محتاج مساعدة رجالة الهرم وفيصل فى افضل مناطق الهرم وفيصل لشراء شقه

ازيكم اخوتى..محتاج مساعدتكم ضرورى

دلوقتى انا معلوماتى عن منطقة الهرم وفيصل محدوده جدا

وبفكر اشترى شقه تمليك من الابراج اللى بتطلع بس متعديش ال 90 الف تماما يعنى حاجه كده فحدود 70 متر او 65 متر اتجوز فيها

ففيه مناطق اول فيصل والمساحة والمطبعه والطالبيه والتعاون والملكه والعشرين ومدكور وحسن محمد والعريش والكوم الاخضر وكفر طهرمس وانا معرفش اى حاجه عن اى منطقه من دول

انا زمان رحت منطقه مدكور وكانت نضيفه جدا بس انا عارف ان شققها غاليه..وناس حذرتنى من الطالبيه

فمحتاج اعرف انهى منطقه مش شعبيه اوى وهاديه وكويسه للسكن وايه المناطق اللى ابعد عنها تماما

انا عارف ان المبلغ اللى معايا صغير بس موجود شقق بالاسعار دى وشفت اعلانات كتير ليها بس مشكلتى فى المناطق انهى معرفش فيها حاجه

ومش عايز اروح وافضل الف بلا جدوى..فقلت اسألكم لانى لما استبعد اماكن هيكون بحثى محدود فمناطق معينه

خليك فى محيط المريوطية علان تبقى سهلة عليك ف المواصلات لان كل المواصلات بتصب هناك وحت لو معاك عربية طلعات الدائري هناك

انا ساكن ف الوفاء ومنطقة كويسة ومشعل بردة جميلة

شكرا اخى الكريم
بس مش بعيد اوى المريوطيه عن المترو؟؟

فى حدود مبلغك أنصحك بمنطقة العشرين

اه بعيدة شوية عن المترو

ممكن تلاقى حاجة كويسة فى شارع الملكة خصوصا بعد ما اترصف واتظبط المنطقة بقت كويسة وكمان قريبة من المترو

شكرا لكم اخوتى
هو انا وجدت فى اول فيصل وفى التعاون وشارع متفرع من ميدان الساعه والمطبعه ووجدت فى اسباتس والعروبه
وكله فحدود 70 متر واليسعر من 75 ل 90 الف
فمش عارف انهى منطقه من دول كويسه

اقتباس:

---

المشاركة الأصلية كتبت بواسطة محمد يوسف

فى حدود مبلغك أنصحك بمنطقة العشرين

---

حضرتك الشقق في العشرين من 130 م وانت طالع ومفيش شقة هناك اقل من 230 الف ع الطوب ....

اقتباس:

---

المشاركة الأصلية كتبت بواسطة hazemhany

حضرتك الشقق في العشرين من 130 م وانت طالع ومفيش شقة هناك اقل من 230 الف ع الطوب ....

---

حضرتك فيه فى العشرين ب 70 ألف كمان ع الطوب الأحمر

هو يمكن ا.محمد يقصد متفرع من العشرين مش العشرين الرئيسى

فيه شقق فى شارع العروبه بالهرم والمناطق المحيطه بس المساحات مش عارف بصراحة

اقتباس:

---

فيه شقق فى شارع العروبه بالهرم والمناطق المحيطه بس المساحات مش عارف بصراحة

---

طب ومنطقة العروبه دى حلوة؟؟
شعبيه ولا راقيه؟؟حوارى ولا شوارع واسعه؟؟هاديه ولا زحمه؟؟قريبه من المواصلات ولا لا؟؟

اقتباس:

---

المشاركة الأصلية كتبت بواسطة beshomilan

هو يمكن ا.محمد يقصد متفرع من العشرين مش العشرين الرئيسى

---

أيوه طبعا متفرع..استحالة فى الرئيسى بأقل من 150 ألف

ونصيحة لحضرتك بلاش حكاية شعبى وراقى..المهم شارعك وعمارتك وأغلق عليك بابك..فيصل كله بقى شعبى والهرم أرقى وبين فيصل والهرم نص نص...لكن المبلغ اللى معاك مايكفيش

بس انا عارف ان فيه منطقه متفرعة من فيصل اللى هى مدكور ورغم كده راقيه جدا واسعارها عاليه
يعنى المبلغ ده هيجبلى حاجه تعبانه اوى فمكان مش كويس؟؟

مدكور بين فيصل والهرم وهى تحسب على الهرم

والمبلغ اللى معاك يجيب لك حاجة متوسطة أو ممكن تدفعه مقدم فى حتة نضيفة وتقسط الباقى..وفيه عضو فى المنتدى كان عارض شقة فى خاتم المرسلين ( جزء من مدكور) متشطبة وبالتقسيط

اقتباس:

---

المشاركة الأصلية كتبت بواسطة beshomilan

بس انا عارف ان فيه منطقه متفرعة من فيصل اللى هى مدكور ورغم كده راقيه جدا واسعارها عاليه
يعنى المبلغ ده هيجبلى حاجه تعبانه اوى فمكان مش كويس؟؟

---

فيصل مدكور منطقة راقية طيب ياسيدى شكرا دى منطقتنا هى منطقة عادية الا لو تقصد منطقة العشرين مع الشهيد احمد حمدى دى منطقة ابراج جديدة المهم انا لو مكانك هشوف فعلا فى المريوطية يعنى الطوابق الطابق الثالث مريوطية ناحية سوسو كده بتاع قطع الغيار الاستيراد ده طبعا كل الناس عرفاه المنطقة هناك جميلة وطالعة ولسه اسعارها كويسة مرفعتش ومش بعيدة عن المترو ولا حاجة لان انت بتركب ميكروباص الدائرى محور صفط بيوديك مترو الجامعة فى دقايق او مترو الدقى كمان قدامك الطريق الدائرى على طول مكن تروح منه اى مكان انا عندى شقة هناك على الرئيسى لا يعبها الا دوشة الشارع

اقتباس:

---

المشاركة الأصلية كتبت بواسطة beshomilan

طب ومنطقة العروبه دى حلوة؟؟
شعبيه ولا راقيه؟؟حوارى ولا شوارع واسعه؟؟هاديه ولا زحمه؟؟قريبه من المواصلات ولا لا؟؟

---

شارع موازى لشارع الهرم
اول شارع موازى لشارع الهرم هوه ترسا يليه شارع التلاتينى ثم شارع العروبه
الشارع واسع والمنطقه كلها ابراج
وكل مناطق مصر شعبيه طالما فيه محلات تحت العمارات وانت وحظك ممكن المحل يفتح نجار
قهوه او اى شىء

لو بتدور على مناطق راقيه يبقى عليك وعلى المدن الجديده

الاسعار دى بجد ولا من زمان لان اقل شقه فى المطبعه مثلا 120 متر بتعمل حوالى 240 الف تقريبا انتم بتتكلموا عن ان المتر بالف جنيه دى اسعار ممتازه لو موجوده فعلا

اقتباس:

---

المشاركة الأصلية كتبت بواسطة احمد المصرى

الاسعار دى بجد ولا من زمان لان اقل شقه فى المطبعه مثلا 120 متر بتعمل حوالى 240 الف تقريبا انتم بتتكلموا عن ان المتر بالف جنيه دى اسعار ممتازه لو موجوده فعلا

---

انا من 5 سنين كنت بدور فى فيصل
كنت بطلع العماره الاقى البواب اللى فيها يقولى على السعر ان المتر مثلا بالف جنيه
طيب مساحة الشقه كام يقولى 160 متر
وهى بكل حال من الاحوال متكملش 100 متر فطبعا هوه مزود المساحه على حساب المتر

الاسعار ثابتة بقالها فترة فى مناطق فيصل والهرم انما طالعة فى مناطق زايد واكتوبر

اقتباس:

---

المشاركة الأصلية كتبت بواسطة aboomar22

الاسعار ثابتة بقالها فترة فى مناطق فيصل والهرم انما طالعة فى مناطق زايد واكتوبر

---

لان المعروض كتير جدا

فيه مناطق اول فيصل والمساحة والمطبعه والطالبيه والتعاون والملكه والعشرين وحسن محمد والعريش والكوم الاخضر وكفر طهرمس

الكويس فى دول
حسن محمد
ومدكور
المساحة
المطبعة

الباقى متشابه

اقتباس:

---

المشاركة الأصلية كتبت بواسطة amr011111

انا من 5 سنين كنت بدور فى فيصل
كنت بطلع العماره الاقى البواب اللى فيها يقولى على السعر ان المتر مثلا بالف جنيه
طيب مساحة الشقه كام يقولى 160 متر
وهى بكل حال من الاحوال متكملش 100 متر فطبعا هوه مزود المساحه على حساب المتر

---

بس دى سرقه علنى لما يقول المتر رخيص ويسرق فى المساحه الاجماليه

انا عندى شقه فى الهرم فى شارع المطبعه 120 متر تقريبا او اكتر كمان لو عايز ابيعها اطلب كام يا شباب من وجهه نظركم للناس ال متابعه السوق

اقتباس:

---

المشاركة الأصلية كتبت بواسطة احمد المصرى

بس دى سرقه علنى لما يقول المتر رخيص ويسرق فى المساحه الاجماليه

---

الله اعلم يمكن البواب مش عارف المساحات ولما سألته اخترع مساحات ويكون عارف الاسعار بس
بس انا مرضيتش اقوله له ديه مساحتها كذا

اقتباس:

---

المشاركة الأصلية كتبت بواسطة احمد المصرى

انا عندى شقه فى الهرم فى شارع المطبعه 120 متر تقريبا او اكتر كمان لو عايز ابيعها اطلب كام يا شباب من وجهه نظركم للناس ال متابعه السوق

---

قول تفاصيل اكتر عنها يعنى فى برج والدور الكام وفيه اسانسير ولا لاء
ومتشطبه ولا

اقتباس:

---

المشاركة الأصلية كتبت بواسطة amr011111

قول تفاصيل اكتر عنها يعنى فى برج والدور الكام وفيه اسانسير ولا لاء
ومتشطبه ولا

---

فى عماره 6 ادوار هيا الدور الخامس مساحتها 120 متر او اكتير 3 حجرات كبار حمام كبير مطبخ كبير صالون كبير على ما اعتقد على مساحات الايام دى ممكن تكون 140 بس مش متاكد متشطبه طبعا بس طبعا محتاجه وش نظافه مفيش اسانسر تعمل كام تقريبا

اقتباس:

---

المشاركة الأصلية كتبت بواسطة احمد المصرى

بس دى سرقه علنى لما يقول المتر رخيص ويسرق فى المساحه الاجماليه

---

لا هو مش بيسرق ولا حاجة هو المتعارف علية ان الشقة بتتباع بالمساحة الاجمالية بالمنافع يعنى مثلا انا شقتى مكتوب فى العقد 135 متر لكن الفعلى حوالى 105 -110

خليك في العشرين
ويستحسن شارع جانبي
انا ساكن في العشرين وفي شارع جانبي كويس
لو انت ناوي انزل لف في المنطقه خصوصا عند بنزينه كالتكس علشان في وراها ابراج جديده لسه طالعه

اقتباس:

---

المشاركة الأصلية كتبت بواسطة aboomar22

لا هو مش بيسرق ولا حاجة هو المتعارف علية ان الشقة بتتباع بالمساحة الاجمالية بالمنافع يعنى مثلا انا شقتى مكتوب فى العقد 135 متر لكن الفعلى حوالى 105 -110

---

فى فرق بين المساحه الاجماليه والصافى وفى فرق بين السرقه طبيعى جدا وانت بتشترى بيكون كل الكلام على المساحه الاجماليه مش الصافى بس السرقه لما تكون المساحه الاجماليه مش صح كمان تبق سرقه بمنتهى البساطه

اقتباس:

---

المشاركة الأصلية كتبت بواسطة aboomar22

لا هو مش بيسرق ولا حاجة هو المتعارف علية ان الشقة بتتباع بالمساحة الاجمالية بالمنافع يعنى مثلا انا شقتى مكتوب فى العقد 135 متر لكن الفعلى حوالى 105 -110

---

ده كلام سليم
بس المساحه الاجماليه هندسيا بتزيد عن المساحه الفعليه بحوالى مثلا 20 متر او 25 بالكتير

انما الفرق كان حوالى 60 متر

المعتاد 20 % فرق
البعض بيحسب الجراج فى الصافى
كمان بتختلف النسب حسب التصميم
واحد عامل اسانسير من عدمه
والتصميم السيء بيزود الهدر
ده بيكون فيه سلم واسع
مناور واسعة
دوران فى الواجهة

انا قلت انا هنزل الف لفايه فى المناطق اللى اتحددت
زى ماقتوا كده
حسن محمد والمطبعه والمساحة
ورغم انى كمان سمعت ان اول فيصل كويس ناحية كليه تربيه رياضيه..بس مش عارف الدنيا ايه هناك

اول فيصل كويس برده
انزل شوفه

من واقع تجربتي
خليك قريب من اول فيصل احسن
هيبقى جنبك محطتين مترو ( فيصل و الجيزة )
كوبري فيصل او شارع الهرم علشان تخرج بسهولة
و جنبك محور صفط اللبن يوصلك بالدائري في خلال 10 دقائق
يعني قريب من كل حاجة
عكس المريوطية
لانك لو هتاخد محور صفط مثلاً الصبح بيبقى واقف الصبح مسافة كبيرة علشان الجامعة
و هي للاسف بقت اقرب لتكون شعبية

بص من خلال بحثى حتى الشراء الحمد لله
لازم تفرق بين عماره جديده وقديمه
وتفرق ما بين بناء مخالف ولا ﻷ
وتفرق ما بين بناء مخالف كله على ارض زراعيه ولا بناء مخالف تعليه فقط
يعنى فى شقق ابراج حديثه ضهرها لازال اراضى زراعيه وبالطبع هو مخالف وتطول بالك اوى فى عداد الكهرباء وتشتغل مقايسه وطبعا تطول بالك على الاسانسير دى تعمل 120 الف جنيه وده اقرب شئ لميزانيتك
اما بقى لو ارض طبيعيه مش زراعيه وبرج مرخص فالسعر يختلف تماما عن الميزانيه المطروحه.
فى موقع اسمه شقق الهرم وفيصل ممتاز

اشكركم اخوتى الاعزاء
انا هنزل فعلا الف لوحدى فمره فكل الاماكن واتفرج عليها على الطبيعه
وهبعد تماما عن السماسره
وهشوف فاعلانات النت الشقق اللى بتتباع هناك من المالك وهنزلها

اقتباس:

---

المشاركة الأصلية كتبت بواسطة beshomilan

اشكركم اخوتى الاعزاء
انا هنزل فعلا الف لوحدى فمره فكل الاماكن واتفرج عليها على الطبيعه
وهبعد تماما عن السماسره
وهشوف فاعلانات النت الشقق اللى بتتباع هناك من المالك وهنزلها

---

هو مش حضرتك عامل موضوع تانى انك خلصت فى شقة ايجار قديم؟

http://www.nilemotors.net/Nile/385074-a.html

لا لسه مخلصتش صدقنى :(
دى اللى اتكلمت عنها فى الموضوع التانى كنت شفتها من شهور وظهرت تانى فجأة