الموضوع: جروب اسبرانزا تيجو مصر

عزيزي ا/فرست نايت

حضرتك ليه كبرت الموضوع وتشبهه بتقسيم مصر....يعني حضرتك لما بتيجي تروح مركز خدمة مثلا بتلاقي تحت ايدك واحد بس يحتكر الصنعة وللا بتلاقي 10 و20؟ وانت بتروح للي يريحك؟
حتى التوكيل الواحد بتلاقي له كذا فرع ولكل فرع الجروب بتاعه من مهندسين وعماله وطريقة ونظام شغل بدليل انك بتفضل فرع عن التاني.......والأمثلة في التنويع لا حصر لها
انت بتسميها تقسيم واحنا شايفينها تنويع
التنويع بيعطي افكار اكتر وخبرات متنوعة واسلوب متطور
واقتراح حضرتك اننا كنا نزود الأدمنز اقتراح جميل بس ناقصوه حاجة بسيطة وهي ان العبرة مش بالتزويد وخلاص..لأ...العبرة ان الكل يساعد ويشتغل ويبتكر افكار ومواضيع وحلول للمشاكل مش واحد وللا اتنين بس
الخلاصة: ان في حاجات كتير حضرتك ممكن ماتخدش بالك منها
لكن اكيد احنا ماوصلناش للحل ده إلا بعد تفكير جامد ولقيناه الحل الأمثل لنا وللناس
حضرتك بأة كمستخدم بتدخل على ده وعلى ده
يعني مثلا انت عندك نايل موتورز وعندك موقع مصر موتوز وعندك فور أول موتورز وعندك وعندك وعندك..............
اكيد بتدخل على كل واحد تاخد من كل بستان زهرة....وشكرا

أستاذ عبد الوهاب... الموضوع مختلف تماما... اولا تخيل معايا ان في مركز خدمة معين فيه كل الخبرات اللي انت عاوزها للعربية... كل الناس الخبرة موجودين في مكان واحد ... هتسيبوه ليه وتروح مراكز تانية... فجآة المركز كل الناس اللي فيه كل واحد فتح مركز لواحده... طبعا ده هيضعف المركز الرئيسي.. ويخليك تقعد تلف عليهم كلهم...

ومثال صغير المتحدة، كان شغال معاهم محمد رشاد، سابهم وفتح مركز لواحده، حقه انه يدور علي اكبر ربح بس أكيد آثر علي المتحدة.

وعموما موضوع الجروبات غير مراكز الخدمة تماما عشان انت بتخش الجروب تشارك وتفهم وتاخد خبرة، وبتقسيم الجروبات الموضوعات بتتكرر وده اللي أنا لقيته في نايل موتورز، ومصر موتورز ...الخ، عشان كده مركز مع منتدي واحد.

وحضرتك بتقول العبرة باللي ان الكل يساعد، هل معني ذلك ان كان فيه عدم مساعدة في الجروب الحالي... عشان كده فتحت جروب لواحدك..

عموما... انا مش ضد ان اي حد يفتح جروب ديه حاجة كويسة بس الاحسن منها... لما الجروبات تبقي مختلفة وفي تخصصات مختلفة..

السلام عليكم ورحمة الله وبركاته
اولا احب ان اشكر كل من حاول افادة الاعضاء بتبادل الاراء والخبرات وهدا هو الهدف الرئيسى لدلك جزي الله من قام بتاسيس اي جروب يفيد ويستفيد منه الاخرون

كلامك صح يا باشا بس المشكلة مش من كثرة الجروبات المشكلة لو هما مش متحدين حتبقي كارثة لابد وان يكون الهدف واحد امام مراكز الصيانة ورأيهم واحد

أحب ان اعلمكم أنني من احد الاعضاء المشتركيين في الجروبين للتيجو اسبرانزا ومدي معرفتي بكل جزء في العربية وكيفية صيانتها ودلك بفضل التقارير والملفات الموجودة في الجروب الاول ودلك بطرح الموضوعات الفنية عن طريق الاستاد عبد الوهاب والرد السريع علي كل الموضوعات والمشاركة الفعالة في الجروب في النهاية لم نري منه أي شيئ يخالف مبادئ الجروب علشان كده انت مشترك معه في الجروب الثاني لدلك بقي عندنا جروبين من اقوي الجروبات لعربيات التيجو واكيد هنستفاد كلنا منهم .