افتراضي اخوكم محتاج مساعدة فى مشكلة فى الفتيس ارجوكم ...

**MEMODINA1** · 21-10-2013 01:59 AM

السلام عليكم ورحمه الله
الموضوع باختصار رحت عملت صيانة 80000 فى التوكيل وغير زيت الفتيس وبجرب العربية زى الفل وهوووب لقيت مشكلة عويصة
الوقتى احنا بنغير اول تانى تالت كدة كدة الفتيس زى الحلاوة لكن لما انقل مثلا من تالت على تانى بس بشرط سرعة عالية مثلا 40 الغيار يزعق كانى تروس فى بعض وطبعا كل دا وانا دايس دبرياج للاخر يعنى مش بجيب التانى وامشى علية عالى لاة بكون جايب مثلا الغيار التالت وعلى سرعة 50 وامور وعند سرعة 40 اجيب التانى يحصل الموضوع دا لازم اهدى على 20 عشان ميعملش كدة باقى الغيارات مفهاش حاجة نهائى دا قبل دا او دا بعد دا عادى جدا المشكلة كلها فى التانى
الوقتى حل المشكلة دى اية وهل دا منى ولا من التوكيل اعمل اية ارجوكم
الزيت اللى غيرتة 80 90 موبيل
بالله عليكم لانى التوكيل سئلتة قالى انا عليت الدبرياج قلتلة رجعة زى ما كان رجعة وبرضة نفس المشكلة ملحوظة الفتيس زى الحلاوة ومش بيعض حتى لو جبت بالاول لحد 40 واجيب تانى مش بيحصل اى حاجة نهائى المشكلة تكمن فى الغيار التالت وانزل للتانى بسرعة على 40
قدر الله وما شاء فعل ....

**aldesha989** · 21-10-2013 03:42 AM

متابع
انا كان عندى نفس المشكلة فى العربيه القديمه انك لما بتجيب غيار عكسى بتحصل المشكلة دى رغم
انى فى العربيه الحاليه ممكن اصلآ ابقى على سرعه 120 واجيب الغيار التالت وبيدخل من غير مشكلة فقط صوت الماتور بيعلى والار بى ام بيعلى هو جبتها بالغلط مش بالقصد يعنى

**devil_storm** · 21-10-2013 07:50 AM

في حاجة اسمها شد سلك الدبرياج، اعتقد انت محتاج تشد سلك الدبرياج شويه علشان الغيار يجي مستريح، الموضوع بسيط جدا و روح لاي مكانيكي جنبك حيشدهولك في خمس دقايق وانت واقف

**elmkaneeki** · 21-10-2013 08:04 AM

احكيلنا ايه كل الي اتغير في الصيانة
يمكن حاجة فرعية انت مذكرتهاش

**أحمد جودة** · 21-10-2013 08:58 AM

هوة ممكن يكون فك سلك الدبرياج أو لعب فى مسار الحارات ........ بس انتا بتقول الغيارات كلها بتيجي كويس ومرتاحة ماعدا الغيار العكسي من التالت للتاني ........... اعتقد ممكن العربية مظبوطة وحضرتك موسوس شوية

**MEMODINA1** · 21-10-2013 03:00 PM

اشكر كل من شارك بس الوقتى رحت لواحد ميكانيكى وقالى انتا عندك غويشة وعايز تتغير بتاعت التانى وفك فتيس وحوارات ... الكلام دا ممكن وهل دى اثار الغويشة وانا لما وديت العرببية التوكيل كنت لسة عامل الحركة دى وعادى جدا جدا واول ما خرجت لقيتها وللعلم انا كنت واقف ادامة عند العربيةباصص عليها ومعملش اى حاجة غير انة غير زيت فتيس ربط عفشة وفلتر بنزين وزيت بس ..... هل ممكن يكون غويشة وظهرت مثلا بالصدفة بعد التوكيل ولا اية