الموضوع: الفحص اثبت ان العربية مغيرة نص امامى

المشاركة الأصلية كتبت بواسطة engahmedsayed

السلام عليكم

الاول كان الله فى عونك

ثانيا يعوض عليك ربنا

ثالثا حضرتك انتا لما اشتريت العربية مكنتش تعرف انى العربية مغيرة نص و له لالالالالالالالا

و دى مفيش منها مشكلة فى المرور الا فى حالة واحدة لو بصمة الشاسية اضربت او بمعنى اصح اتزورة هى دى المشكلة

هسال حضرتك اساله و سياتك هتجوبنى عليها


سياتك العربية مرور اية و محافظة اية


لانى العربيات لو ساحلية بيدموغو او بيطبع رقم الشاسية على القائم علشان البرومة بتاكل الرقم فا ده طبيعى جدا فى المدن الساحلية زى اسكندرية بورسعيد السويس فالمرور بيدق الرقم تانى زيادة تامين و دى متعتبرش مغيرة نص

سياتك العربية مدموغ او مطبوع رقم على القائم بتاع السواق و له لالالالالا


لانى لو مغيرة نص يبقى ادمغ الرقم عن طريق المرور بفحص العربية و دمغ الرقم على القائم و بيمعجن الرقم بتاع النص الجديد اللى ركب بيخفية و يبقى رقم الشاسية هو اللى على القائم اما لو اتغير النص من غير ما يدمغ رقم على القائم عن طريق المرور و نفس الرقم الموجود فى الرخصة على النص الجديد يبقى الرقم اتقطع من النص القديم و اتلحم فى النص الجديد و دة يعتبر تزوير و جناية

سياتك رقم الشاسية هو نفس رقم المسجل فى الرخصة العربية

دى لازم تتاكد انى نفس الرقم و العربية غيرت نص و له لالالالالالالالالالا و اى سمكرى كبير فى السن هيقولك

سياتك اشتريت العربية من حد تعرفه و له متعرفوش

علشان لو حصل انى الرقم اتقطع و اتلحم فى نص تانى يبقى ده تزوير و بدل ما انتا تلبس الموضوع تقضيه هو علشان تبعد الموضوع عنك و دى بتتثبت فى عن طريق البحث الجنائى يقدر يقولك العربية دى اتلحمة امتا و دى تتثبت قبل ما اشترية العربية
و سياتك لازم فى الحالة دى تاخد اجراء قانونى


كدة انتا معاك كل الاحتمالات سياتك ممكن ترد على اسالتى و انا متابع معاك بس ترد على اسالتى علشان نحدد المسار اللى نمشى فى و الموضوع مش قصة 200 جنية او الفلم فى حاجات هو ممكن يمشيها و فى حاجات لالالالالالالا الموضوع انى سياتك لو العربية مغيرة نص من غير ما تتفحص
يبقى كدة نصب عليك و لبسك فى جناية
دة بنى ادم جاحد و معندوش و له زمة و له ضمير
يبقى يستحق تقضيه

ربك المستعان
و بالتوفيق ان شاء الله

شكرا على اهتمام حضرتك ...
انا اولا مكنتش اعرف انها مغيره نص ولا اي حاجه خالص
ولو كنت اعرف طبعا مكنتش هشتريها وانا من اسكندريه
دلوقتي انا لما رحت الادله الجنائيه وتقرير اللجنه الفنيه قلولي انها مغيره نص وكتبين في التقرير انهم وجدو لاحام دائري حول رقم الشاسيه الفبريكه والرقم ده كان موجد فعلا في الرخصه القديمه اللي اتسحبت مني ومفيش اي ارقام مدمغ على القوايم وكان تاريخ الفحص في الرخصه المسحوبه كان لحد 2014 ولما فتحو الملف ملقوش ي ورق يفيد انها مغيره نص او عمله حادثه
دلوقتي انا واللهي معارف اروح فين وللا اجي منين والعربيه انا المالك الرابع ليها يعني في تلاته غيري وكانت الرخصه باسم المالك الاول والاتنين التيين توكيلات