاشجار في كل بلد و الحيوانات و اختلاف لون النهر باختلاف مساره و ده كل علي الطبيعه و حيوانات مجسمه و النهر نفسه مرسوم بالوان السيراميك المختلفه. و بعدين بيسيب الاطفال يبعبوا شويه في حديقه عاديه فيها زحاليق و مراجيح و بعدين تدخل المتحف و ده في قسم فرعوني فيه بازل فرعوني و رسم و تلوين و بعد زي متحف تحت المياه و حاجات كده و في كمان سينما اطفال 3d و نشاطات مختلفه زي الخزيف و الصلصال و خلافه

**Mohamed.Mohsen** · 23-10-2013 10:58 AM

المشاركة الأصلية كتبت بواسطة ahmadyusuf

اه دي فاتحه من فتره , انا رحتها من كام شهر و بصراحه جميله جدا , بس عاوز اطفال ابتداءا من 4 سنين مش اقل من كده , لان فيها جوله علي حاجه زي مسار نهر النيل كده بيوريك الغابات و الاشجار في كل بلد و الحيوانات و اختلاف لون النهر باختلاف مساره و ده كل علي الطبيعه و حيوانات مجسمه و النهر نفسه مرسوم بالوان السيراميك المختلفه. و بعدين بيسيب الاطفال يبعبوا شويه في حديقه عاديه فيها زحاليق و مراجيح و بعدين تدخل المتحف و ده في قسم فرعوني فيه بازل فرعوني و رسم و تلوين و بعد زي متحف تحت المياه و حاجات كده و في كمان سينما اطفال 3d و نشاطات مختلفه زي الخزيف و الصلصال و خلافه

يااه باين عليها تحفة أفتكر جات في فيلم لاحمد مكي ..بس السن ده المشكله عندي ابني ربنا يحفظه سنة ونص .. لكن اللي حضرتك بتوصفه ده رائع جدا هي في نص شارع ابوبكر ولا قرب ميدان المحكمة انا عادة بعدي من اول ابوبكر وبعد ماكدونالدز وصيدلية مصر لحد اخره مباخدش بالي منها .. وشكرا لاهتمامك ياباشا ..

**ahmadyusuf** · 23-10-2013 05:29 PM

المشاركة الأصلية كتبت بواسطة avatar

يااه باين عليها تحفة أفتكر جات في فيلم لاحمد مكي ..بس السن ده المشكله عندي ابني ربنا يحفظه سنة ونص .. لكن اللي حضرتك بتوصفه ده رائع جدا هي في نص شارع ابوبكر ولا قرب ميدان المحكمة انا عادة بعدي من اول ابوبكر وبعد ماكدونالدز وصيدلية مصر لحد اخره مباخدش بالي منها .. وشكرا لاهتمامك ياباشا ..

هي فعلا مش باينه بس هي من بره ليها ديكور كده زي هيكل معدني ملون عباره عن دواير , علي العموم ده موقعها:

Wikimapia - Let's describe the whole world!