مش هايرضوا يستخدموه
الاولاد عندي بيرفضوا استعمال الكمبيوتر القديم
وتقريبا ما بيتفتحش
طبعا اصدرت اكثر من فرمان بمنع استخدام اللاب ليهم
لكن بعد المحايله ومعلش بيستخدمو اللاب
سيناريوا يومي مكرر
يبقي الافضل
تشتري لاب مستعمل او لاب سعره رخيص للبهدله
عرض للطباعة
مش هايرضوا يستخدموه
الاولاد عندي بيرفضوا استعمال الكمبيوتر القديم
وتقريبا ما بيتفتحش
طبعا اصدرت اكثر من فرمان بمنع استخدام اللاب ليهم
لكن بعد المحايله ومعلش بيستخدمو اللاب
سيناريوا يومي مكرر
يبقي الافضل
تشتري لاب مستعمل او لاب سعره رخيص للبهدله
ياباشا ... يظل البي سي هو الافضل للهارد وورك
يعني الانسب للاطفال اللي كل شغلهم عليهم هيبقي نت وجيمز وشوية ملتيميديا
اللاب مش هينفع معاهم .. مش هيستحمل
ده غير انك بثمن اللاب تقدر تجيب بي سي مواصفاته اعلي كتير من اللاب
وربنا يخليهملك
البى سى افضل للاطفال انما لو حد كبير يشترى لاب
فية حل وسط لابتوب بشاشة كبيرة 22 بوصة led خارجية وموس وكيبورد خارجية وكده يبقى ضربت عصفورين بحجر يعتبر 2*1 لابتوب و pc فلو الماوس باظ او الكيبورد يتغيروا عادى وتحتفظ بالاب سليم وتثبتة فى مكان محدد وحتبقى الصورة اوضح وافضل بالشاشة الكبيرة ومش حيتنقلوا بيه وممكن تجيب شاشه اكبر 32 بوصة led وده ان شاء الله اللى بافكر فية لاولادى كتحديث لل pc اللى عندى !!
ايه الاراء الغريبه اللي قرأتها دي ؟؟!!!!!!
Pc ايه اللي حخضرتك عايز تشتريه
يا استاذي اللعزيز .... اللاب توب اكثر تحملا واعلي سرعه وافضل نتيجه نهائية تؤخذ منه
الاطفال مش حيفهموا فى التفاصيل دي ..... لكن ليهم انه لما يشغل الفلم يشتغل كويس بدون تقطيع ولما يشغل اللعبه تشتغل بسرعه وصوره نقيه وصوت جميل
ولما يحب يشغل حاجه من بتوع المدرسه او الانتر نت يلاقي الجهاز شغال معاه بدون سخونه او تهنيج او صوت عالي
مش حيلاقي الطفل الحاجات دي الا فى وجود لاب توب
ملحوظه :
اللاب اقوي من الpc بمراحل ةاسرع منه بكتير حتي لو الارقام اقل وصوته شبه منعدم وخفيف الوزن وممكن يروح بيه النادي او ينقله من غرفه الي اخري
وكمان نفسية الطفل مهمه ولا ايه.........حيحس انه فى وادي وزمايله والمدرسه والتليفزيون فى وادي
لما يكبر شويه هاتلو تابلت بلا كلام لان الدلوقت الاب بيتلغي ويوجل محله التابلت
اخوك
م/احمد
ياشباب
معلش انا بسمع اراء غريبه جدا
pc ايه اللي بقى قديم ؟؟؟
تشغيل 24 ساعه يعني pc
الألعاب الحديثه كللها يعني pc
وانا بتكلم عالألعاب التقيله اللي ال source بتاعها بقى معدي 15 جيجا قبل ما تتسطب !!!
اللابات اللي بتشغل الالعاب دي بتكون لابات gamers قليله جدااا في مصر ولو حد حابب يشوف اسعارها عالنت
ومعروف طبعا ان لو معاك 3000 جنيه وقدامك لاب او عايز تجمع كيسه محترمه (لو فاهم بتجمع ايه وبتشتري ايه) ال pc قوته هتضرب اللاب اللي بنفس السعر بالقديمه
اللابات اللي في السوق 90% منها ارقام فقط, يعني بروسيسور كذا, رامات كذا
لكن في ال pc انت قدامك ماركات من (كل) حاجه وكلله بسعره
التابلت مهما كان بتاع العاب لسه على قدها مهما كان
ماشوفتش حد بيلعب battlefield على تابلت مثلا !