عاوز أروح المعهد القومي للأورام من مدينة العبور بسيارتي الخاصة ... وعايز بعد كده اروح صقر قريش ... بالتفصيل بعد إذنكم
عرض للطباعة
عاوز أروح المعهد القومي للأورام من مدينة العبور بسيارتي الخاصة ... وعايز بعد كده اروح صقر قريش ... بالتفصيل بعد إذنكم
اطلع طريق اسماعيليه اتجاه القاهره و كمل للاخر و خد كوبرى النزهه و انزل من عند السندباد و تلف مع الكليه الحربيه و تاخد صلاح سالم طوالى ... خليك على الشمال و اركب كل كوبرى و انزل كل نفق يقابلك ... بعد مسجد الشرطه هتلاقى نفق الازهر متنزلوش و خليك فى الشمال و طوالى الطريق هيلف بيك شمال و يمين تحت القلعه و طوالى خد كوبرى السيده عيشه و بعديه فى اشاره خش يمين فيها و طوالى هتعدى على مستشفى ٥٧ و تاخد كوبرى فوق المترو و تخش يمين اول ما تنزل منه هتلاقى النعهد على شمالك
من هناك ممكن ترجع على الكورنيش للمعادى و تقطع المعادى من الكورنيش للاوتوستراد او ترجع زى ما جيت و من عند القلعه تاخد الاوتوستراد للمعادى عند صقر قريش
شكرا علي الرد بس بعد اذنك مفيش حاجة عن طريق الدائري للبعد عن الزحام وانا قريب من محور الشاذلي ..
ازاي اروح مستشفي حلوان العام من معهد الاورام ... واطلع منها ازاي الي مستشفي المعادي العسكري وارجع تاني علي مدينة العبور .. اسف للاطالة ... وربنا يشفي كل مريض .. واسف لكثرة الاسئلة ولكم جزيل الشكر
عايز دائرى خد محور الشاذلى و انزل اتجاه المطار\المعادى (كمل للاخر و انزل تحت الدائرى و لف معاه) .... خليك على الدائرى و طوالى و بعد ما تعدى فوق الاوتوستراد تنزل نزلة الزهراء و تكمل شويه هتعدى الملك الصالح و اول ما تعدى الاشاره اللى عند سور مجرى العيون هتلاقيه على شمالك
من هناك تاخد كورنيش فى اتجاه المعادى و حلوان و تكمل لحد حلوان و اسال على المستشفى هناك .... و ترجع كورنيش برضه للمستشفى العسكرى ....
من المستشفى العسكرى للعبور فى مشكله صغيره ان مفيش مطلع للدائرى من الكورنيش فى اتجاه العبور .... فى كزا حل:
1- من الكورنيش تاخد يمين جنب المستشفى العسكرى و طوالى الشارع هيلف بيك شمال و تمسك الشارع ده طوالى شويه حلوين (انت كده ماشى جنب شريط المترو) هتلاقى مطلع للدائرى فى اتجاهك ... مشكلته انك فى شارع منطقه شعبيه ممكن تكون زحمه و اكيد لو الوقت متاخر منصحش بالطريق ده
2- ترجع اتجاه المعادى و تعدى كانك رايح حلوان ... فى حته كده هتلاقى الكورنيش بيضيق شويه و فى يوترن العربيات بترجع منه ... ترجع معاهم و تخش يمين تاخد كوبرى طره ينزلك على الاوتوستراد تلف يوترن و ترجع لحد الدائرى و تكمل للعبور ... مسافه اطول شويه
3- تكمل كورنيش من مستشفى المعادى لحد الملك الصالح و تمسك صلاح سالم لحد المطار
ربنا معاك