المشاركة الأصلية كتبت بواسطة برنس الليالي
اولاً احب احييك يا برنس على المقارنة المتعوب عليها بجد شغل عالي بارك الله فيك وانا استفدت من الاسعار
ثانياً احب اقول للناس ياريت بقى منقارنش العربيات من ناحية توكيلها واقتصاديتها عشان المفروض المقارنة تبقى مقارنة جوهرية يعني اداء وجودة واوبشنز وخلافه
البيجو 508 افخمهم من جوا ومن برا واكترهم في الاوبشنز في الهايلاين واثبتهم على الطريق حسب كلام ncap
وانا بستغرب لحال الناس اللي بتعيب على البيجو بسبب حجمها الكبير ... يا سبحان الله لا الصغير الضيق نافع ولا الكبير نافع !
بالنسبة للكورولا والفلوينس والاسترا يبقى الفلوينس اكبرهم والاسترا اثبتهم واجودهم والكورولا بالنسبالي مجرد سمعة لا اكتر مع احترامي الشديد واقلهم في الجودة والإتقان
بس اسمحلي اقولك يا برنس من المفترض حضرتك كنت تتغاضى عن الـa7 والـ508 وتحط مكانهم الفوكاس والنيو سيراتو وممكن السيفيك والامبريزا
على كل حال احييك ع المقارنة المفيدة جداً واتمنى منك كل جديد إن شاء الله .. في امان الله ورعايته