أزمة الأخلاق الضائعة وتدني مستوى الحوار وتسفيه واحتقار آراء الآخرين (دعوة للنقاش)

**أبو آسر** · 20-10-2013 03:45 AM

السلام عليكم ورحمة الله وبركاته
لسة بقرأ في موضوع على مدونة تقنية شهيرة بخصوص موبايل سامسونج نوت 3 وبعد انتهاء الموضوع لقيت تعليقات كتير قلت أقرأها ممكن أستفيد منها ولكني ذهلت من التعليقات اللي كلها تقريبا شتيمة واستهزاء وتحقير بين محبي سامسونج وأبل ولفت نظري أن بعض أصحاب هذه التعليقات من متعصبي سامسونج بيقولوا عن المتعصبين لأبل "خرفان أبل" !!!
ضحكت في نفسي لما لقيت عدوى "الخرفان" وصلت السعودية ودول الخليج بس بدل ما هي في السياسة المرة دي في التكنولوجيا والموبايلات !
وموضوع النقاش هنا هو:
ما السبب في تدني مستوى الحوار بيننا إلى هذه الدرجة المزرية لدرجة أننا نحول أي نقاش عادي قد يتعلق بالمقارنة بين نوعين من أنواع الموبايلات إلى عراك وشتائم وتسفيه وتحقير واتهامات ورمي بالجهل والتخلف ... إلخ بالرغم من أن كل طرف من الطرفين ليس له علاقة لا بشركة سامسونج ولا بأبل ولن تنفع أي من الطرفين أي شركة من هذه الشركات بشيء ولن يستفيد منها أي إفادة سوى استخدام هذا الموبايل الذي دفع ثمنه من عرقه وقوته ؟!
الموضوع الثاني هو :
ما الحلول الممكنة للقضاء على هذه الظاهرة ومحاولة التشبه بغير العرب وغير المسلمين الذين - غالبا - يكنون لبعضهم كل الود والاحترام في المناقشات كما نراه عند تصفحنا لمواقعهم ومنتدياتهم وتعليقاتهم على الرغم من أننا أولى بهذه الأخلاق منهم لأنها أخلاقنا نحن المسلمون أولا قبل أن تكون أخلاقهم ؟؟
كيف يمكن أن نصل إلى ما وصل إليه أسلافنا وأئمتنا كالإمام الشافعي رحمه الله فيما رواه عنه الإمام الذهبي عن يونس الصدفي حين قال: "ما رأيت أعقل من الشافعي، ناظرته يوماً في مسألة ثم افترقنا، ولقيني فأخذ بيدي ثم قال: يا أبا موسى ألا يستقيم أن نكون إخواناً وإن لم نتفق في مسألة ؟!"

ملحوظة: أرجو عدم تحويل هذا الموضوع نفسه إلى ساحة عراك !!

**abou-yahia** · 20-10-2013 11:05 AM

ملخص الموضوع اننا تركنا

( اللهم اجعلنا من الذين يستمعون القول فيتبعون أحسنه )

مش المطلوب ان الواحد اثناء الحوار لا يتحيز لطرف او موضوع ضد الاخر

خليك اهلاوي وخليني زملكاوي لاكن لما نيجي نتناقش في ماتش بيلعبه الفريقين نحاول اننا نكون موضوعيين ونغلب معايير الحياديه .

ويكون هدف النقاش مجدي مش نقاش وخلاص

ربنا يهدينا للخير

شكرا علي طرح الموضوع

تحياتي

**ahmedwagdy03** · 20-10-2013 01:50 PM

طالما عائلة السبكى تتحكم فى تشكيل الذوق العام و الأخلاق فلا تنتظر إلا المزيد من الإنحطاط و السفالة

**abou-yahia** · 20-10-2013 02:32 PM

المشاركة الأصلية كتبت بواسطة الجنرال

من وجهة نظري:

1- ان المصريين للاسف عنده عقده (ازاي اطلع انا غلطان!! وشكلي قدام الناس يبقى ايه؟؟) ودي مصيبة
بستغرب من الناس اللى فى المواصلات مثلا تلاقيه بيتخانق على الربع جنيه مع الراجل زيادة الاجرة (وده ممكن يكون حقه) .. لكن لما السواق يقوله خلاص خلي عنك خالص تلاقيه اتحول 180 درجة ويقوله (لا يا عم خد فلوسك وخد الربع جنيه) !!! طيب ما كان من الاول

لكن لان في مشكلة وعقدة (شكلي ايه قدام الناس) فدي مصيبة

وده ليها بعد تانى .. تلاقي واحد بيفاصل مع بياع الخضار مثلا ... في حين انه ممكن يدفع 25 جنيه في كوبايه نيسكافيه الصبح .. ليه؟ علشان شكلي قدام الناس والناس تقول عليا ايه

وده عشان متربناش ومتعلمناش كده من صغرنا
واتعودنا ان اللي يعمل غلط نشمت فيه ونجرسه
وابسط مثال الكوره شوف الثقافه السائده في التعامل مع المكسب لفريقك والهزيمه للفريق المنافس
طبعا ظهرت جليا علي المستوي السياسي من اول 25 يناير حتي 30 يونيو
الشماته وتحقير الاخر هوه العنوان

2- الضغوط اللى الناس فيها .. بتخلي الواحد مش بيفكر غير في اكل عيشه وبس .. ولان الضغوط دي شاغله كل تفكيره فمش بيعرف يفكر فى اى حاجة تانية .. ولذلك الاسهل هو انه يهاجم ويشتم .. اهو اسهل من انه يفكر

3- اخر سبب واهم سبب اصلا فى الموضوع كله ... البعد الديني في الموضوع .. الشعب المصري مش متدين بطبعه ولا حاجة .. والانسان بطبعه ميال للبلاوي والفجر .. وحديث الرسول (ص) (الايمان والحياء متلازمان .. اذا رفع احدهما رفع الاخر) .. وطبعا الحياء اعلى درجات الاخلاق ..

حل الثلاث مشاكل دول هتلاقي الناس زي الفل ان شاء الله

لا اختلف مع حضرتك

الشعب متدين فعلا بفطرته بلاش جلد للذات لاكن هوه عنده مشكله ممكن تندرج تحت بند النفاق
بيعبد ربنا بنظريه كشف الحساب (إن الحسنات يذهبن السيئات )
وده من زمان خالص
لما سيدنا عمرو بن الخطاب بعث يستقصي حال مصر لما كان خليفه
جالوا قولين عكس بعضهم عن المصريين وفي الحالين قال صدقت
التنوع ميزه مش دايما غلط وخصوصا ان كلنا بنتقلب بين النوعين وده عامل كبير من شخصيه المصري
اللي ماشي بنظريه عرفت الشر لا للشر ولاكن لتوقيه :)

تحياتي

**grumby78** · 20-10-2013 02:58 PM

السبب اعتقد عوامل منها :
الجهل : يعني معلومات غير متكامله عن اي شيء او الانسياق وراء تعليقات لناس يظن انهم على درايه ويعتبرها من المسلمات وسبب ده جهل الشخص بالصوره الكامله واعتقاده انه ملك الحقيقه المطلقه .
العصبيه : التعصب لماركه او عربيه او كليه او مهنه وده من ملامح القبليه والجاهليه اللي الاسلام اصلا نهانا عنها ودي اعتقد موجوده بوضوح عند الانسان اللي ماسافرش او مخرجش من دايره صغيره معينه سواء عائله او مكان .
عدم فهم ان هناك اذواق كثيره وماتراه قمة الموضه والحداثه قد اراه قمة انعدام الذوق . لولا اختلاف الاذواق لبارت السلع . ولايوجد ذوق واحد او شكل واحد نتفق عليه جميعا . ده الناس لم تتفق على وجود الله فتجد منهم ديانات سماويه واخرى ارضيه ومع ذلك وسعهم الله في ملكه .
محاولة فرض الرأي ودي واضحه جدا عندنا يعني ياتمشي بدماغي يااما انت جاهل ومش بتفهم مصلحتك .
لازم نتعلم نعيش مع اختلافاتنا بدون منحاول نغير بعض هو ده الحل .. هناك عالم اخر غير عالمك
دمت بصحه

**abou-yahia** · 20-10-2013 03:14 PM

ملخص لمشكله من مشاكلنا في مصر

التدخل في شئون الغير

-

-

الموضوع: أزمة الأخلاق الضائعة وتدني مستوى الحوار وتسفيه واحتقار آراء الآخرين (دعوة للنقاش)

LinkBack

أدوات الموضوع

عرض

أزمة الأخلاق الضائعة وتدني مستوى الحوار وتسفيه واحتقار آراء الآخرين (دعوة للنقاش) - انشر الموضوع فى :

-

-

-

-

المواضيع المتشابهه

إحنا كمان شركاء فى أزمة البنزين موضوع للنقاش

إحنا كمان شركاء فى أزمة البنزين موضوع للنقاش

علي بيه مظهر - دعوة للنقاش

دعوة للنقاش : سكودا مصر

الكلمات الدلالية لهذا الموضوع

المفضلات

المفضلات

ضوابط المشاركة