عرض للطباعة
انا بجد بقيت متحير جدا اختار ايه اشتريه ...عاوز اشتري اوكتافيا a5 وعاجباني جدا بس ناس كتير مخوفاني من مشاكل في الفتيس فيها وقطع غيار غاليه .... والناحيه التانيه اللانسر عربيه الشعب ناس كتير بتشكر فيها بس مفيهاش نفس ثبات وفخامه الاوكتافيا ... والاتنين نفس التمن تقريبا ب 85,000 ... افيدوني يا جماعه الخير
الاوكتافيا
بس هوا في a5 ٢٠٠٥ ؟
هقول لحضرتك
بصفة سياتك انى عامل الموضوع فى قسم سكودا
فا هيكون الانحياز الاكبر لسكودا
يفضل يا صديقى تعرض الموضوع فى قسم المقارنات هتقدر تاخد افادة افضل
ربك المستعان
بص يا باشا انا افضل اللانسر .. عشان كذا نقطه .. انا معرفش فيه مشاكل فى الفتيس بتاع الاوكتافيا ولا لأ بس اللي متأكد منه ان قطع الغيار غاليه ... واكيد مش هتكون متوفره زي اللانسر " عربيه الشعب " .. اللانسر بقت ال 128 بتاعت زمان .. سياره اقتصاديه .. ياباني .. موفره ومش هتتعبك انشاء الله ... اكيد الاوكتافيا حلوه بس هتتعبك معاها وانتا فى غنى عن الكلام ده كله ... بس أههم حاجه هي حالة العربيه تكون كويسه ومش عامله كيلومترات كتير .. وطبعا لازم تكشف عليها فى التوكيل عشان بيكون فيه خوازيق مستخبيه فى العربيه . ربنا يكرمك .
استاذي الفاضل الأوكتافيا سيارة لا غبار عليها سواء في اعتماديه السيارة او الفخامه الخاصه بها ولكن في الأغلب ممكن تلاقي فعلا عيب في الفتيس الخاص بها وتكون التكلفه المتوسطه لعلاجه حوالي 7000 غبارة عن بادي فلف استيراد وتغير زيت للفتيس
وهي سيارة من وجهه نظري اكثر فخامه من اللانسر واكثر اعتماديه وقطع غيارها غاليه شويه لكن معمرة جدا فيكاد يكون تلكفه قطعه الغيار واحدة
فيرجي الكشف الجيد عليها في مركز معتمد او التوكيل ويراعي انه يجب ان تكون حاله السيارة جيده جدا حتي تكون مبسوط بيها
اوكتافيا بشرط الحالة الجيدة
الاوكتافيا تكسب فى كل حاجه لالامقارنه
لكن اوكتافيا ب 85 اكيد فيها حاجه لان السعر ده مش لعربيه نمره واحد فاكيد هتزعلك وتكره الاوكتافيا وكل العربيات
لو هتجيب اوكتافيا اكشف عليها صح والمهم جدا الفتيس مايكون فيه نتشه والتكييف يكون شغال بالذات فى موديل 2005و6و7 العربيه تكون فابريكه ومتصانه كده تعشق الاوكتافيا
موديلات 2005 و 2006 كلهم فتيسهم بيعمل مشاكل..الا لو صاحبها ملتزم بغيار الزيت في ميعاده..لو الميزانية تسمح لاوكتافيا 2007 كان بها..لو لا.يبقي خليك في لانسر..مع العلم ان مفيش وجه للمقارنة
انا طلعت من لانسر خليجى للاوكتافيا و طبعا الاوكتافيا تكسب الا ان اللانسر عربية روعه برضه
انا ركبت الايه 4 تلافيا لموضوع الفتيس ده
انما زى ما الاخوة قالولك اكشف كويس جدا جدا و خصوصا الفتيس
بمعنى انك تضحى بسعر الكشف فى التوكيل علشان تستريح بعد كدة و تبقى فاهم اولك من اخرك
انما اللانسر مش محتاجة كشف بدقة زى الاوكتافيا
و ربنا يقدراك الخير