الموضوع: شباب عاوز رايكم فى تغيير الكاوتش

المشاركة الأصلية كتبت بواسطة saddam

صديقي المواطن
ال جي تي معروف من أسوأ إطارات العالم وأنا لو كنت تاجر أستحرم أشتغل بيه عن تجارب
الصحيح
تركب يوكوهاما الياباني
ثم أي كاوتش صناعة ماليزية
ثم لاسسا التركي طري وحمال أسية
إياك تركب كوري نهائيا ولا أندونيسي ولا فيتنامي وبلاش دنلوب وبلاش تويو

وبالتوفيق وإلى اﻷمام ومن نصر إلى نصر
ودمتم للنضال

الف شكر على النصحية يا باشا بس الفلوس هى الى بتحكم انا من الفئة ده من المجتمع

المشاركة الأصلية كتبت بواسطة hossamalsadik

ازيك ياصديقى العزيز
كل عام وأنت واسرتك بخير
انا بردو من رأى انك تغير الاربع فرد لان 50الف تمام أوى كده عليهم

yokohama يابانى أو الميشلان او كونتننتل conti sport 2 ( aa ) continental أو achilles platinum أندونيسى
اليابانيين شطار فى صناعة الكوتش لأى حاجه

بالتوفيق أن شاء الله

حسام باشا صديقي وحضرتك طيب يا باشا ربنا يطمنا على حضرتك ، انا مقتنع جدا بكلامك يا باشا بس الموضوع فى المفجاءة وما كنتش عامل حسابي عليها وانا عارف ان الماركات ده هتبقى غالية .

ربنا يخليك يا باشا ويكرمك على اهتمامك .

شباب انا هقولكم على التفاصيل :

انا نزلت امبارح بعد الشغل وطلعت على الحي السادس فى مدينة نصر قدام المدينة الجامعيه ، وسالت على الجي تي زي الى كان راكب لقيته انتاج اول سنة 2013 واشتريت الــ 4 فرد كاوتش زي ما حضراتكم كلكم قولتولى على 1650 بعد الفصال طبعا بالترصيص والنيتروجين ، والحمد لله على كل شيء والف شكر ليكم يا شباب على الاهتمام البالغ .

الف مبروك

بص انا لسه مغير الأربعه لكن اتنين فى العيد الصغير لأن نفس الموقف حصل معايا واتنين فى قبل العيد الكبير عشان كنت مسافر، وللعلم الكوتش القديم كان من 2008 !!

رأييى انك تغيير اتنين ادام وترجع الكويس ورا

انا جبته جى تى اندونيسى الفرده ب 425 جنيه جنط 14 ، فتخيل انك هتدفع 1700 جنيه فى اندونيسى وده دلوقتى اقل الأسعار فى الحاجات اللى بنقول شبه كويسه .. اتفرج على ميشلان او بريلى او .. او . كله كاسر ال 500 وال 600

وفر فلوسك لأى حاجه مفاجأة تانية لا قدر الله

مبروك يا باشا الف مبروك