-
سانديرو لا افيو
يا جماعه من فضلكو حد يفيدنى انا تعبت نفسيا من كتر التفكير انا معايا بدجت اجيب عربيه فى حدود 92000 و دا بالتقسيط و لقيت الى ينفع اجيبو يا افيو يا سانديرو الاتنين مانوال طبعا بس انا محتار بنهم الافيو احسن فالشكل الاوبشنز وال رينو احسن فالقوه و اداء الموتور طبعا ده يديها ميزة عن الافيو بس انا معجب بالافيو اكتربس خايف مالمشاكل الكتير الى الناس قالت عليها هل المشاكل دى اتحلت فى2013 ولا لأ في نفس الوقت معرفش حاجه عن الرينو ياريت حد يساعدنىانى احسم قرارى و شكرا
-
ابعد عن منصور و غنيله + ان الافيو مشاكلها كثير بناء على كلام اصحابها هنا في المنتدى
السانديرو عربية جميلة جدا و ده انا بقلهولك لأن معايا اللوجان اللي هي السانديرو بس بشنطة
-
السانديرو احسن بدون تفكير انا جربت الافيو محرك صغير تكييف تعبان جداااااا تزييق في العفشة طول منتا ماشي متعرفش اية القرف دة
-
صديقي المواطن
طبعا العربيتين مش قد كده ولكن اﻷفيو رغم فشلها وضيقها وتكييفها وسحبها المتواضع إلا أنها أفضل وأبيع من سانديرو ولكن بما أنك بتدور على مانوال فحقلك على حاجة غريبة مش حتعجبك بس الكل عارف أنا دائما بقول الحق حتى لو مش بيعجب كلامي الناس
شفت اﻹمجراند 7 مش صيني وشفت شوية المشاكل البسيطة اللي ظهرت في حالات فردية ولكنها كركوبة وكفخامة وكراحة نفسية وكنظرة.الناس ليك ونظرتك لنفسك وزيادة ثقة في نفسك فقولا واحدا مقارنة بسعرها المتواضع فهي أحسن من العربيتين مجتمعتين وفي اﻷول واﻵخر دي فلوسك وأنت أدرى بها ولكن أنا من وجهة نظري لو حد جابلي أفيو ب 30 ألف مش حشتريها وأقول غالية فما بالك حضرتك عاوز تدفع بيها 92 ألف ده أنا ال 92 ألف دي أكمل عليها 15 ألف وأجيب شبح وأعمل أصانصير وأوضة عندي في الشقة وأبيتها فيها وأتفرج عليها
وبالتوفيق وإلى اﻷمام ومن نصر إلى نصر
ودمتم للنضال
-
فكر يا باشا فى حاجه كسر زيرو وهاتكون احسن من الاتنين دول .. عندك صنى الشكل القديم واوبترا ولا نسر بومه والنترا الشكل القديم .. والقرار ليك
-
Content Relevant URLs by
vBSEO 3.6.0 PL2