الموضوع: لوط سيارات نوبيرا وسكودا 2006

المشاركة الأصلية كتبت بواسطة abo_anas

قدر الله وماشاء فعل
انت حاولت ولكن مافيش نصيب ،ان شاء الله الخير قادم.


اهم حاجه الطلعه اللى جايه معاك 3 سكودا وواحده نوبيرا

يديك ويدينا طولت العمر علي ما نلاقي حاجة تانى زى كدا يا فندم وعموما اوعدك ان انت هتكون اول واحد وممكن تلحق الالوان كماااااااااان ... الحمد للة علي كل شي

المشاركة الأصلية كتبت بواسطة mrekaby

كتر خيرك. لا تزعل كل شىء نصيب. يكفي انك حاولت تساعد و انت مش مجبر على كدة . و احنا كفاية علينا معرفة شخص محترم و ذوق زيك يا امير باشا

محمود

واللة انا اسعد بمعرفت حضراتكم كلكم وانا مش زعلان ولا حاجة ... لو كان لينا فيها خير كان ربنا كملها علي خير بس الحمد للة

المشاركة الأصلية كتبت بواسطة joe_techno

احنا اللي بنشكرك علي تعبك و مجهودك و انتا باين من صوتك انك متضايق بس معلش انا ربنا يعلم انا محتاج اغير ازاي لاوتوماتيك و مش قادر و مع ذلك متضايقتش لان كل شيء نصيب و ده رزق ربنا كاتبه لحد معين

واللة انا كنت براضي بمانيول حتى بس تكون بنفس السعر هههههههه ... انا خلاص مش زعلان ولا حاجة انا بس كان نفسي اقدر اساعد بس يلا الحمد للة علي كل حال

المشاركة الأصلية كتبت بواسطة aboomar22

انا فعلا وصلنى اتصال من الاخ الكريم الاستاذ امير وده بيدل على كرم اخلاقة يعنى لم يكتفى بالمنتدى لكن اتصل بنا شخصيا شكرا استاذ امير وهو بصراحة كده اريح لصاحب الشركة ان يبيع مرة واحدة ويخلص طيب انا بفكر فى حاجة استاذ امير لو تقدر توصل لرقم التاجر واحنا ممكن نشترى منه اكيد هيطلع مكسبة لكن احنا برضه من هنلاقى الحالة الممتازة دى بسهولة

ربنا يخليك يا فندم .... وبالنبسة لصاحب الشركة فهو اصلا من الاول كان عايز تاجر لان دا اريحلة هو ... وانشاء اللة هحاول اجيب رقم التاجر واكتبة انشاء اللة

المشاركة الأصلية كتبت بواسطة osama_ruan

شاكرين للاخ امير علي مجهودو معنا وقدر الله ومشاء فعل

العفو يا فندم انا كان نفسي اساعد بس الحمد للة علي كل حاجة

المشاركة الأصلية كتبت بواسطة mhopa2440

انا بشكر الاستاذ امير على اتصاله واهتمامه وعلى الخير اللي كان عايز يقدمه للناس

بس لي تعليق ان إدارة المنتدى تجاهلت الموضوع نهائيا ومش حاولت تساعد بأي شئ وطبعا بصراحة انا كنت اتوقع انها تتدخل ف الأمر باي طريقة او اي شئ .............. مش عارف بس بصراحة زعلت

والامر الثاني انا اتكلمت مع الاستاذ امير انه يجيب لينا رقم التاجر اللي اشترى العربيات ونحاول ندخل عليه نشتري اكتر من عربية مرة واحدة يعني مثلا نحاول نجمع خمس افراد او عشرة ونحاول نشتري مجموعة نوبيرا بس حتى لو هيزود حتى خمسين الف ونفس الكلام ف الاسكودا بس اكيد السعر ممكن يرفع شوية بس اكيد هيكون اقل من السوق
والراجل مشكور قالي اول ما يجيب الرقم هيكتبه هنا وبعدها نتكلم مع التاجر ونتجمع مع بعض على قد ما نقدر إذا كان لينا نصيب وخير ف الامر فأكيد ربنا هيسهله لينا أن شاء الله

وبكرر شكري وتقديرير للأستاذ أمير

انا اللي بشكر حضرتك علي ذوقك و بشكر ادارة المنتدى انها سمحتلي بشرف انى اتعرف علي حضراتكم كلكم وانشاء اللة اول ما هوصل لرقم التاجر هكتبلة لحضراتكم

المشاركة الأصلية كتبت بواسطة gelgel2004

السلام عليكم
اتصل بيا النهارده ا امبير و شرح لى ان الموضوع منفعش
الاول ان بأثمن جدا اتصاله لجمع الناس اللى اشتركوا فى الموضوع ودى تكلفه ايا كانت بسيطة او كبيره - بس المبادره نفسها يشكر عليها جدا .... الف شكر امير باشا
ثانيا انا مع الاقتراح بعرض الشراء من التاجر ان كان ينفع
تمنياتى بالتوفيق للجميع

انا اللي بشكر حضرتك علي ذوقك وباذن اللة اول ما اوصل للرقم هجيبة لحضراتكم

المشاركة الأصلية كتبت بواسطة sfahmy6

اذا كنا سيبنا نفسنا من الاول ...............شهر بحاله وموش عارفين نجمع العدد

نقول لما نوقع تحت ضرس التجار ...............هيرحمونا :)


اوهاااااااااااااااااام :(

اكيد طبعا عمر التاجر ما هيدينا الاوكتافيا باقل من 85 الف ولا النوبيرا باقل من 55 بس يلا .... قدر اللة وماشاء فعل