احسن كلاكس للاوبترا؟

**wanted45** · 21-10-2013 06:58 PM

الكلاكس عندى فرده منه باظت وعايز اغيره عايز اعرف ايه احسن نوع واجيبه استيراد ولا جديد بش مش عايز الاصلى بتاع الاوبترا عشان مكنش عاجبنى

**drmagieed** · 21-10-2013 08:20 PM

هات لك جوز دنسو ياباني وإنسي عاملين 150 جنية!!!

**saddam** · 21-10-2013 11:58 PM

صديقي المواطن
تجيب طاط أخضر اﻷصلي من إستيراد الدولية من التوفيقية ب 85 جنيه بره ب 150 ويا سلام لو تحط عليه بوش نيكل أبو 135 جنيه وتركبهم على بعض كل واحد بكتاوت مستقل وحتسمع صوت أكبر لوري حيعتذر منك أما لو عاوز كلاكس متوسط فتاخد فيام إسمه مكسيكو تقريبا سعره في التوفيقية ب 65 جنيه أما لو عاوز صوت مفتكس فتروح لبتوع اﻹستيراد وتركب طقم نيسان صني مع 2 طقم كورولا كل طقم بكتاوت مستقل والجوز بحوالي 50 جنيه عارف لو إديت كلاكس وقطه معدية من قدام العربية شعرها كله حيوقف من الخضة ولو عايز صوت كفتة وأي كلام فعندك في التوفيقية فيه كلكسات حتى ب 8 جنيه للفردة ولو عايز صوت خرافي و 5 أضغاف اﻷصوات أعلاه فدي ليها نصيحة تانية أما لو عايز صوت واطي أو صوت فبريكة فآسف مش سكتي شوف اﻷخوة الزملاء اﻷعضاء اﻷفاضل ممكن يدلوك عالطرق التانية وكلهم أحسن مني وبالتوفيق وإلى اﻷمام ومن نصر إلى نصر
ودمتم للنضال

**saddam** · 22-10-2013 01:26 AM

المشاركة الأصلية كتبت بواسطة amr011111

بس اللى اعرفه ان صوت كلاكس نيسان مش عالى اوى ولا تقصد انه لما يركب مع اتنين كروولا هيختلف

سؤال بقى هل الكلاكس ممكن اعمله بسلوك لوحده واوصله مباشر للبطاريه علشان ملعبش فى الضفيره
ولو ينفع اعمل كلاكس عالى لوقت اللزوم
وكلاكس العربيه اسيبه زى ما هوه وهيبقى ليه دراع منفصل ام ماذا

صديقي المواطن
مفيش إفتكاسة تخطر على بالك إلا وعملتها بفضل الله وأنا أساسا لما بشتري أي عربية بنزل أجيب 7 كلاكسات مختلفة ثم أروح أفكهم وهم زيرو جداد وأعدل بيهم وكمان بجيب 7 كتاوت لقاط مارش تكتك عشان القوة والضخامة هندي وأحط لكل طقم كلاكسات كتاوت وزرار مستقل بذاته
وطبعا تقدر تسيب ظفيرة العربية بحالها وتظيف عليها
وأنا بقسم كلاكساتي كالتالي
زرار اﻷول
من غير صوت ولكن مربوط عالضوء العالي يعني بقلب نور من الكلاكس
زرار ثاني
كلاكس الفابريكة
زرار ثالث
كلاكس بوق هوائي 3 أبواق
زرار رابع
كلاكس فيام قريب من العالي
زرار خامس
طاط أخضر أصلي معدل
زرار خامس
كلاكس بوش معدل
زرار سادس
كلاكس برضو طاط أخضر معدل
زرار سابع
كلاكس برضو بوش معدل
زرار ثامن
كلاكس برضو بوش معدل
زرار تاسع
جرس القطار

ملحوظة الزراير ناعمة ومضيئة ولا تأخذ مكان ومزروعة كأنها نازلة من الفابريكة
ملحوظة بقدر أشغل أي زرار لوحده وأسمع صوته وبقدر أشغلهم كلهم سوا وحتغير بس دينمو أكبر وبطارية لا تقل عن 74 أمبير
ملحوظة بحط ترامل وكلبسات وياكوزات ومكرونات وسلك أصلي 3 مل وكمان بعد كل ده بلفهم ب خرطوم بلاستك الفبريكة بشتريه باللفه وأحلى حاجة لما بخش كمين بكبسة زرار أرجع لكلكي الفبريكة

صوت النيسان معقول والمطلوب منه كسر حدة صوت الكورولا لو تحب تشرفني عربيتي رقم 8 فيها طقم نيسان و3 طقم كورولا وكراون وميكروباص وكلها عائلة تويوتا وصوت مميز وجميل وعالي والناس كلها بتسألني عليه
وبالتوفيق وإلى اﻷمام
ومن نصر إلى نصر
ودمتم للنضال

**amr011111** · 22-10-2013 08:57 AM

المشاركة الأصلية كتبت بواسطة saddam

صديقي المواطن
مفيش إفتكاسة تخطر على بالك إلا وعملتها بفضل الله وأنا أساسا لما بشتري أي عربية بنزل أجيب 7 كلاكسات مختلفة ثم أروح أفكهم وهم زيرو جداد وأعدل بيهم وكمان بجيب 7 كتاوت لقاط مارش تكتك عشان القوة والضخامة هندي وأحط لكل طقم كلاكسات كتاوت وزرار مستقل بذاته
وطبعا تقدر تسيب ظفيرة العربية بحالها وتظيف عليها
وأنا بقسم كلاكساتي كالتالي
زرار اﻷول
من غير صوت ولكن مربوط عالضوء العالي يعني بقلب نور من الكلاكس
زرار ثاني
كلاكس الفابريكة
زرار ثالث
كلاكس بوق هوائي 3 أبواق
زرار رابع
كلاكس فيام قريب من العالي
زرار خامس
طاط أخضر أصلي معدل
زرار خامس
كلاكس بوش معدل
زرار سادس
كلاكس برضو طاط أخضر معدل
زرار سابع
كلاكس برضو بوش معدل
زرار ثامن
كلاكس برضو بوش معدل
زرار تاسع
جرس القطار

ملحوظة الزراير ناعمة ومضيئة ولا تأخذ مكان ومزروعة كأنها نازلة من الفابريكة
ملحوظة بقدر أشغل أي زرار لوحده وأسمع صوته وبقدر أشغلهم كلهم سوا وحتغير بس دينمو أكبر وبطارية لا تقل عن 74 أمبير
ملحوظة بحط ترامل وكلبسات وياكوزات ومكرونات وسلك أصلي 3 مل وكمان بعد كل ده بلفهم ب خرطوم بلاستك الفبريكة بشتريه باللفه وأحلى حاجة لما بخش كمين بكبسة زرار أرجع لكلكي الفبريكة

صوت النيسان معقول والمطلوب منه كسر حدة صوت الكورولا لو تحب تشرفني عربيتي رقم 8 فيها طقم نيسان و3 طقم كورولا وكراون وميكروباص وكلها عائلة تويوتا وصوت مميز وجميل وعالي والناس كلها بتسألني عليه
وبالتوفيق وإلى اﻷمام
ومن نصر إلى نصر
ودمتم للنضال

شكرأ يا استاذ صدام.
ترشحلى كهربائى معين يعملى الموضوع ده

**abanna** · 22-10-2013 10:18 AM

المشاركة الأصلية كتبت بواسطة saddam

صديقي المواطن
مفيش إفتكاسة تخطر على بالك إلا وعملتها بفضل الله وأنا أساسا لما بشتري أي عربية بنزل أجيب 7 كلاكسات مختلفة ثم أروح أفكهم وهم زيرو جداد وأعدل بيهم وكمان بجيب 7 كتاوت لقاط مارش تكتك عشان القوة والضخامة هندي وأحط لكل طقم كلاكسات كتاوت وزرار مستقل بذاته
وطبعا تقدر تسيب ظفيرة العربية بحالها وتظيف عليها
وأنا بقسم كلاكساتي كالتالي
زرار اﻷول
من غير صوت ولكن مربوط عالضوء العالي يعني بقلب نور من الكلاكس
زرار ثاني
كلاكس الفابريكة
زرار ثالث
كلاكس بوق هوائي 3 أبواق
زرار رابع
كلاكس فيام قريب من العالي
زرار خامس
طاط أخضر أصلي معدل
زرار خامس
كلاكس بوش معدل
زرار سادس
كلاكس برضو طاط أخضر معدل
زرار سابع
كلاكس برضو بوش معدل
زرار ثامن
كلاكس برضو بوش معدل
زرار تاسع
جرس القطار

ملحوظة الزراير ناعمة ومضيئة ولا تأخذ مكان ومزروعة كأنها نازلة من الفابريكة
ملحوظة بقدر أشغل أي زرار لوحده وأسمع صوته وبقدر أشغلهم كلهم سوا وحتغير بس دينمو أكبر وبطارية لا تقل عن 74 أمبير
ملحوظة بحط ترامل وكلبسات وياكوزات ومكرونات وسلك أصلي 3 مل وكمان بعد كل ده بلفهم ب خرطوم بلاستك الفبريكة بشتريه باللفه وأحلى حاجة لما بخش كمين بكبسة زرار أرجع لكلكي الفبريكة

صوت النيسان معقول والمطلوب منه كسر حدة صوت الكورولا لو تحب تشرفني عربيتي رقم 8 فيها طقم نيسان و3 طقم كورولا وكراون وميكروباص وكلها عائلة تويوتا وصوت مميز وجميل وعالي والناس كلها بتسألني عليه
وبالتوفيق وإلى اﻷمام
ومن نصر إلى نصر
ودمتم للنضال

ايه يا عم كل دا ؟!!!!!!!!!
انت ممشي العربيه بقوة دفع الصوت و لا ايه ؟!؟!؟!؟!!

دا انت عامل فرح في الشارع يا نجم

انا بعاكسك بس

طيب على العموم لو عندك عربيه شيفروله أفيو جديده ممكن تقول لنا:
ايه التعديلات الي عملتها عليها غير موضوع الاصوات دا؟؟؟
و هل التعديلات دي اخرجتك من الضمان ؟؟؟
و ايه ظروف التوكيل معاك بعد التعديلات دي كلها ؟؟؟؟
و هل ممكن تقوم بالتعديلات كلها من خلال التوكيل, او مراكز الخدمه المعتمدة لشيفروليه ؟؟؟
و كلمني عن الاسعار ؟؟؟

طبعا لو عندك سياره شيفروليه

**Hosam_fouad** · 22-10-2013 04:37 PM

انا كل فتره كدا بجيب الأصلي ..... ومش بيستحمل .... بس صوتوا لذيذ مش مزعج :d

**saddam** · 22-10-2013 04:42 PM

المشاركة الأصلية كتبت بواسطة abanna

ايه يا عم كل دا ؟!!!!!!!!!
انت ممشي العربيه بقوة دفع الصوت و لا ايه ؟!؟!؟!؟!!

دا انت عامل فرح في الشارع يا نجم

انا بعاكسك بس

طيب على العموم لو عندك عربيه شيفروله أفيو جديده ممكن تقول لنا:
ايه التعديلات الي عملتها عليها غير موضوع الاصوات دا؟؟؟
و هل التعديلات دي اخرجتك من الضمان ؟؟؟
و ايه ظروف التوكيل معاك بعد التعديلات دي كلها ؟؟؟؟
و هل ممكن تقوم بالتعديلات كلها من خلال التوكيل, او مراكز الخدمه المعتمدة لشيفروليه ؟؟؟
و كلمني عن الاسعار ؟؟؟

طبعا لو عندك سياره شيفروليه

صديقي المواطن
أنا عندي شيفرولية بس مش أفيو طبعا عندي عربيتي رقم 9 شيفرولية دوبل كابينة الضخمة والحمد لله بعدين يا راجل يا طيب مش شايف تهجمي المتواصل على اﻷفيو ولانسر وفيرنا ولانوس وال 127 وال 128 فإزاي بعد ده كله تقوللي أركب أفيو والعياذ بالله صديقي المواطن نظرا لحبي وإحترامي لكل ملاكها الذين خدعهم منصور بهذه العربية فأنا دايما بعد صلاة الفجر أدعو لكم بسعة الرزق حتى تبيعوها ويرزقكم الله بأفخم منها وأكبر وبما يليق بمكانتم داخل قلبي

التوكيلات هم شلة من الفشلة وكسر الصنايعية وسواقط المهندسين في الصنعة وفي المفهومية وطبعا مبيخدموش أي حد ولا بيعملوا أي تعديلات ومش فاضيين لحضرتك ولحضرتي وكمان أزيدك من الشعر بيت ميعرفوش يعملوا أي تعديل نهائي حتى لو كان تركيب دي في دي

أما التخريج من الضمان فأنا بدخل توكيلات وبصراحة أنا تعديلاتي نظيفة يعني يتصوروا معاها يسألوني ده بيشغل إيه وده ليه بالمختصر لا يجرؤ حد يخرجني من الضمان عشان شغلي كله خفي وليس ظاهر وعلى مستوى عالي

وبالتوفيق وإلى اﻷمام ومن نصر إلى نصر
ودمتم للنضال

**saddam** · 22-10-2013 04:55 PM

المشاركة الأصلية كتبت بواسطة amr011111

شكرأ يا استاذ صدام.
ترشحلى كهربائى معين يعملى الموضوع ده

صديقي المواطن
هناك 3 كهربائية أنا بثق فيهم في الموضوع ده ﻷن أنا معلمهم وبوقف فوق راسهم عشان أفهمهم يعملوا إيه ومن كثر التجارب توصلنا إني باخده من ورشته بعيدا عن علم الورشة وآخده تحت بيتي وأجيبله كل الحاجات اللي حتركب مع فطار وغداء وعشاء وأديه 200 جنيه في إيده وهو مروح مع 10 كباايات شاي ونظام الكلكسات ممكن يركب في 8 ساعات ونظام اﻹنارة السفلية ممكن يركب في 6 ساعات ونظام الكاميرات المحيطة والشاشات ممكن يركب في في 6 ساعات ونظام الصوت الداخلي والخارجي ممكن يركب في 14 ساعة ونظام اﻷرايل في 3 ساعات ونظام اﻹنذار اللي بيدور والزينون والباركنج سنسور والسنتر لوك ووحدات الرفع ممكن تركب ب 4 ساعات والبلوتوث والجي بي إس مناطق وجي بي إس تراكر وكاشف الرادار دي بتركب في 3 ساعات
أنا مرة ركبت كل الحاجات دي في عربيتي رقم 2 أيام ما كنت غني قبل ما أفلس وأبيع القضية ب 21 ألف عند أدريان المطبعة وخدت أسبوع كامل من الصبح لغاية ميقفلوا وإشتغلوا فيها 9 أنفار وكل يوم بغديهم وبعشيهم فراخ وكمان حساب القهوة والبسكوت مفتوح
طبعا دلوأتي الدنيا إتغيرت بقيت بجيب حاجتي من الجملة وأكلم حد فيهم يجيلي يوم أو يومين تحت البيت وأديله 200 جنيه والسلام وبصراحة أنا محدش يتأخر عني
وبالتوفيق وإلى اﻷمام ومن نصر إلى نصر
ودمتم للنضال