محدش يعرف ازاى أخلى المارش يلف بالعكس؟!

**samihanwar** · 19-10-2013 09:22 PM

محدش يعرف ازاى أخلى المارش يلف بالعكس؟!
يعنى عكس حركتو
يعنى مثلا بدل مابيلف يمين أخليه يلف شمال
وتكونو فعلا مشكورين جدا

**makarhn** · 19-10-2013 09:42 PM

اولا حضرتك عاوز تخلية يلف لية بالعكس ؟؟؟؟؟؟؟؟؟؟؟؟؟
هو يعنى ممكن على حسب فهمى المتواضع للكهربا ان انت لو عكست قطبين الكهربا على موتور تخلية يلف بالعكس يعنى بدل ما تحط ال+ يمين و _ شمال تحط ال+ شمال وال_ يمين وبكدة انت بتعكس اتجاة التيار الكهربا وتخلى الموتور يلف عكس الحركة بس انا معرفش تأثيرة هايبقى اية على المارش انا بكلم على المتور الكهربا بتاع العربيات اللعبة مثلا وطبعا عباقرة المنتدى ممكن يفيدوك اكتر
ودمتم للنضال (مع الاعذار للعضو الجميل صدام)

**elnakshabandy** · 19-10-2013 10:49 PM

ممكن بس لوعكست اقطاب الملفات من جوه (البرميل- العضو الثابت)
تغيير وضعيه الشربون
تعديل اتجاه لف ترس البندكس
انت ممكن تعملها عند كهربائى فاهم مش حافظ

ليه بقى السؤال ده

**hugan** · 19-10-2013 10:52 PM

متابع

**aw2100** · 20-10-2013 12:00 AM

لية عاوز تخلى المارش يلف بالعكس ؟؟؟
وطبعا ده ماينفعش علشان ترس البندكس لية اتجاه دوران بيعشق فية وده علشان لو العربية دارت والمارش علق مايكسرش ترس البندكس فيلف مع دوران الموتور نفس فكرة ترس البدال فى العجلة بيعشق وانت بتبدل للامام وبيفك التعشيق لو رجعته للخلف تحياتى ؟؟؟

**ayam7** · 21-10-2013 12:06 AM

استاذنا الفاضل لو افترضنا ان اتجاه دوران المارش يمين إذن دوران ترس الحدافة شمال وضع المارش بقى يمين الموتوسيكل او يساره مش هيفرق حاجة يعنى يحطة يمين يحطة شمال يحطة فوق طالما ترس البندكس معشق فى الحدافة فى اى وضع على محيط الدائرة هيلف تمام

اما لو حبيت تغير إتجاة المارش يبقى لازم تعكس توصيل ملفات العضو الثابت مع ملفات العضو المتحرك وكذلك هتضطر أنك تفك ترس البندكس وتركبة بالعكس

**ayam7** · 21-10-2013 12:23 AM

**man1968** · 27-10-2013 03:22 AM

الاستاذ الفاضل بيسال عن تغيير اتجاة دوران بوبينة المارش ممكن طبعا بالضبط زى الاخوة ما قالت لحضرتك عن طريق العضو الثابت(البرميل) عن طريق تبديل الاطراف الموصلة بالشربون لو كانت اطراف نهايات الملف الثابت توصل الشربون بالبدايات والعكس صحيح
لكن الملحوظة الاخوة نبهوك ليها هتعمل اية فى ترس المارش كدة مش هيعشق مع الموتور وهيلف لوحدة
لو حليت مشكلة الترس اى حد بتاع بوبينات سيارات فاهم يعملهالك بس الترس تتصرف فية الاول وعلى فكرة الترس حتى لو فكيتة مينفعش يتجمع بالعكس دة كلام مش صحيح لان التجويفات اللى داخل الترس بتضيق فى اتجاة التعشيق وتوسع فى الاتجاة الاخر والتجويفات دى هية جسم الترس الداخلى مش ينفع تقلبة العكس ارجو اكون افدتك