عرض للطباعة
السلام عليكم..
العربيه كورسا 2005
النور العالي فيها ظعيف....
سالت الكهربائي..قالي نركب كتاوت تقويه ونجيب لمبه اعلى للعالي وللواطي...
.يعني كده هيقطع ويوصل في الاسلاك ويغير في دايره الكهربا .؟؟؟..!!
العمليه دي ليها اي تاثير سلبي على العربيه؟؟؟
انا محبتش اخليه يشتغل لغايه مااسالكم هنا الاول..!!
وشكرا مقدما :)
ملهاش تأثير سلبى غير ان لو العربيه فى الضمان هتخرج منه
لو مش فى الضمان عادى يعنى مافيش مشاكل
لكن خلى كهربائى نضيف اللى يعملك الموضوع ده وما يخليش شكل حوض العربيه معفن بسبب الاسلاك
بس اللمبات اللى عندك كام ؟
وايه اللمبات البديله لانى عندى كتاوت على اللمبات ومركب لمبات 90/100 بس مش عجبنى برضه حاسس انهم فى الطرق الضلمه الكبيره فس ولا ليهم لزمه وطبعآ مش هركب زينون بس عايز لمبات محترمه نضيفه عاليه اوى
الفوانيس نضيفة ولا مصفرة ؟
كان فادي قال لو غيرت اللمض وجبتها 100 واط هاتفرق كتيير ، جرب أحسن من الكتاوت
عادي جدا
وده الحل الوحيد انك تركب كتاوت لانك لو ركبت لمبه اعلي من غيره دراع النور يسيح
المفروض انه مش بيقطع ويغير غير مسافه بسيطه وهي من اللمبه وراجع للمبه تاني يعني المساله بسيطه ان شاء الله وفي انتظار الخبراء
بصراحه مش عارق المبات عندي كام ..وهو عاوز يحط كام..!!اقتباس:
المشاركة الأصلية كتبت بواسطة aldesha989
بس هي دي مش بتاثر على الشحن او الدينمو او مستوى التيار الداخل ... لو انا ماشي ومشغل العالي؟؟..
لان في واحد كان عاملها قبل كده في لانوس وكان لما يشغل العالي..نور التابلوه بيضعف اوي..
الفوانيس كويسه تقريبا مش مصفره.. دي صورتهااقتباس:
المشاركة الأصلية كتبت بواسطة MaaM
اعتقد انه مينفعش اركب لمبه عاليه بدون الكتاوت لانها هتاثر على دايره الشحن..
http://nileup.com/up/uploads/nilemotors_13822832331.jpg
شكرا على الافاده....هتوكل على الله واركب وان شاء الله اوافيكم بالنتائج...اقتباس:
المشاركة الأصلية كتبت بواسطة mahmoud85
:)
كلام الكهربائى صح
كلام الكهرباتئ سليم
شكرا جزيلا على النصيحه...اقتباس:
المشاركة الأصلية كتبت بواسطة A.Saad
:tumb:
هتوكل على الله ..واوافيكم بالنتائج والتكاليف..
ممكن تأثر لو البطاريه عندك صغيره وشحن الدينمو ضعيف تلاقيى العربيه بتسحب منك او بترجرج لما تشغل النور العالى لكن لو البطاريه عندك كويسه والدينمو شحنه سليم مش هتحس بأى مشكلة
صديقي المواطن
لا يوجد أي تأثير بالعكس دي من المستحبات ولكن كلمة السر في الكهربائي النظيف عشان المنظر العام وبنعملها كتير في عربياتنا ولكل حاجة تقريبا مش بس للأنوار
وبالتوفيق وإلى اﻷمام ومن نصر إلى نصر
ودمتم للنضال
أعتقد أنه لازم تجرب تقوية الارضي أولا
فلقد قرأت أن له دور في تقوية النور وتحسين كفاءة الاداء بصفة عامة
تركيب الكتاوت فى حد ذاته حاجه كويسه وعمرها ما بتبقى سلبيه ... دى نمره واحد
ثانيا لازم تركب عند كهربائى كويس وتكون السلوك نضيفه ومحمله وتكون مقاس ٦ ملى ومش اقل من كده عشان تكون ليها لازمه
الحاجه التالته والأهم انك ما تسلمش نفسك للمبات اللى يكتبلك دى ٢٦٠ وات و١٠٠ وات وخلافه ... دى نصبايه كبيره يا اخوانا صدقونى عن تجربه مافيش احسن من اللمبه الماركه حتى ولو وات قليل
انا بعد معاناه روحت جبت طقم لمبات غالى شويه بس بصراحه فى منتهى الروعه وللعلم اللمبه ٥٥ وات !!!
اللمبه اسمها osram night breaker
لو عاوزها هتلاقيها عند الابيارى فى التوفيقيه وانا جايبها من هناك
تحياتى
شكرا يااستاذ صدام وهشام على النصحيه..وان شاء الله هروح للكهربائي لعمل التقويه في اقرب وقت واوافيكم بالنتائج..
و
شكرا يااستاذ هلال على هذا التوضيح..وانا هطلب من الكهربائي..ياخذ باله من هذه النقطه اولا قبل تركيب اي شيء.
شكرا جزيلا للجميع على المساعده...
الحمد لله العمليه نجحت..:)
كلفت 80 جنيه كتاوت واسلاك وكلبس ومكرونه وغيره ........ و 50 جنيه مصنعيه....وعملها بطريقه روعه ولا سلك باين في الحوض..
http://nileup.com/up/uploads/nilemotors_13824610231.jpg
الف مبروكاقتباس:
المشاركة الأصلية كتبت بواسطة bebo12
وربنا يبارك لك فيها