الموضوع: الحمد لله ، انتقلت من قسم الفيات لقسم هيونداي ، مبروك ليّ :)

السلام عليكم و رحمة الله و بركاته
باركولي ، الحمد لله استملت سيارتي الجديدة ، فيرنا 2014 بعد لما الاونو 1400 سي سي الخليجي ، طلعت عين اللي جابوني
ما علينا من الاونو و حوارتها
الحمد لله انا مبسوط جدا من الفيرنا ، رغم تحذيرات ناس كتير ليّ ان الفيرنا خفيفة و انها واطية عن الارض و ان فراملها خفيفة ، الا اني لما فكّرت قولت في بالي ، الاونو اخف منها و اوطى منها على الارض و فراملها ماشية بالبركة ، فالحمد لله هي افضل من الاونو من كل النواحي
بالمناسبة تمّ التلاعب بيّ من خلال فرع للوكيل ان فيرنا ستار هيّ الـ 2014 ، بمعنى ان كل الـ 2014 ستار ، لكن قبل ما ادفع بدقائق عرفت ان فيه ستار و عادية ،و على فكرة الستار الجديدة مافيهاش عتب على الجنبين ، كمان مافيهاش الفضي اللي في التابلوه
و العادية هي نفس 2013 بالظبط ، على ما اعتقد
المهم انا الحمد لله عملت لغاية دلوقتي 1060 كيلو ، و طبعا المفروض اروح التوكيل عشان صيانة الالف
عندي كام سؤال كده
اولا ، انا ساكن في مدينة الفسطاط ، اروح اي مكان قريب ليّ عشان اعمل الصيانة ؟
ثانيا ، هو انا ممكن أئجل الصيانة لاول الشهر ، لان الميزانية معايا لا تسمح دلوقتي ؟ ساعتها هكون عامل مثلا 1700 - 1800 كيلو
ثالثا ، ناس كتير جدا بتقولي ماتشغلش التكييف الا بعد اول 1200 كيلو ، مع اني مالئتش اي حاجة في الكتالوج بتقول كده
رابعا - و آسف على الاطالة - في الكتالوج كاتب اني اقصى سرعة ممكن امشيها 88 كيلومتر عساعة اول 2000 كيلو ، الكلام ده سليم ولا اول 1000 كفاية ؟؟؟
معلش دوشتكو ، بس انا مبسوط الحمد لله

Samir Elshahawy : الف الف شكر ياباشا و ربنا يبارك فيك ، بجد ريحتني :)
الله يباركلك يا معلم