الموضوع: استفسار بخصوص الالنترا الجديده

المشاركة الأصلية كتبت بواسطة samir elshahawy

الالنترا و كل العربيات حتي القديمة فيها الكلام ده و لكن التردد اللي بيحصل في عدد لفات المحرك يكاد يكون غير ملحوظ ألا لو ركزت معاه أوي لأن ده طبيعي حتي في المحركات الكبيرة و مولدات الكهرباء

هاضرب لكوا مثال صغير :
في البيت لو الانوار شغالة و فجأة دخل حمل كبير زي التكييف أو سخان كهرباء مثلا
لو ركزت و لاحظت لمبة عادية ستجد أن ضوئها بيخفت لحظيا (بيتخطف لحظي) و بترجع تاني

نفس الكلام في المولدات الكهربائية ( زي الدينامو اللي في العربية):
المولد بيطلع خرج ثابت (تردد - فولت - أمبير) اللي بيحصل وقت دخول الحمل أن التردد hz بيتغير لحظيا يعني لو هو كان 50 hz مثلا ممكن ينزل الي 49 hz
اللي بيقوم باعادة التردد لوضعه الطبيعي هو ال governor و ده بيستشعر أن فيه أنخفاض في عدد لفات المحرك فيصدر أشارة الي طلمبات حقن الوقود لزيادة كمية الوقود الداخلة الي الاسطوانات و بالتالي حرق كمية أكبر من الوقود و زيادة عدد لفات المحرك و منها زيادة التردد مرة أخري

طبعا العملية دي بتتم في أجزاء من الثانية و بتعتمد دقتها و سرعتها من محرك لأخر (حتي لو نفس نوع المحرك) علي مدي حساسية ال governor أو مانطلق عليه ال responce )

ده باختصار كده و ارجو أني أكون قدرت أوضح لكوا الفكرة


و علي فكرة الموضوع ده بيحصل فعلا في الالنترا بس و هيا واقفة (يعني عدد لفات المحرك بيكون اقل من 1000 لفة دقيقة) و يكاد يكون غير ملحوظ , أنا أضطريت الصبح أني أتوقف لثواني و كانت العربية لسه باردة و شغلت النور العالي (الرعاش) و فعلا لاحظت حركة طفيفة جدا في عدد لفات المحرك تكاد تكون غير ملحوظة مابين ال 800 و ال 700 لفة . دقيقة يعني النقص يكاد يكون حوالي 50 لفة و يمكن أقل

بجد أحب أن أشكر صديقنا سويفي اللي نبهنا لحاجة زي دي
و ده الفرق بين واحد بيسوق و يركز في كل حاجة في العربية وواحد تاني بيدور و يمشي و خلاص

بجد مش عارف اشكر حضرتك يا هندسة على اهتمامك واعمل حسابى فى المقابلة الجاية انا معاكم و اتعرف على باقى الزملاء والاعضاء وانا فعلا كل مرة بستفاد منكم كتير فى المعلومات وتوضيح والشرح وفعلا انا كتير بركز اوى مع العربيه وبخاف عليها كانها عيل من عيالى واكتر ههههههههههههههههههه

المشاركة الأصلية كتبت بواسطة profimh

الموضوع كمان ملموس قوى لو حبيت ترفع او تنزل الإزاز بعد ما يكون
اترفع للاخر او نزل للاخر
يعنى انت وقفت بترفع الإزاز الامامى (الإتنين مع بعض مثلا) و حبيت تأكد قفله بضغطة زيادة هوب rpm يوطى بس بشكل ملحوظ

حبيت أشكر الزملاء على الشرح الوافى للموضوع

يعنى مش انا اللى بركز بس مع العربيه ده معانا ناس عتاولة مركزين اهوه يعنى موضوع الزجاج بردو جديد هجرب واقولك ومبرك على العربيه وجات متاخره شويه

المشاركة الأصلية كتبت بواسطة ultramisho

سويفي بيه العفو
انا بس جه في بالي ان العربية كانت ماشية والتسعة مقصود بيها 5 مثلا وده الي خلى بعض الزملاء في البداية - وانا منهم - يعتقدوا عيب كهربا وكابل وبطارية وكده
لكن طالما تجربة والعربية واقفة على 0.9 (ألف) يبقى كلام تاني
بس موضوع حضرتك وسواس ده عيد النظر فيه يابيه لان بالعكس - من وجهة نظري - دي دقة ملاحظة تُحسد عليها (اللهم لا حسد) وكلنا استفادنا من موضوعكم الكريم ونبادلكم الشكر

تحياتي

الشكر ليك وانا فعلا اللى بستفيد من مشاركتكم الكريمه واللى فعلا محيرنى انى موسوس فى موضوع العربيات ده بشكل وحش

المشاركة الأصلية كتبت بواسطة sewefy

يعنى مش انا اللى بركز بس مع العربيه ده معانا ناس عتاولة مركزين اهوه يعنى موضوع الزجاج بردو جديد هجرب واقولك ومبرك على العربيه وجات متاخره شويه

الله يبارك فيك شكرا لذوقك
دانا فى غاية السعادة اللى لاقيت حد زى حالاتى ----تحية للناس المحسوكيين----