اسئلة عن الكروز 2013

**Ahmadabdhady** · 21-10-2013 03:48 PM

كنت عايز اسال عن الكروز 2013 ايه الفرق بين الفئتين اللي فيها و السعر و اداء العربية و ايه احسن لون فيها و استهلاك البنزين و سعر اعادة البيع انا بقارن بين الكروز و البوما 2013 سوبر اكشن و عايز اعرف الكروز فيها سنسور بارك ولا ايه ارجو النصيحة

**برنس الليالي** · 21-10-2013 04:23 PM

بالنسبة للفرق بين الفئتين الاولى مافيهاش abs إنما التانية فيها والاولى بتنزل بجنط 15 والتانية بجنط 17 معدني

بالنسبة للسعر انا معنديش فكرة بس اخر مرة سئلت عنها كان من حوالي شهرين بـ165 الف للهايلاين إنما دلوقتي مش متابع الاسعار للأسف

بالنسبة للأداء مش مجرب بس هي بتنزل بمحرك 1.6 بقوة 115 حصان بتسارع من 0 - 100 في 13 ثانية اعتقد حلو مش وحش وكدا كدا البلد دي شوارعها مش بتفضى عشان نجرب اداء وغيره

استهلاك البنزين كويس 7.3 جوا البلد يعني على الطرق السريعة حيبقى افضل كتير ودا طبيعي

واعادة السعر اعتقد للكروز عشان الناس بدأت تكره البومة لسبب الشكل القديم اللي بقاله عشر سنين وعشان الكروز فخمة جداً

اللون دا حاجة ترجعلك بس العربيات الفخمة بيبقالها الوان معينة يعني بلاش تجيبها نبيتي او ابيض وشوف الفضي او الاسود او الفيراني لو موجود ومبروك عليك يا باشا

**Ahmadabdhady** · 21-10-2013 04:26 PM

الف شكر يا باشا بس ياريت حد يفحني في موضوع الزيادات في الفئة الاعلي

**hossam_elwani** · 21-10-2013 04:38 PM

الفئات

3

الاولى

فاضيه جنط 15

التانيه هاى لاين 2 ايرباج و abs ونواكل على الشبكه الاماميه وجنوط 17

الثالثه توب لاين

كل مافى الهاى لاين + تطعيمات فى الصالون ونواكل + فرش جلد كامل

الاسعار لا اعلم بالتحديد

بس اخر سعر اعتقد على التوالى

156

165

169

**Eng_hatemfathy** · 21-10-2013 05:41 PM

فى اسعار تصفية عند سمير ريان توصل ل
152
156
159
علما بان الفرق بين الاولى والتانية الجنط والاى بى اس بس
الاتنين فيهم اير باج ومالتى فنكش ونواكل فى الشبكة الامامية
لو عايز تبص عليهم روح مخزن سمير ريان فى الحى السادس هتلاقى التلاته بس المشكله فى ىالالوان
النبيتى توب لاين والاسود التانية والتالته واللبنى التانية والبنى التالته والفيرانى التانية والكحلى الاولى
ده من 3 اسابيع والله اعلم ايه الجديد
لو ناوى قولى ابعتلك نمرة حد يديك بالاسعار دى لانها مشس الرسمية

**Eng_hatemfathy** · 21-10-2013 06:03 PM

بص حضرتك
منصور كان منزل عرض على 2013 خمس الاف جنيه لحد اخر 9 علشان يخلص منهم وده سعر 2014 والعربيات عند سمير ريان بكياسها وانا لسه شارى واحده توب لاين من سمير ريانالمفروض انها ب 160 الف عنده وب 164 او 165 عند منصور وقتها بس ان ليا وضع معين فنزل لى تمن ربحه ومحدش شلن وكان عنده الفئة التانية ب 156 وعند منصور 160 فى الخصم
مفيش فرق خالص بين 2013 و2014
العربيه افضل من البومة ف كل حاجه والبومة دلوقتى 2014 ورق بس ودى اخر شحنه على ما عرفت من التوكيل وموضوع السنسور ده انا لسه بفكر فيه علشان مش عايز اركبه فى الاكصدام فلسه بدور على الدلايات بتاعتها على المواقع علشان بفكر اركب فيها او بشوف تعليق الاكصدام علشان انزل خوص منه اركب فيها السينسور من غير تخريم وعلى فكره السنسور فى البومه شكله وحش
فكر وعاين الاتنين عند سمير وانا تحت امرك