من ساعة ما ركبت الجنط ال 15 والعربية بتحك لو محمل 2 ورا غير كذا نادر الأوفست 35 ومقاسات الكاوتش 195-50 يا ترى دا مساعدين ولا سوست العفشجي بيقولي علايات وانا طريقي كله سفر متنفعنيش
عرض للطباعة
من ساعة ما ركبت الجنط ال 15 والعربية بتحك لو محمل 2 ورا غير كذا نادر الأوفست 35 ومقاسات الكاوتش 195-50 يا ترى دا مساعدين ولا سوست العفشجي بيقولي علايات وانا طريقي كله سفر متنفعنيش
ملحوظة الحكة كانت في الكارتيره الغيبر اللي ورا يمين شلتها بقت بتحك في شفة الرفرف الشمال:019f3b~14:
الحل بتاعك مش علايات عشان متأثرش علي الثبات طالما بتقول بتسافر ... انا مركب عندي جنط 16 وركبت صدادات المساعد بحيث العربية متهبطش خالص ف التحميل ولا في في مطبات الهوا والحمد لله مش بتحك نهائي حتي لو مركب 3 ورا ومحمل شنط :)
بس مش الصدادات دي بتقلل مشوار المساعدين....يعني ممكن تخلي العربية غير مريحة و أي صدمة علي طول بتسمع في الركاب لان المساعد مابيلحقش يمتص الصدمة بمشواره الكامل.
برجاء التوضيح أكثر
صديقي المواطن
حط علايات 3 أو 4 زنبة ومش حتأثر عالثبات خالص وبالتوفيق بس مش أي عفشجي يعرف يركبها مظبوط وبالتوفيق وإلى اﻷمام ومن نصر إلى نصر
ودمتم للنضال
جنط 15 كبير علي لانوس
انصحك بالتغيير
والكاوتش ال50 دة ناشف وكل شوية حيعمل بالونات
خليك في البديل 14_60_185
بدل ده كله و ناشف بناشف ما كنت تركب مقاس الكاوتش المناسب لعربيتك و الجنط ده
يعني يحافظ على المقاس النهائي للعجلة كلها و الاوفست بتاعه مظبوط
ولا علايات ولا حك ولا قراية عداد سرعة غلط ولا ثبات ما اتعدلش اوي في الحقيقة
و لو مش نافع ممكن ال14 مع كاوتش رياضي بتبقى النتيجة كويسة برده
والله انا اعرف ان ده المقاس الصح للجنط ال 15 من القسم هنا بالضافه ان فيه ناس هنا كتير مش بتشتكى من المقاس ده الا انا واكيد فيه عيب فى القصه دى
متابع بس اظن الجنط ال 15 عادي ناس كتير هنا مركبينه
يبقى القصة في الاوفست بقى , يا ريت تراجعه
يا باشا ممدوح نفسه اهو بيقول لك بيحك و اضطر يتني الرفرف :-)اقتباس:
المشاركة الأصلية كتبت بواسطة dr.rayyan
و قال لك المشكلة في اوفست الجنط مش مقاس الكاوتش
يعنى المشكلة ليها حل غير انه يرجع الجنط...
MMamdouh
هو فيه كارتيرة فيبر ورا؟
مشكلة الحكة هو عرض الكاوتش 195 مع اوفست 35 و 38 كمان بيحك مع 195
الحكة بتكون في شفة الرفرف بس بتكون حكة بسيطة اوي لدرجة انها مش معلمة في الكاوتش بس مزعجة
الفكرة بقي قد ايه المسافة اللي لو اتنت من شفة الرفرف تخلي الحكة تختفي
يعني لو بدات من الرفرف من فوق مركز العجلة المفروض تتني قد ايه بدل ما تتني الشفة كلها
ياباشا بتتني حاجه بسيطه جدااا وخد بالك لما تتني الشفه لو العربية راشه وعليها معجون ووقع وانت بتني حاول تغطيها باي حاجه معجون او شحم عشان ميجيش ميه وتعمل برومه :)
انا عندي اكسنت موديل 2000 ومركب ليها جنط وكوتش مقاس 16/45/205 والحياه ما شاء الله ماشيه فل يعني :)
كل حاجه ليها حل متقلقش وسيبك من قصة تغيير الجنوط تقدر تركب لغايه 17 محدش يكرهك فيهم :) عيش حياتك واستمتع بيهم :tumb:
انا معنديش صورة فى الوقت الحالى... هبقى اصورها و ارفعلك الصورة
MMamdouh