صنى 2014 .. قال وحشة قال !!!

**medo-312** · 20-10-2013 01:03 AM

نظرا للهجوم الغريب على الصنى الجديدة رغم ان مافيش عربية مافيهاش مشاكل !!!
قرررررررت كل يوم اعمل موضوع عن ميزات العربية علشان ماحدش يقدر يكرهنا فيها واللى مش عاجباه العربية يقوللى نوع عربيته ايه وانا اطلعله فيها القطط الفاطسة اسيبكم مع الفيديو :

2014 Nissan Versa - YouTube

**omar shaker** · 20-10-2013 02:01 AM

المشاركة الأصلية كتبت بواسطة medo-312

نظرا للهجوم الغريب على الصنى الجديدة رغم ان مافيش عربية مافيهاش مشاكل !!!
قرررررررت كل يوم اعمل موضوع عن ميزات العربية علشان ماحدش يقدر يكرهنا فيها :f_eyeb1[1]: واللى مش عاجباه العربية يقوللى نوع عربيته ايه وانا اطلعله فيها القطط الفاطسة

اسيبكم مع الفيديو :

2014 nissan versa - youtube

كلها على بعضها حلوة معادا نقطه حامه الفرامل والتقفيل الوحش

**toty_305** · 20-10-2013 02:38 AM

-يا بيه American Version مختلفة كليا عن المصري موتور 1600 فتيس CVT تقفيل نظيف وأي تشابه بينها وبين المصري هو فقط علامه النيسان

-عامه عربيتك مقتنع بيها كلام الناس مش هيفيدك بحاجة HAVE FUN

**hugan** · 20-10-2013 03:26 AM

اي حد بيشوف عربيته احسن عربيه
انا شايف عربتي التيجو وبالنسبه لي افضل من اي عربيه

**edodahab** · 20-10-2013 08:56 AM

انا كل اللى قاهرنى كلمة ارخص عربية فى امريكا دى و بنت الايه دى عمالة تعيدها اكتر من مرة
احنا هنا حارقين دمنا و جايبين اخرنا و العربية بتتحسد و هناك دى ارخص عربية داحنا مش عايشين
بس العربية جامدة

**saddam** · 20-10-2013 01:58 PM

صديقي المواطن
بالمجمل العربية بسعرها ليست سيئة وجيدة ومنافسيها رفعوا أسعارهم بصورة جنونية لذلك هي مستمرة باﻹنتشار
وبالتوفيق وإلى اﻷمام ومن نصر إلى نصر
ودمتم للنضال

ملحوظة قصة كل يوم عايز تعمل موضوع فلا داعي لها العند والمناحرات بين اﻷعضاء والتشاحنات عايزين نستبدلها بالكلمة الطيبة والنصيحة الصادقة

**مهندس محمد** · 20-10-2013 02:08 PM

المشاركة الأصلية كتبت بواسطة ahmedabdfat

معلش سؤال ... هي الصني اللى بتتجمع هنا فتيسها عادي مش cvt ؟؟ ياريت حد يأكدلي المعلومة ديه

لو تكرمتم ممكن حد يجاوب ؟؟

**wardet** · 20-10-2013 02:21 PM

ايوه ياباشا مش cvt

**grumby78** · 20-10-2013 02:25 PM

سيبك من الهجوم واستمتع بعربيتك .. انت عارف انا ساعات بقول انا لو مقريتش حاجات سلبيه هنا عن العربيه كان لايمكن اظن ان في حد بيشتكي من العربيه دي اصلا .. عربيه ناعمه جدا وممتعه في القياده فعلا وموفره للبنزين وصوت الماتور هادي جدا معايا وانا مش بحط غير موبيل 1 يعني في احسن منه . اللي قاعد ورا مرتاح جدا . تكييفها ممتاز مش بزوده عن 2 . عاليه جدا ودي نقطه مهمه جدا وبتديك ثقه في عربيتك في اي طريق .. نقر او مطبات عمري ماحكيت في اي مطب .. فتيس اتوماتيك بلا اي مشاكل في سوق فيه عربيات ب 200000 بمشاكل في الفتيس .. توكيل كويس وهنا في اسكندريه في 3 مراكز خدمه 2 منهم قريبين جدا ويعتبروا في البلد -مرعي ومودرن - .. وسعر اقل بكتير من عربيات تانيه .. على فكره حتة السعر دي تفرق معايا جدا عشان انا مش مقتنع مثلا ان البيكانتو الاتوماتيك ب 100 الف او الاوكتافيا a7 تعدي ال 200 الف او السيراتو الجديده ب 140 الف .. يعني في سوق العربيات فيه مبالغ جدا في تمنها اعتقد النيسان بالمواصفات دي وعوامل الامان دي تناسبني جدا .. استمتع بعربيتك وربنا يباركلك فيها .