سائقة جديدة ... بعد كام مرة سوقت فيهم لوحدى !!!

أزيكم جميعا ! ...

اولا احب اقول للناس اللى بتتعلم السواقة دلوقتى و خصوصا البنات خفيفات القلب مثلى :D.. اصبروا ... الموضوع مش سهل بس مش مستحيل ... مش هنكر ان الاتوماتيك سهلت عليا كتير .. بس بصراحة مازلت ارهب السواقة و بتكون هم انى ورايا سواقة ... هل دة عادى و لا أنا اللى فاشلة يا جماعة ؟؟.... و عايزة اقولكم المشاكل التى تواجهنى و عايزة اعرف دة عادى و لا عيب فيا و المفروض اكون تجاوزتها ؟؟..

للعلم انا سوقت لوحدى حوالى 4 او 5 مرات .. اطول مشوار يبعد عن منزلى حوالى 15 الى 30 دقيقة بالزحمة .. و لكنى ساكنة فى منطقة نوعا ما مزدحمة ...

اولا لسة بخاف كتير و انا نازلة و بحس انه هم !
ثانيا نفسى التكاتييييييييييييك و الميكروباصات تختفى من الدنيا بجد !!! .. دول حاجة صعبة اوى اوى
ثالثا: الركن ثم الركن ثم الركن : عندى مشكلة رهيييييييبة فى الركن و خصوصا لو هركن فى مكان ضيق ... مش بعرف خاااااااااااااااااالص ... لازم اركن جنب الرصيف بس يكون فيه مسافات كبيرة بينى و بين العربيات اللى قدامى و اللى ورايا .. غير كدة .. مش بركن فى ليلتى !!!

رابعا: لسة ممشتش بيها بليل !

و بعدين فيه مشكلة يا جماعة ان الناس وحشة جدا جدا ... يعنى مثلا النهاردة كنت راجعة البيت و قررت ادخل شارع مزدحم جدا و ضيق جدا جدا و فيه كم بشر على الجانبين لانه بمثابة سوق و عربيات خضار و بتاع .. كله تمام لحد ما فيه توكتوك بالاتجاه المعاكس جاى بسرعة كبيرة (سرعة اكبر مما يحتملها الشارع) .. المهم وسعت له قدر المستطاع و هديت خالص و شبه وقفت و لقيته داخل بسرعة اووووووووووووووووى و حسيته مش هيلحق يفرمل فقلت له برااااااااااااحة مش كدة خش بشويش ... فعينى مشافتش الا النور بعد الكلمتين دول :khd:... بس اهم حاجة الحمد لله الحمد لله احمد ياااااااااا رب محصلش حاجة و عديت بسلام

تفتكروا هتحسن ... و احساس الخوف دة هيتشال من عندى ؟؟؟؟؟؟؟ و هل هتتطور فى السواقة و لا لأ ؟؟؟؟ اريد تجاربكم

بعد كده هتحسى انك محتاجه تمشى فى زحمه هتحبى الزحمه علشان هتحسى انك محترفه بتعرفى تطلعى من عربيتين فى مكان ضيق لحد ماتثقى فى نفسك هتكرهى الزحمه انا اول ماتعلمت كنت بحب امشى فى الزحمه لانها بتعلم الواحد يتصرف ازاى رغم الارتباك يعنى لمه كنت اطلع من مكان ضيق اوى الثقه بتزيد

شهر واحد ان شاء الله وهتلاقي الموضوع بقى عادي .. والخوف والقلق دا هيقل مع الوقت

اقتباس:

---

المشاركة الأصلية كتبت بواسطة kiapicanto2014

أزيكم جميعا ! ...

اولا احب اقول للناس اللى بتتعلم السواقة دلوقتى و خصوصا البنات خفيفات القلب مثلى :d.. اصبروا ... الموضوع مش سهل بس مش مستحيل ... مش هنكر ان الاتوماتيك سهلت عليا كتير .. بس بصراحة مازلت ارهب السواقة و بتكون هم انى ورايا سواقة ... هل دة عادى و لا أنا اللى فاشلة يا جماعة ؟؟.... و عايزة اقولكم المشاكل التى تواجهنى و عايزة اعرف دة عادى و لا عيب فيا و المفروض اكون تجاوزتها ؟؟..

للعلم انا سوقت لوحدى حوالى 4 او 5 مرات .. اطول مشوار يبعد عن منزلى حوالى 15 الى 30 دقيقة بالزحمة .. و لكنى ساكنة فى منطقة نوعا ما مزدحمة ...

اولا لسة بخاف كتير و انا نازلة و بحس انه هم !
ثانيا نفسى التكاتييييييييييييك و الميكروباصات تختفى من الدنيا بجد !!! .. دول حاجة صعبة اوى اوى
معاكى فى ان الميكروباصات والتكاتك فئات ضاله الا من رحم ربى
ثالثا: الركن ثم الركن ثم الركن : عندى مشكلة رهيييييييبة فى الركن و خصوصا لو هركن فى مكان ضيق ... مش بعرف خاااااااااااااااااالص ... لازم اركن جنب الرصيف بس يكون فيه مسافات كبيرة بينى و بين العربيات اللى قدامى و اللى ورايا .. غير كدة .. مش بركن فى ليلتى !!!
فيه ملف على النت معمول بفلاش تقريبا تحاولى تركنى من خلاله
التكنيك بتاع الركنه معروف
فيه ركنه عموديه على الرصيف وديه اسهل حاجه
فيه ركنه بين عربيتين وديه ليها تكنيك ثابت

رابعا: لسة ممشتش بيها بليل !

و بعدين فيه مشكلة يا جماعة ان الناس وحشة جدا جدا ... يعنى مثلا النهاردة كنت راجعة البيت و قررت ادخل شارع مزدحم جدا و ضيق جدا جدا و فيه كم بشر على الجانبين لانه بمثابة سوق و عربيات خضار و بتاع .. كله تمام لحد ما فيه توكتوك بالاتجاه المعاكس جاى بسرعة كبيرة (سرعة اكبر مما يحتملها الشارع) .. المهم وسعت له قدر المستطاع و هديت خالص و شبه وقفت و لقيته داخل بسرعة اووووووووووووووووى و حسيته مش هيلحق يفرمل فقلت له برااااااااااااحة مش كدة خش بشويش ... فعينى مشافتش الا النور بعد الكلمتين دول :khd:... بس اهم حاجة الحمد لله الحمد لله احمد ياااااااااا رب محصلش حاجة و عديت بسلام

تفتكروا هتحسن ... و احساس الخوف دة هيتشال من عندى ؟؟؟؟؟؟؟ و هل هتتطور فى السواقة و لا لأ ؟؟؟؟ اريد تجاربكم

---

ان شاء الله احساس الخوف هيتشال من عندك بس انت مطلوب منك تمارسى السواقه كتير وفى الاول مارسيها فى طرق فاضيه يعنى اخرجى بيها كل يوم الساعه 6 الصبح وخدى ليكى مشوار رايح جاى هتلاقى نفسك بقيتى تتحكمى فى العربيه احسن
ومره ورا مره تنزلى فى الزحمه وبرضه فى الاول انتى مش بتبقى عارفه الطرق اوى
يعنى اول لما سوقت كنت باخد ازحم الطرق فى مصر وواحده واحده بقيت اعرف طرق مختصره

مبروك أولا
وكل الأحاسيس دي مرت علينا
وكلها وقت وبالتدريب الفعلي بين العربيات ، وبعدها عادي خالص
الزحمة عادي ، والركنه عادي ، والكلاكسات عادية ، والنور العالي اللي في عنيكي عادي
والتكاتك والميكروباصات عادي جداً ، والشتيمة عادي برضوا ههههه

وربنا معاكي

أهم حاجه تقوى قلبك وتخشى المعجنه واللى تلاقيه بيزنق عليكى هوشيه وأعمليلو شغل عمرو مجايفر وهتلاقي اللى ماشى معاكى على الطريق حيخاف منك ولا يقدر ييجى جنبك أصلا
وبالنسبه للركنه بالممارسه وهتلاقى نفسك بعد كده بتركنى فى سوانى وفى عز الفرم اللى شغال
وأهم حاجه متحسسيش حد أنك خايفه عشان ميستهيفكيش حسسيه بالعكس ان قلبك ميت
وتقبلى مرورى

اقتباس:

---

المشاركة الأصلية كتبت بواسطة kiapicanto2014

أزيكم جميعا ! ...

اولا احب اقول للناس اللى بتتعلم السواقة دلوقتى و خصوصا البنات خفيفات القلب مثلى :d.. اصبروا ... الموضوع مش سهل بس مش مستحيل ... مش هنكر ان الاتوماتيك سهلت عليا كتير .. بس بصراحة مازلت ارهب السواقة و بتكون هم انى ورايا سواقة ... هل دة عادى و لا أنا اللى فاشلة يا جماعة ؟؟.... و عايزة اقولكم المشاكل التى تواجهنى و عايزة اعرف دة عادى و لا عيب فيا و المفروض اكون تجاوزتها ؟؟..


عادى جدا كل الاحاسيس دى و هتروح مع الممارسه و السواقه الكثير ان شاء الله


للعلم انا سوقت لوحدى حوالى 4 او 5 مرات .. اطول مشوار يبعد عن منزلى حوالى 15 الى 30 دقيقة بالزحمة .. و لكنى ساكنة فى منطقة نوعا ما مزدحمة ...


اعملى الصح و متخافيش خالص فى داهيه لو اتخبطى خبطه بسيطه و تتصلح اهم حاجه تتعلمى تمام

اولا لسة بخاف كتير و انا نازلة و بحس انه هم !
ثانيا نفسى التكاتييييييييييييك و الميكروباصات تختفى من الدنيا بجد !!! .. دول حاجة صعبة اوى اوى
ثالثا: الركن ثم الركن ثم الركن : عندى مشكلة رهيييييييبة فى الركن و خصوصا لو هركن فى مكان ضيق ... مش بعرف خاااااااااااااااااالص ... لازم اركن جنب الرصيف بس يكون فيه مسافات كبيرة بينى و بين العربيات اللى قدامى و اللى ورايا .. غير كدة .. مش بركن فى ليلتى !!!


بالنسبه للتكاتك و الميكروباصات و اى سواق شايف نفسه حضرتك تقفلى ازازك و تشغلى تكييفك و الكاسيت و فكك منهم اهم حاجه تكونى متاكده انك عملتى الصح وماشيه صح و مقفلتيش على حد طريق و لا نسيتى تدى اشاره ولا الكلام ده و مدام متاكده انك صح سورى فى الكلمه طظ فيهم و متخليش حد زيهم يتاجر بخوفك على العربيه ولا حاجه بس فى نفس الوقت خليك حذره جدا و مركزه فى السواقه و فى الزحمه التزمى بحارتك و متخليش حد فيهم يحجر ولا يدخل بالعافيه لانك مركزه اصلا فى السواقه و الى يشغل نور عالى و معندوش دم قلبى نور مرتين و استنى 3 ثوانى مقلبش للواطى او طفا النور اعميه بالعالى هتلاقيه طفاه هو ده سلوك كثير من الشعب المصرى العظيم و وبالنسبه للركن سهل جدا فوق ما حضرتك متخيله حضرتك اتدربى كذا مره على الى هقوله ده شوفى حضرتك اقفى بالضبط بالتساوى جنب العربيه الى هتركنى وراها و ارجعى لورا والدركسيون كله يمين لو هتركنى يمين و شمال لو هتركنى شمال و عند نص العربيه الى هتركنى وراها ( الى قدامك) ارجعى بالدركسيون وهتلاقى الدنيا تمام و العربيه اتركنت كويس ان شاء الله


رابعا: لسة ممشتش بيها بليل !


عادى جدا جدا العربيه فيها انوار عالى وواطى شغالين بكفائه يبقى ليه القلق ؟؟ النور الواطى جوا المدينه و العالى طريق سفر اتجاه واحد

و بعدين فيه مشكلة يا جماعة ان الناس وحشة جدا جدا ... يعنى مثلا النهاردة كنت راجعة البيت و قررت ادخل شارع مزدحم جدا و ضيق جدا جدا و فيه كم بشر على الجانبين لانه بمثابة سوق و عربيات خضار و بتاع .. كله تمام لحد ما فيه توكتوك بالاتجاه المعاكس جاى بسرعة كبيرة (سرعة اكبر مما يحتملها الشارع) .. المهم وسعت له قدر المستطاع و هديت خالص و شبه وقفت و لقيته داخل بسرعة اووووووووووووووووى و حسيته مش هيلحق يفرمل فقلت له برااااااااااااحة مش كدة خش بشويش ... فعينى مشافتش الا النور بعد الكلمتين دول :khd:... بس اهم حاجة الحمد لله الحمد لله احمد ياااااااااا رب محصلش حاجة و عديت بسلام


تفتكروا هتحسن ... و احساس الخوف دة هيتشال من عندى ؟؟؟؟؟؟؟ و هل هتتطور فى السواقة و لا لأ ؟؟؟؟ اريد تجاربكم

---

الناس دى مينفعش معاها مناقشه خااااالص والله و خاصه لاى سيده حضرتك كبرى دماغك منهم مدام متاكده انك عملتى الصح و هو الغلط و حتى لو انتى الغلطانه اقفلى الازاز و شغلى الكاسيت و التكييف و كبرى دماغك و بلاش تردى على حد وربنا يستر طريقنا و طريقك و طريق الجميع ان شاء الله