الفحص اثبت ان العربية مغيرة نص امامى

**محمد عبد الناص** · 21-10-2013 03:32 AM

السلام عليكم ورحمه الله وبركاته
انا عندي مشكله وارجو ان حد يقدر يفدني او يساعدني
معلش انا هطول عليكو شويه ...... انا اشتريت عربيه دايو جوليت وكانت الرخصه فيها لسه ساريه المهم الرخصه لما انتهت رحت اجدد الرخصه وانقل الملكيه عادي اتصدمت في الفحص افني انهم بيقلولي ان العربيه دي مغيره نص امامي وراحو حجزين الملف بتاع العربيه وحولوني برقم صادر للادله الجنائيه اللي في العباسيه وهناك اخدو عينات من العربيه قبل اللحام وبعد اللحام وقلولي نتيجه العينات هتطلع بعد تلاتين يوم ............. انا دلوقتي مش عارف اعمل ايه ولا عارف هيعملو معايا ايه وايه الحل اني اخرج من المشكله دي ارجو انكم تهتمو بموضوعي ده لاني بجد واخد صدمه عمري ربنا يعلم اني كل فلوسي كنت شاري بيها العربيه دي وشكرا

**tota_ys** · 21-10-2013 03:54 AM

ربنا يعوض عليك وباذن الله تطلع حاجة بسيطه

**محمد عبد الناص** · 21-10-2013 03:57 AM

المشاركة الأصلية كتبت بواسطة tota_ys

ربنا يعوض عليك وباذن الله تطلع حاجة بسيطه

شكرا على اهتمامك بس متعرفش ايه اللي بيتم ولا كدا العربيه راحت مني خلاص

**saddam** · 21-10-2013 04:03 AM

صديقي المواطن
جريمتك الكبرى إنك سبت الموضوع يكبر أنا عمري ما رحت المرور إلا وأنا حاسب حساب الناس الدرجة الخامسة بتوع المرور ولو معنديش ناس بتسلك المسالك مش بروح مهما كان ورقي سليم وكل مشكلتك كانت إتحلت ب 200 جنيه للرفيق الفاحص ونسأل الله الغفران والعفو والعافية عامة لا تقلق حتى لو سقطت فحص أكيد حتتحل بس تحتاط وتحترس ومتعتمدش على مجهوداتك الذاتية وبالتوفيق
وإلى اﻷمام ومن نصر إلى نصر
ودمتم للنضال

**محمد عبد الناص** · 21-10-2013 04:06 AM

المشاركة الأصلية كتبت بواسطة saddam

صديقي المواطن
جريمتك الكبرى إنك سبت الموضوع يكبر أنا عمري ما رحت المرور إلا وأنا حاسب حساب الناس الدرجة الخامسة بتوع المرور ولو معنديش ناس بتسلك المسالك مش بروح مهما كان ورقي سليم وكل مشكلتك كانت إتحلت ب 200 جنيه للرفيق الفاحص ونسأل الله الغفران والعفو والعافية عامة لا تقلق حتى لو سقطت فحص أكيد حتتحل بس تحتاط وتحترس ومتعتمدش على مجهوداتك الذاتية وبالتوفيق
وإلى اﻷمام ومن نصر إلى نصر
ودمتم للنضال

شكرا هو انت فعلا عندك حق بس انا لالسف مكنتش عارف اصلا اللي فيها انا اتصدمت الحمد لله على كل حاجه بس حضرتك متعرفش ايه اللي بيتم ؟

**أحمد جودة** · 21-10-2013 09:15 AM

اعتقد الموضوع يكون سهل لان فيه عربيات بالفعل بتغير نص أمامي أوخلفي وبيترفع بصمة الشاسية الجديد وبيتثبت فى اوراق العربية ........... المهم فتح مخك معاهم وهيخلصولك كل حاجة وربنا يعينك فى الصدمة دي وربنا ينتقم من عدماء الضمير

**MITSUKERO** · 21-10-2013 09:44 AM

موضوع صعب جدا و ربنا معاك و ابقي طمنا

**hilal** · 21-10-2013 09:48 AM

زي ما قال لك ابو عدي
فتح مخك وشخلل جيوبك تلاقي كل حاجة بقت سهلة

**EngAhmedSayed** · 21-10-2013 09:52 AM

السلام عليكم

الاول كان الله فى عونك

ثانيا يعوض عليك ربنا

ثالثا حضرتك انتا لما اشتريت العربية مكنتش تعرف انى العربية مغيرة نص و له لالالالالالالالا

و دى مفيش منها مشكلة فى المرور الا فى حالة واحدة لو بصمة الشاسية اضربت او بمعنى اصح اتزورة هى دى المشكلة

هسال حضرتك اساله و سياتك هتجوبنى عليها

سياتك العربية مرور اية و محافظة اية

لانى العربيات لو ساحلية بيدموغو او بيطبع رقم الشاسية على القائم علشان البرومة بتاكل الرقم فا ده طبيعى جدا فى المدن الساحلية زى اسكندرية بورسعيد السويس فالمرور بيدق الرقم تانى زيادة تامين و دى متعتبرش مغيرة نص

سياتك العربية مدموغ او مطبوع رقم على القائم بتاع السواق و له لالالالالا

لانى لو مغيرة نص يبقى ادمغ الرقم عن طريق المرور بفحص العربية و دمغ الرقم على القائم و بيمعجن الرقم بتاع النص الجديد اللى ركب بيخفية و يبقى رقم الشاسية هو اللى على القائم اما لو اتغير النص من غير ما يدمغ رقم على القائم عن طريق المرور و نفس الرقم الموجود فى الرخصة على النص الجديد يبقى الرقم اتقطع من النص القديم و اتلحم فى النص الجديد و دة يعتبر تزوير و جناية

سياتك رقم الشاسية هو نفس رقم المسجل فى الرخصة العربية

دى لازم تتاكد انى نفس الرقم و العربية غيرت نص و له لالالالالالالالالالا و اى سمكرى كبير فى السن هيقولك

سياتك اشتريت العربية من حد تعرفه و له متعرفوش

علشان لو حصل انى الرقم اتقطع و اتلحم فى نص تانى يبقى ده تزوير و بدل ما انتا تلبس الموضوع تقضيه هو علشان تبعد الموضوع عنك و دى بتتثبت فى عن طريق البحث الجنائى يقدر يقولك العربية دى اتلحمة امتا و دى تتثبت قبل ما اشترية العربية
و سياتك لازم فى الحالة دى تاخد اجراء قانونى

كدة انتا معاك كل الاحتمالات سياتك ممكن ترد على اسالتى و انا متابع معاك بس ترد على اسالتى علشان نحدد المسار اللى نمشى فى و الموضوع مش قصة 200 جنية او الفلم فى حاجات هو ممكن يمشيها و فى حاجات لالالالالالالا الموضوع انى سياتك لو العربية مغيرة نص من غير ما تتفحص
يبقى كدة نصب عليك و لبسك فى جناية
دة بنى ادم جاحد و معندوش و له زمة و له ضمير
يبقى يستحق تقضيه

ربك المستعان
و بالتوفيق ان شاء الله

الموضوع: الفحص اثبت ان العربية مغيرة نص امامى

LinkBack

أدوات الموضوع

عرض

-

-

-

-

المواضيع المتشابهه

ردياتير و فانوس امامى واكصدام امامى للبيع كيا ريو

ازاي اعرف ان العربية مغيرة نص او رشة برة .. بكل امانة

العربية محتاجة ربع امامى !!! لخبراء بى ام !!

امامى ميجان 2008 مغيرة ربع خلفى ارجو الدخول للمساعدة الله يبارك لكم

خبطة فى العربية و تأثيرها فى الفحص و التجديد

الكلمات الدلالية لهذا الموضوع

المفضلات

المفضلات

ضوابط المشاركة