السلام عليكم،،
عندي الفتيس في الكورولا زي اللي في الصورة، في إمكانية إني أتحكم مانيوال في الغيارات من واحد لتلاتة أو أنقل على الـ D، بس أنا بصراحة عمري ما جربت أني أسوق مانيوال بالتلات غيارات دول أو أسحب بيهم، فعايز أسأل الأوبشن ده لازمته ايه؟ يعني هل ممكن أعتمد عليه لو عايز أسحب جامد من وضع الثبات كأني سايق مانيوال؟ وهل هيفرق في السحب عن الوضع العمومي D؟
http://images.thecarconnection.com/l...00256335_l.jpg
متابع
زي اي فتيس اتوماتيك عادي الاول بتجيبه عشان لو طالع مطلع ومش عايز العربيه تنقل عليه او عشان تشد عربيه او حاجه
التاني والتالت زي الاستيب ترونك كدا هينقل علي ار بي ام عالي
اقتباس:
المشاركة الأصلية كتبت بواسطة medo111
طيب بالنسبة للسحب؟ يعني لو أنا عايز أسحب جامد بالعربية من وضع الثبات لـ 100 كيلو، هتفرق لو جبت الـ d من الأول؟
ولا أجيب الأول ثم التاني ثم التالت بإيدي؟
ولو أنا استخدمت الأوبشن ده في الشد، أحرق جامد على الأول وبعدين أنقل للتاني بإيدي وهكذا، في تأثير على الجيربوكس؟
متابع :)
بص ياباشا
الغيار الـ 1 ده عزم علشان لو طالع مطلع جامد او محمل ف العربيه اوزان ممكن تستخدمه ف البدايه علشان تطلع بيه
الغيار ال 2 ده 2 غيار يعنى اول وتانى وده اللى ممكن تستخدمه للشد يعنى وانت واقف هات الـ 2 واكبس بنزين هتلقى العربيه جابت حوالى 50/60 ع الاول ونقلت لوحدها ع التانى وممكن تجيب حوالى 100 بس بعد كده هتضطر تجيب الـ 3
والـ 3 ده عباره عن اول وتانى وتالت ف بعض يعنى كانك استخدمت الاوفر دريف
لكن نصيحتى ليك متدوسش ع الفتيس الاوتوماتيك علشان اصلا انت لو استخدمت الـ 1 , 2 , 3 مش هتحس بفرق ملحوظ عن الـ d
دا بالنسبه للشد والحرق :)
لكن ف استخدام تانى مهم لهم وهوا استخدامهم كغيار عكسى ف حالة المنازل الشديده بدل استخدام الفرامل علشان متسخنش ممكن على حسب سرعتك تستخدم الـ 3 او الـ 2
او ف حالى قطر عربيه مثلا " بس بلاش احسن " ممكن تستخدم الـ 1
وشكرااا
بس يا سيدى مش هزود حاجة عن الى قالها الاعضاء الكرام بس لو انت مزنوق او حد استفزك و انت هتشد مثلا العربية وانت على d على سرعة 20 مثلا جيب العربية 1 و انت ماشى هتلاقى العربية بتسحب جاااامد جدااا كانك بظبت سقط غيار فى المنوال يعنى كنت ماشى 3 ونزلت 2 فهمت قصدى بس بلاش منها عشان بتقصر عمر الفتيس
عادي ممكن تستخدمهم مافيش مشكلة بس تخلي بالك انك ماتدخلش في ال Red Zone
خليك بالكيك داون افضل ، لانك ممكن تسرح وتفضل على 2 مثلا وتنسى تنقل (بما انك اصلا سايق اوتوماتيك مش مانيوال) لحد ما العربية تفصل منك وتجيب اخر الار بي ام او حتى تفضل ماشى على ار بي ام عالى بدون داعى ، وده طبعا غلط
هو زي ما الناس قالت 1 يعنى الاول بس ، يعنى اخرك فيه 50-55 حسب العربية وميزته ان العربية بتفضل على الاول حتى لو رجلك خفيفة على الدواسة يعنى تدوس وتشيل رجلك ، تحس بإحساس شبه احساس المانيوال شوية
2 اول وتانى ، وبيجيب التانى حسب قوة دوسك على الدواسة يعنى لو بتدوس خفيف العربية هتطلع على الاول عادى وتجيب التانى على طول وتثبت على التانى ، دوست جامد يبقى هتجيب اخر الاول ، وبعدين تنقل على التانى وتثبت على التانى لحد ما تجيب 3 بنفسك او ترجع للدي
وكذلك 3 ، نفس 2 ، وبيثبت على التالت ، من الاخر 2 و 3 زي الدي بالظبط بس له حد اقصى للغيار وكلهم ممكن تطلع بيهم من الثبات عادى لان كل غيار فيهم بيتضمن الغيارات اللى قبله
للتحكم في النقلات انا في رأيي تستخدم الكيك داون وزرار الاوفر درايف افضل في حالة الشد ، يعنى تدوس بنزين جامد لاخر البدال والعربية تسقط غيارات وتجري معاك ، استخدام النقلات دى ممكن يكون مفيد في حالة الطوارئ لو محتاج غيار عكسى يعنى لو بتفرمل جامد اوى ، ممكن تيجى على سرعة 50 وانت بتفرمل وتقوم جايب الغيار الاول يساعد العربية في الفرملة
حاجة كمان موضوع انك تقطر عربية بعربية اوتوماتيك اوعى تعملها الا لو انت مستغنى عن الفتيس بتاعك ، ممنوع منعا باتا ومكتوب كدة في كتالوجات العربيات بلا استثناء ، ده حتى العربيات المانيوال بتأثر جامد على الاسطوانة بتاعتها ، وبقى يتكتب نفس التحذير للمانيوال دلوقتى ، فطبعا انك تشد عربية بعربية اوتوماتيك خليها من رابع المستحيلات عندك ...
الاول هو الوحيد الي تاخد بالك منو لان العربيه ممكن تدخل علي الريدزون منك وانت مش واخد بالك التاني والتالت لو حرقت وجبت اخرهم الفتيس هينقل لوحدو مش هتدخل في الريدزون بس الشد بيهم غلط علي القواغد سواء الماتور او الفتيس
عادي طبعا تستخدمهم وانا بستخدمهم كتيير بس في حاله الشد والجري وبجيب التوب سبيد بتاع الكالتالوج على التالت والتجميع بيفرق طبعا عن الd