نقص الزيت بعد 800 كيلو بشكل غريب (أرجو المساعدة ضروري)

السلام عليكم ورحمة الله وبركاته

العربية من فترة جددتها كليا والموتور كان كويس جدا اللهم شوية تسريب زيت وشوية مشاكل اتعالجت كلها وغيرت الاويل سيل اللي كان بيجيب زيت وتسريب الزيت كان بسبب جوان غطا التاكيهات

المهم من فترة شهر كده العربية بتجيب زيت على الموتور وتحت الموتور الزيت فعلا كان مغرق الموتور رحت للميكانيكي شيك عليها وبتاع قالي اويل سيل الموبينة عايز يتغير وفعلا كان بينشع زيت قولتله في مشكلة ان زيت الفتيس بقيسه بلاقيه ناقص بتاع كيلو تقريبا وزوته في خلال الشهر ونقص تاني قالي اغسل الموتور علشان نشوف غسلت الموتور ورجعتله قاله اويل سيل الكرنك بس ده فيه حل فتيس وبتاع وفيلم كبير وانا بسافر بشكل يومي بالعربية


المهم المشكلة الجديدة ان زيت العربية لتاني مرة تحصل معايا ينقص بعد 800 كيلو بالظبط قبل 800 يعني مثلا 600 - 700 الاقي المقاس على ال max بعد ال 800 اقيس الاقي الزيت على طرف المقاس مش محصل حتى ال min

انا بصراحة قلقان من المشكلة دي لأنها حصلت مرتين مع اتنين بتوع زيت غيرت بتاع الزيت قولت يمكن الزيت فيه مشكلة ورحت لحد تاني

اجابات لبعض الاسئلة

هل في دخنة ؟ لأ من فترة قبل ما اغير الاويل سيل كان بيطلع دخنة في بعض الاوقات لكن دلوقتي مفيش

هل في نقص في الميه ؟ لأ المية ما بتنقصش ولا بيتخلط معاها زيت

نوع السيارة ؟ لانوس 1 موديل 99

تاريخ الموتور ؟ انا شاريها من سنة ونص الحقيقة معرفش قبل كده اي تاريخ عن الموتور

اللي قالقني ان عندي احساس مش عارف حقيقي ولا لأ ان العربية بتجري معايا أحسن من الاول وكان حد قالي ان دي من ضمن اعراض ان الموتور خفيف

اول حاجه لازم تعملها تعرف الزيت بينقص منين ودى سهله ان شاء الله
وانت راجع من مشوار طويل ولا حاجه هات حتته كرتونه وحطها تحت العربيه وياريت يكون فى الوقت الى بتحس ان الزيت بينقص فيه وشوفها تانى يوم عليها زيت ولا لا وكتير ولا لا

وان شاء الله هتطلع حاجه بسيطه

اغسل العربيه كويس ودور على التسريب
ومين قال ان العربيه لما الماتور يخف تجرى دى تموت

The Mechanic already told you
leaking from rear crank shaft seal

How is the Clutch
if it is half way replace it and the seal
would be a good job