الموضوع: مشكلة فى سيارة اوبل استرا 2005 اتوماتيك

مساء الخير عليكم جميعا
اولا احب اشكر القائمين على هذا الموقع لانه فادى كتيير اوى وانا باخد معلومات لن السيارة اللى انا اشترتها
ثانيا
:انا عندى مشكلة فى السيارة وهى الاوبل استرا 2005
المشكلة هى انى الكنترول عندى متغير من برازيلى الى المانى وطبعا انا مش عايز اقولك اللى انا ادحك عليا فى السيارة دى وفؤجئت باشياء غريبة بس اهم حاجة اكتشفتها انى مش اى حد يروح يشترى العربية دى او اى نوع للاوبل المهم مش عايز اطول بس انا هطاوالله بجد طب المهم بعد ما فؤجئت ان الكنترول متغير والرشاشات رشاشات البنزين رشاشات ماتور 2000 cc وديفيرة الماتور شقيانة زى مابيقولو واما روحت لميكانيكى عندنا فى شبرا وكشف عليها بالجهاز تبين ماسبق بالاضافى الى الكتلاليك بايظ وفيه لخبطة كتير فى الدفيرة المهم الكشف اظهر الاتى
1-المتاليك
2- fuel tank voltage high
3- camshaft
وبعد كده قالى احنا لازم نغير دفيرة الماتور قلته ماشى قالى هات الديفرة الالمانى بالرشاشات بتاعتها المهم جبتها
وكمان استهلاك البنزين عندى كان عالى قوى لدرجة انى لما افول بتمشى حوالى 150 كيلو جوة البلد وكان اهم حاجةعندى استهلاك البنزين
المهم ركبنا الديفيرة الجديدة وعايز اقولكو بعد كدهاستهلاك البنزين وصل لحوالى فى التفويلة كلها الى حوالى 300 الى 320 كيلو جوه البلد المهم بعد تركيب الدفيرة
اختفت الثلاثة اخطاء السابقة وبقى يظهر ان الكنترول عايز حساس شكمان رقم 2 وده طبعا مش موجود فى الموديل البرازيل وكمان انا من اللى قريته فى الموقع الجميل ده تبين ان حساس الشكمان رقم 1 وحساس الشكمان رقم 2 بيتحكموا فى نسبة ضخ البنزين وبيخلوا استهلاك البنزين عالى لو فيهم مشكلة
طيب الميكانيكى قالى احنا هانجيب حساس رقم 2 ونعمل فتحه فى الشكمان ونوصلة يبقى كده المشكلة انتهت قالته ماشى المهم روحت الحرفيين وخد حساس شكمان رقم 2 لما روحت للميكانيكى قالى احنا عايزين الحساس ده بفيشة اللى زى مابيقوا نتاية مش دكر المهم روحت الحرفيين تانى والراجل ريحنى وادانى حساس شكمان رقم1 زى اللى راكب عندى فى وش الماتور والميكانيكى قالى مش هوه ده المهم ركبه وبعد مركبه ظهر ان فى مشكلة فى حساس fuel tank غيرته واللمبة بتاعت التشيك انجن طفت وبعد مافيش كام ساعة نورت تانى بسبب نفس حساس الشكمان رقم 2 المهم جبتله حساس شكمان رقم 2 بفيشة دكر وجبتله الفيشة النتاية عشان يعدلهم والناس اللى فى الحرفيين قالولى كده المهم الكهربائى اظاهر معرفش وفى الاخر قالى ان فيه مشكلة فى الكنترول انه مابيقارش الحساس رقم 2 بس بصراحة انا مش مصدقة لانه مش عارف يعدلها
اسف انى طولت عليكم بس بجد انا مش عارف اعمل ايه لدرجة الناس اللى فى الحرفيين قالولى روح لواحد اسمة صابر فى رابعة العدوية وسيبك من الميكانيكى بتاعك
هل ياجماعة حد ينفع يعدل الفيشة ويخلى الكنترول يقرا حساس الشكمان رقم 2
ولاى فيه مشكلة فى اكنترول عشان المانى ولازم اجيب كنترول جديد من التوكيل يكون برازيلى

thanks mecha for your response
but it is still not helpfull