لاند كروزر مليون و700 ألف، الأسعار المستفزة للدفع الرباعي

السلام عليكم،

الموضوع ده محيرني من زمان ومش لاقي سبب مقنع، ليه أسعار الدفع الرباعي عمومًا، خصوصًا الماركات المعروفة، أسعارها خيالية كده بالمقارنة بالسيارات السيدان؟ لو القصة في العزم والعلو، الحاجات دي موجودة في أي عربية نص نقل محترمة، لو القصة في أوبشن، السيارات السيدان مليانة تكنولوجيا وسعرها "عشر" العربيات دي!، مش ناقص غير الخامات والمتانة، هل العربيات دي فيها خامات ومتانة تساوي رقم من سبعة أصفار؟! لاند كروز 2014 سعرها 1700000 ألف!! عايز أفهم ليه؟ يعني ممكن حد يفصص لي الرقم ده ويطلع لي "قيمة" value في العربية تساويه؟

غاليه في مصر ام الدنيا بس
لكن سعرها في الخارج بقيمه عملتهم
في المتناول

اقتباس:

---

المشاركة الأصلية كتبت بواسطة hugan

غاليه في مصر ام الدنيا بس
لكن سعرها في الخارج بقيمه عملتهم
في المتناول

---

10\10

جاب لك الزتونة :tumb:

أحب أضيف إن الاند كروزر تحديدا سعرها مستفز جدا .. لأن المرسيدس الدفع الرباعي بثلث تمنها تقريبا .. ومرسيدس مش تويوتا .. ده كمان بالأضافه إلى الجمارك الرهيبه على العربيات دي لأن المواتير بسعه لتريه كبيره .. الاند كروزر 4500 سي سي فجماركها كبيره .

لاندكروزر بالذات سعرها مبالغ فيه حتي بره و مش عارف ليه أصلا. تمنها علي موقع تويوتا يبدأ من حوالي 80 ألف دولار و أختها ال سيكويا الأكبر منها ب 45 ألف. الدودج الدورانجو ب 30 ألف و ال جي ام سي يوكون ب 42 ألف.

اقتباس:

---

المشاركة الأصلية كتبت بواسطة abdelmoneem

السلام عليكم،

الموضوع ده محيرني من زمان ومش لاقي سبب مقنع، ليه أسعار الدفع الرباعي عمومًا، خصوصًا الماركات المعروفة، أسعارها خيالية كده بالمقارنة بالسيارات السيدان؟ لو القصة في العزم والعلو، الحاجات دي موجودة في أي عربية نص نقل محترمة، لو القصة في أوبشن، السيارات السيدان مليانة تكنولوجيا وسعرها "عشر" العربيات دي!، مش ناقص غير الخامات والمتانة، هل العربيات دي فيها خامات ومتانة تساوي رقم من سبعة أصفار؟! لاند كروز 2014 سعرها 1700000 ألف!! عايز أفهم ليه؟ يعني ممكن حد يفصص لي الرقم ده ويطلع لي "قيمة" value في العربية تساويه؟

---

ﻫﻴﻪ ﺍﺳﻤﻬﺎ ﺩﻓﻊ ﺭﺑﺎﻋﻰ
ﻋﻠﺸﺎﻥ ﺍﺭﺑﻌﻪ ﻟﺎﺯﻡ ﻳﺪﻓﻌﻮﺍ ﺗﻤﻨﻬا
ﻫﻬﻬﻬﻬﻪ

اقتباس:

---

المشاركة الأصلية كتبت بواسطة adelghanem

ﻫﻴﻪ ﺍﺳﻤﻬﺎ ﺩﻓﻊ ﺭﺑﺎﻋﻰ
ﻋﻠﺸﺎﻥ ﺍﺭﺑﻌﻪ ﻟﺎﺯﻡ ﻳﺪﻓﻌﻮﺍ ﺗﻤﻨﻬا
ﻫﻬﻬﻬﻬﻪ

---

تعليق جميل ..................... وانا فعلا بستغرب ايضا من السعر الخرافى لها . بس عربيه .

Toyota Land Cruiser 2014 | Luxury SUV
تبدا من 78 الف دولار = 550 الف جنية

احنا مره شوقنا حادثه ل بوكس شرطه

وعربيه لاند روفر او رانج روفر حاجه زي كده مش فاكر بس من الموديلات الجديده

المهم ان بوكس الشرطه اتبهدل واتعجن من ورا لانه الراجل دخل فيه وخلاص مبقاش نافع تاني

تيجي تبص على اللاند تدور حولين العربيه متلاقيش غير خدش بسيط جدا في الاكصداام وشكرا ولا كانه حكها وهو بيركن

ف ممكن يكون ده السعر ................ الغير طبيعيه


يرجى الإنتباه عند كتابة الألفاظ

م ع 5

طبعا الجمارك بتاعتها رقم خيالى
بالنسبة للمتانة اكيد طبعا عربية متوحشة
بس بردو كل حاجه ليها حدود
انا شوفت فى السعودية عربيات لاندكروزر كثيره جدا مهروسة بمعنى الكلمة ومش باين ليها ملامح

على رأيكم يا جماعة اسيبك مرسيدس دفع رباعي واشتري تويوتا دفع رباعي بسعر تقريباً مضاعف !!!!!!!!!!!!!!
العقل زينه فعلاً للناس اللي تشتري العربية دي ههههههههههههههههه

اقتباس:

---

المشاركة الأصلية كتبت بواسطة 2CODE

على رأيكم يا جماعة اسيبك مرسيدس دفع رباعي واشتري تويوتا دفع رباعي بسعر تقريباً مضاعف !!!!!!!!!!!!!!
العقل زينه فعلاً للناس اللي تشتري العربية دي ههههههههههههههههه

---

التويتا بتاعت شغل وبهدله
المرسيدس مش بتاعت كدا انا اقصد طبعا الموديل اللى انتوا بتتكلموا عنه اللى هو glk350
ولا حتى HAMMER H3 تيجي جنب التويتا فى تحملها

التويتا فى المرسيدس تعادلها الG55 AMG ودي سعرها هيبقى معدي ضعف التويتا بمراحل

واحد عندنا هنا جايبها بس الصغير v6 مش v8

وده طبعا مش معناه ان سعرها مش مبالغ فيها فى 2010 فى الامارات الv8 اعتقد كانت ب230 الف درهم يعني تقريبا 460 الف جنيه

طبعا غير جمراكها فى 2011 حبينا ندخل تويتا كاميري مانويل اول فئه فااااااااااااااااااضية جمارك وضريبه مبيعات حوالى 270 الف

فشوف انت بقى عربيه ب460 جماركها وضريبه مبيعاتها وضريبتها هتبقى كام

المشكلة مش فى التاجر المشكلة فى قوانين الدولة

أولى مقارنة اللاند كروزر بمرسيدس GLk
عامل زي مقارنة مرسيدس B-كلاس بتويوتا أفالون ....
دة غير إن GLK لو جبتها إستيراد إضرب تمنها غالبا في اتنين علي المستريح ....

أما بالنسبة لاند كرويزر كعربية فدي يحكيلك عنها الخلايجة ...
عايز تقارنها كسعر (مش كأداء ولا متانه ) ....هاتها جانب X5 أو كايين ...ومع ذلك ورغم إن دي عربيات شديدة جدا أسأل أي مهندس شغال في شركة وبينذل مواقع أوف رود وأسئلة تثق في أنهي والشركة بتشتري إيه هيقلك علي اللاند كرويزر ...

اقتباس:

---

المشاركة الأصلية كتبت بواسطة anxs111

أولى مقارنة اللاند كروزر بمرسيدس glk
عامل زي مقارنة مرسيدس b-كلاس بتويوتا أفالون ....
دة غير إن glk لو جبتها إستيراد إضرب تمنها غالبا في اتنين علي المستريح ....

أما بالنسبة لاند كرويزر كعربية فدي يحكيلك عنها الخلايجة ...
عايز تقارنها كسعر (مش كأداء ولا متانه ) ....هاتها جانب x5 أو كايين ...ومع ذلك ورغم إن دي عربيات شديدة جدا أسأل أي مهندس شغال في شركة وبينذل مواقع أوف رود وأسئلة تثق في أنهي والشركة بتشتري إيه هيقلك علي اللاند كرويزر ...

---

برده فى فئة السعر ممكن تضيف q7 والرنج SPORT

واعتقد الglk ممكن تقارن بالبرادو وفى الحالة دي بردة البرادو هتتفوق ع الرغم من انها ترخيص اتوبيس خاص بيتعمل حوالى 370 الى 400 الف معرفش سعرها ملاكي هنا عامل كام

وبردة هيكون المقارنة مش فى محلها

إل GLK يمكن أقرب حاجة ليها هي RAV4 أو CRV ....
اللي هي تعتبر 4x4 بس للفرافير ...
دي أقرب حاجة وأن كان GLK أو X3 يعتبروا أعلي منهم شوية ...
البرادو زي ما حضرتك قلت تعتبر أعلي منهم ، هي عبارة عن لاند كرويزر بس علي رخيص ....لكن كأداء وبالذات أوف رود هي اشد من GLK ...

اقتباس:

---

المشاركة الأصلية كتبت بواسطة Anxs111

إل GLK يمكن أقرب حاجة ليها هي RAV4 أو CRV ....
اللي هي تعتبر 4x4 بس للفرافير ...
دي أقرب حاجة وأن كان GLK أو X3 يعتبروا أعلي منهم شوية ...
البرادو زي ما حضرتك قلت تعتبر أعلي منهم ، هي عبارة عن لاند كرويزر بس علي رخيص ....لكن كأداء وبالذات أوف رود هي اشد من GLK ...

---

فعلا هي ممكن تكون اعلى من الكروس اوفر بس فى فئتهم وزي النيسان X trail

صديقي المواطن
القصة مش قصة العربية القصة الجمارك المصرية الحاقدة على كل ما هو جميل ونظيف ومحترم يخش البلد
ببساطة لو عربيتك أم 1600 سي سي مثلا فلوانس قول ب 150 ألف لو نفس العربية جت نازلة بمكنة 3000 سي سي حتلاقيها تتباع بحدود 550 ألف جنيه لماذا ﻷن المعيار متخلف بعني جمارك دول العالم بتاخذ نسبة مئوية من قيمة العربية ثابتة ولكن إحنه جماركنا جمارك الموظف الجعان الحاقد بياخد نسبة على المحرك ونسبة عالعربية وكمالياتها ونسبة عالسعر اﻷصلي فيلبسك بالحيط والصح لو ييجي رئيس شريف لهذه البلد يعمل التالي
إلغاء الجمارك نهائيا بغير رجعة
وضع رسوم ثابتة 50% على دخول كل سيارة للبلد وكل سيارة يتم تسقيط سيارة قديمة مقابلها يعني إحلال
ومن دون النظر للمحرك وسعته
هكذا العدل يعم البلد
تجيب عربية بجنيه حتدفع نص جنيه للدولة
ولكن دلوأتي إتنين بيجيبوا نفس العربية واحد بيدفع ربع جنيه جمارك والتاني جايب نفس العربية بمحرك أكبر بيدفع 3 جنيه جمارك عليها فده ظلم وحرام وده غير مستغرب في بلدنا التي تعودت أكل الحرام عند فئات كبيرة ومنتشرة من الشعب بقبول أكلها ظلم ملاك العقارات القديمة باﻹيجارات أم 5 جنيه في الشهر

ملحوظة في لاندكروز 93 بس الظاهر عليها زيرو مشمتش الهوا نازلة في مزاد جمارك مطار القاهرة بعد أربع أيام أنا عن نفسي لو طلعت ب 125 ألف حشتريها عشان لقطة ولا تعوض وشكلها ولونها خرافة
وبالتوفيق وإلى اﻷمام ومن نصر إلى نصر
ودمتم للنضال

أخي المناضل دائما ...
لو حضرتك عايز حل عادل لازم تدخل بند الطاقة ...
يعني يخف الجمارك ويلغي الدعم علي المحروقات ....
ساعتها أنت عايز عربية ١٠٠٠٠ سي سي عشان تدلع نفسك وتاخد إداء الخيال العلم يبقي تدفع بنزين برضه في الخيال العلمي ...وهو دة التوزيع العادل للطاقة ....
وإللي عايز عربية تنقله من نكتة ألف لنقطة ب ....يجيب عربية ألف سي سي ويمشي مشاوير علي إد احتياجه بإستهلاك قليل ....
فليسقط الخونة ....

يمكن علشان تبقي صعبة فمصر
ورأي هنا مفيش داعي ليها

فى البحر الاحمر
العربيه الوحيده - تقريبا - اللى شغاله سفارى
هى ال لاندكرورز موديل التسعينات وبتقال عليها الثعلبه
وده دليل على قوتها واعتماديتها
حاجة كده زى البيجو لما كان زمان مسيطر على سيارات الاجرة والسفر بين الاقاليم
http://nileup.com/up/uploads/nilemotors_13823510491.jpg

اقتباس:

---

المشاركة الأصلية كتبت بواسطة adelghanem

ﻫﻴﻪ ﺍﺳﻤﻬﺎ ﺩﻓﻊ ﺭﺑﺎﻋﻰ
ﻋﻠﺸﺎﻥ ﺍﺭﺑﻌﻪ ﻟﺎﺯﻡ ﻳﺪﻓﻌﻮﺍ ﺗﻤﻨﻬا
ﻫﻬﻬﻬﻬﻪ

---

هههههههههههههههه

والله أنت كارثة

السبب ملوش اي علاقة بالمتانه و الاوبشن و العزم و الكلام ده كله

السبب زي مالاخوه وضحوا العربيات دي غاليه عندنا احنا في مصر بس بسبب الجمارك المبالغ فيها جدا

العربية تحت ال1600 سي سي جماركها 40% من قيمتها , وضرايب 20%

لكن العربيات اللي فوق ال2000 سي سي ومنهم طبعا عربيات الدفع الرباعي فدي جماركها زائد ضرايبها بتبقى 250% من تمنها الاصلي

يعني لو هي بتتباع بره ب 100 الف جنيه حضرتك بتشتريها هنا ب 350 الف جنيه

يعني كأنك بتشتري اربع عربيات بتاخد واحده ليك و تلاته للحكومه ... بس كده

http://www.nilemotors.net/Nile/13063-a.html

يا اخونا احنا عايزين نعمل فصل قوات للمواضيع :

اولا : بالنسبة للاند كروزر ايوه سعره مبالغ فيه جدا بالنسبة لمصر لانك صدقتي انته بتدفع ثلاث اضعاف ثمن العربية الحقيقي وعلى فكره الاستهبال مش على الاند كروزر بس مثلا عندك واحد كان عارض كمارو مستعمل موديل 2010 بنص مليون جنيه مع ان تمن المستعمل بره بيتخفس بيه الارض ثمن نفس العربية دي بره مصر 190 الف جنيه فقط - هتقولي اصل هو شاريها بالغالي هقولك الله وحده اعلم هو دفع جماركها ولا لا

ثانيا : سعر الاند كروزر بره بالنسبة لفئة العربيات هو فعلا اغلاهم و السبب ان العربية دي بره لفئة ناس بيطحت في مواقف تبقى عايزه عربية مفهاش تهريج - بيبقى الواحد شغله وا مزرعت الجمال بتاعته جوه الصحره ب 50 كيلو والعربية عمرها ما بتخيب ظنه هو ده اساس غلو العربية واللي بقوله ده عن تجربة

مواصفات اعلى فئة هي كالاتي :
المحرك: 5.7 لتر 8 إسطوانات 362 حصان صافي.
- ناقل الحركة: 6 سرعات اتوماتيكة مع خاصية التحكم اليدوي
- نظام تعليق ديناميكي حركي (kdss)
- نظام الزحف
- نظام تسهيل الانعطاف
- جنوط المونيوم 8 j
- مقاس الكفرات: 285/60r18
- عدد 8 مقاعد
- فرش المقاعد: جلد
- فرامل مانعة للإنغلاق, موزع فرامل الكتروني, مساعد فرامل
- نظام التحكم في توازن السيارة, نظام السيطرة على الإنزلاق
- نظام مساعدة الانطلاق على المرتفعات
- نظام اختيار التضاريس المتعددة
- وسائد هوائية امامية للسائق والراكب
- وسائد هوائية ستائر
- وسائد هوائية جانبية امامية
- دعامة للظهر الراكب
- نظام حماية ضد السرقة لمنع تشغيل المحرك + انذار
- كاميرا خلفية
- اقفال الأبواب كهربائية
- نوافذ كهربائية
- المرايا الخارجية كهربائية
- اشارات ضوئية على المرايات الخارجية
- جهاز فتح وقفل الابواب عن بعد (المفتاح الذكي)
- زر تشغيل و ايقاف المحرك
- راديو , مشغل دي في دي
- عدد 14 سماعة jbl
- شاشة ملاحة
- منفذ معلومات رقمي
- منفذ مصدر صوت خارجي
- نظام ترفية خلفي (دي في دي)
- مكيف امامي: الكتروني بتحكم مستقل للسائق و الراكب
- مكيف خلفي: الكتروني بتحكم مستقل لكل راكب
- مراية الرؤية الخلفية ذاتية التعتيم
- الشبك الأمامي: فضي باطار كروم
- مقابض الابواب الخارجية: كروم
- المرايا الخارجية: بلون السيارة
- مثبت سرعة .
- فتحة سقف
- كشافات ضباب امامية
- حساسات امامية وخلفية
- عتبة جانبية
- ثلاجة
- زوائد رياضية على الصدام الامامي و الخلفي
- جناح خلفي
- تخشيب داخلي
- شريط حماية جانبي
- فرشات أرضية
- خاصية تشغيل المحرك عن بعد
- فرشة لصندوق الأمتعة
- انوار امامية عالية الكثافة للنور العالي و المنخفض
- جهاز واي - فاي داخلي
- منفذ طاقة 220 فولت
- إضاءة تحت غطاء المحرك.
- تهوية المقاعد الامامية
- المقاعد الامامية بتحكم كهربائي
- وسائد هوائية جانبية امامية و خلفية
- باب خلفي كهربائي
- ذاكرة وضعية المقاعد
- وسائد هوائية للركب للسائق و الراكب الامامي

عارف سعرها كام 566 الف جنيه فقط ده والتوكيل كسبان ويبوس ايدك قارن بسعر مليون و سبعمائة الف

ثالثا موضوع اصل الجمارك عالية علشان استهلاكها البنزين عالي .....هقولك ان بلاد افقر منك معندهاش موضوع الجمارك العاليه جدا على فئة العربيات دي و الدليل الجيب شروكي لما تتجمع في مصر كان سعرها بينزل كتير جدا مع ان نفس سعة المتور

رابعا طب نتيجت الوضع البايض ده ايه

- الواطن فئة ج ، د ، هـ بيدفع ثلاث اضعاف ثمن العربية الحقيقي بسبب جمارك وعمله بتفقد قيمتها وصلتنا ان اللي معاه 100 الف جنيه بقى اختياراته محدوده جدا في العربيات وان السوق المصري مش على اهتمام الشركات الكبرى لصناعة السيارات و الكلام ده من قبل ثورة يناير

برغم ده الحمد لله لسه بنضحك الحمد لله

@yasso0101

بالنسبه لى كمواطن مثلا بفكر اركب حاجه 4X4 محترمة يعني كايين او Q7 X5 او HAMMAR H3

افضلى انزلها بلات جمرك

لان مثلا 2011 عمي كان بيشترى شروكي قالوا له التامين و الترخيص لاول 3 سنين هيبقى حوالى 25 الف جنيه فى السنه

راح جاب x-Trail

يبقى اللى يفكر يركب حاجه غاليه يشترى اقامة سعوديه او ليبيه

ويشترى عربيته من هناك

وينزل هنا 2000 كل 3 شهور للعربيات اعلى من 2000 cc بالاكرميات بتوصل 2500 متوسط فى 4 ب10 الاف جنيه بس فى السنه

وبدل ما اشترى Xtaril ب224 الف جنيه اجيب بيهم مثلا H3 او لاند كروز مستعمله وانزلها جمرك

وكل المتعب فى الامر بس ان كل 6 شهور لازم اروح وارجع علشان اقامتي وعلشان تربتك العربية