دعوة للتعارف واستفسارات هاامة
السلام عليكم اخواني الكرام
تحية طيبه وبعد
سبب كتابتي للموضوع هوا التعارف علي اعضاء اوبل المحترمين اولا بالمنتدي الجميل نايل موتورز
احب اعرفكم عن نفسي بصورة مبدئية ، اخوكم احمد سالم 26 عام ، مهندس اتصالات
ليا فترة معجب بالسيارات الاوبل ، مما اسمعه عن العربية من قوة وتسارع والي لاحظته بنفسي بالفعل امس معايا ، بس للاسف الفرحه لم تكتمل وسوف اكتب مااحدث واتمني ان تفيدوني بالسبب والحل والي عنده معلومه ياريت يضيفها وان شاء الله يكون موضوع تفاعي ومفيد للجميع
انا اشتريت سيارة اوبل كورسا امس موديل 2007 بحالة جيدة الي حداا ما بس واضح ان فيها بعض الاعطال ان لم يكن الكثير :what:
(عشان اتعلم بقي واتعبكم معايا واتعرف بيكم ههههههه :tumb: )
اول حاجه محتاجها ولاحظتها طقم دبرياج كامل ودي عرفتها من نتيجة الكشف عليها من قبل الشراء ببنزينة شيل الاوتوستراد
سالت علي الاسعار في اوتو ماستر قالولي لطقم الدبرياج كامل 3800
في مقار 3200
طبعا الاسعار غالية حوالي 4 الاف ، انا فهمت انهم بيغيرو ديسك واسطوانه وماستر سفلي وبلية وماستر علوي ( لكن مقار مش بيغير الماستر العلوي وفي حالة تغييره بيضاف 750 جنيه )
احب اعرف ارائكم في الموضوع ده
وايه هوا الماستر العلوي والسفلي وهل فعلا هحتاج اغيرهم
وعايز اعرف مين افضل كهربائي وميكانيكي للعربية دية ؟ لو ممكن عنواين وارقام حد يكون مضمون واهم حاجه الامانه لاني جديد في الاوبل وخائف مالنصب الي بيتعرضله اي حد جديد في حاجه في البلد دي للاسف
2-اشتري قطع غيار الاصلية منين ؟ لو ممكن ايضا اسامي او عنوانين وارقام
انا لاحظت فيها لحد دلوقتي مشكلة فتيس وكهرباء وار بي ام
انا سمعت ان مشكلة الفتيس بتاثر علي الكهرباء والكهرباء بتاثر علي ار بي ام ، هل معني كده اني بمجرد مااصلح الفتيس كل مشاكلي هتتحل ؟
اما بخصوص التجربة والي حصل امبارح ( الي قررت اكتبه في الاخر بعد الاستفسارات عشان الناس الي مالهاش في القراية هههههههه ) ، قولت اجرب العربية في الجري وحرقت عليها جامد وتسارعها كان حلو جدا مع انن كبس الموتور 75 % بس ، انا لو جيبت كورسا جديد ممكن اخاف احرق ههههههه المهم بعدها لقيت الار بي ام عاااااااااالي ومش بيوطي ماسك في 4-5 وصوت الموتور عالي وفيه زي كركرة بسيطه والعربية ماشية لوحدها من غير بنزين
استغربت بصراحه هديت وقفلت العربيه بمجرد اني اشغلها تاني الاقي الار بي ام عالي جدا من غير ماادوس اي حاجه وكل ماادوس دبرياج العربيه زي ماتكون بتتجنن ومش طايقاه والصوت يعلي جدا
فضلت ماشي بيها طول الطريق علي الثالث تقريبا وكانت ماشيه من غير ماادوس بنزين نهائيا ولمبة نورت لونها برتقاني في منتصف الشاشة الشمال اعتقد انها لمبة الميكانيكاا ، بعد ماوصلت فهمت من اصحابي ان دواسة البنزين ممكن تكون علقت وكانت بتضخ بنزين ، بعدها بفتره العربيه كانت هديت صاحبي فضل يدوس بنزين علي الاخر عشان يفك الدواسة وبعدين اشتغلت ولله الحمد والار بي ام اتظبط معرفش السبب كان فعلا حاجه في الدواسة ولا اتصلحت عشان بردت ولا accelerator بتاع البنزين كان معلق ياريت الي عنده تفسير يضيفه ,,
تاني حاجه غريبه حصلت معايا ، الدركسيون كان ناعم في الاول بطريقه مش طبيعيه ، خفيف جدا اكني بلف علي الهواء والله لدرجة اني جبيت العربية اوي اول ماركبتها وقبل مااجرب :fun_36_3_4[1]:
بس بعدها بفترة تقل وبقي زي الي كان في الفيرنا معايا معرفش تقل ليه وهوا الطبيعي بتاعه اخف من الكوري اصلا ولا ايه بالظبط ؟
في انتظار ارائكم وردوكم واتمني يكون الموضوع مفيد ليكون مرجع لاي واحد جديد في الكورسا واشوف تفاعل كبير من الاعضاء حتي يستفيد اي مشتري جديد ونتعرف ببعض وتعمم الفائدة
لكم جزيل الشكر والاحترام
