كيفية ضبط ابواب السيارات و من ضمنها (كوردوبا - ابيزا 2002)

**ehab_mansour** · 20-10-2013 11:29 AM

السلام عليكم احبابي اعضاء نايل موتورز و قسم سيات خاصة

منذ فترة و بعد موضوع سمكرة و رش عربيتي بعد الحادث و انا عندي ابواب عربيتي فيهم باب مش مضبوط و مش بيقفل غير مع الخبط الجامد جدا و طبعا بقية الابواب كويسة و لكن مش قوي يعني مش 100 % فقلت لازم اشوف حل للموضوع ده

أولا نزلت امبارح بصيت علي المشكلة فين و حلها ازاي وجدت ان كل باب له كالون في الباب نفسه و ده اخرك فيه انك تزيته كويس و دي عملتها باني رشيته و غرقته wd40 و بقي شغال زي الفل و لكن برضه لسه المشكلة موجوده

ثانيا اكتشفت ان كل باب له قفل ببكرة مثبت في القايم و ده اللي بيلف عليه الكالون و بيثبت الباب بعد القفل و لقيت ان الجزء ده له علامات في القايم و هو كمان عليه تدريج مقابل لكل علامه ... اكتشفت ان معظم الاقفال دي او الجزء ده المثبت في القايم مش مضبوط كويس قمت جبت العده و هو بيتفك عندي بنجمه مقاس 6 او الانكيه مقاس 6 بس بحذر لأن استخدام الالانكيه مكان النجمه لو مش بحرفية هتفوت المسمار و مش هيفك

فكيت الاربع اقفال للاربع ابواب و ظبطت اللوك ده علي العلامات بحيث يكون الظاهر من العلامه متساوي و اللوك شبه معتدل تماما افقي و رأسي و الحمد لله الاربع ابواب بقم يفتحوا و يقفلوا بكل سهوله و من ابسط لمسه و من غير رزع خالص و الحمد لله

و دي بعض الصور مع الشرح عليها
اول صورة دي للوك مش مضبوط و باين فيها ايضا العلامات اللي بيتظبط عليها

Uploaded with ImageShack.us

و دي صورة للوك مضبوط بعد تظبيطه

Uploaded with ImageShack.us

و دي صورة كمان للتوضيح

Uploaded with ImageShack.us

و طبعا في النهاية ممكن يكون الباب محتاج ان اللوك يتقدم قليلا او بتأخر شوية او ينزل لتحت شويه او او او اللي هيبين معاك ان الباب مضبوط تماما هو ثلاث حاجات

1- بيقفل و بيفتح بسهولة و من اول لمسه
2- الباب مضبوط مع خطوط العربية و مع القايم مش بارز عنه ولا داخل لجوه و الباب مش ساقط ولا طالع لفوق
و دي صورة لباب مضبوط صح مع القايم

Uploaded with ImageShack.us

3- حرف الباب من فوق قافل صح مع السقف و مش داخل من ناحية و خارج من أخري

و بالتوفيق للجميع و اي سؤال في الخدمه

**Silent~Dream** · 20-10-2013 11:45 AM

شكرا على التوضيح

**أحمد جودة** · 20-10-2013 12:16 PM

شكرا على نقل التجربة

**SYD** · 20-10-2013 12:53 PM

تسلم ايدك يا هندسة

**hossamalsadik** · 20-10-2013 01:27 PM

مش فاضل غير أنك تتعلم الدوكو وتبقى مركز متكامل

**ehab_mansour** · 20-10-2013 02:50 PM

المشاركة الأصلية كتبت بواسطة silent~dream

شكرا على التوضيح

المشاركة الأصلية كتبت بواسطة أحمد جودة

شكرا على نقل التجربة

المشاركة الأصلية كتبت بواسطة syd

تسلم ايدك يا هندسة

جزاكم الله خيرا و اتمني تكون فيها افاده للجميع

**ehab_mansour** · 20-10-2013 02:56 PM

المشاركة الأصلية كتبت بواسطة hossamalsadik

مش فاضل غير أنك تتعلم الدوكو وتبقى مركز متكامل

ربنا يكرمك يا حسام بيه .... علي فكرة اكتشفت ان كل حاجه مش اختراع يعني بس العده و ال tools و الامكانيات و الوقت و شكرا اي حاجه في الدنيا تتعمل و الحمد لله كل اللي بعمله بايدي هي عيوب لصنايعيه دفعتلهم كتير عشان يظبطوها و للأسف طلعت من تحت ايديهم عوجه ... الحمد لله

المشاركة الأصلية كتبت بواسطة grumby78

الله ينور عليك انا بتاع الابواب ظبطلي ابواب الابيزا كده لما كانت معايا. حاجه كمان كان باب السواق القطعه البلاستيك اللي بيمسك فيها لسان الباب كانت متاكله وكان بيخلي الباب مش ثابت .. غيرتها بواحده استعمال وكله كان تمام .

رائع يا احمد بيه فعلا اكتشفت كده امبارح ان القطعه دي بتتغير لما تتاكل و لكن ممكن تتفادي ده انك تفكها و ترجعها للخلف سنه واحده علي التدريج و بتحكم الباب تاني زي الفل من غير ما تحتاج تغيرها

**Karim Ibiza** · 20-10-2013 05:36 PM

يا دماغك العالية
الله ينور والله

-

-

الموضوع: كيفية ضبط ابواب السيارات و من ضمنها (كوردوبا - ابيزا 2002)

LinkBack

أدوات الموضوع

عرض

كيفية ضبط ابواب السيارات و من ضمنها (كوردوبا - ابيزا 2002) - انشر الموضوع فى :

-

-

-

-

-

-

المواضيع المتشابهه

تقرير كيفية فك و تركيب صالون ابيزا / كوردوبا 94 حتي 2002

اتجاه فلتر البنزين .. ابيزا او كوردوبا 98 - 2002 و مشكلة متعبة جدا تم حلها

بخصوص ابيزا كوردوبا

مطلوب راى الخبراء فى كوردوبا 2002

كوردوبا ولا ابيزا

الكلمات الدلالية لهذا الموضوع

المفضلات

المفضلات

ضوابط المشاركة