كل سنه وانت طيب؟

**Ramy.Gamal** · 13-09-2008 02:56 AM

بسم الله الرحمن الرحيم

طبعا كلنا بنستعمل جمله كل سنه وانت طيب للتهنئه بالمناسبات المختلفه سواء شخصيه مثل عيد الميلاد او مناسبه عامه مثل التهنئه بشهر رمضان وبقيه الاعياد الدينيه والوطنيه انما بصراحه انا كرهت الجمله ده من اول ما ابتدى رمضان طبعا مش من تهانى اقاربى واصحابى ليا انما بسبب انه من اول رمضان وكل ما اقف فى اشاره او اجى اركن فى اى حته لازم تطلعلك حد من تحت الارض يقولك كل سنه وانت طيب (شحاته)لحد ما الواحد كره الجمله ده وكأن هذه الجمله بفلوس ولله واحد صحبى عايش فى قطر بيقولى القطرين بيقولوا لو المصرى قاللك السلام عليكم ورحمه الله وبركاته او كل سنه وانت طيب يبقى عاوز فلوس وانا مكنتش مصدق لحد ما اتأكد ان سمعتنا مسمعه فى كل حته .السؤال بقى كام متسول قاللك الجمله ده من بدايه رمضان

**Ramy.Gamal** · 13-09-2008 05:57 AM

انا عن نفسى ازيد من 25 متسول نطولى قدام بابى سواق فى الاشارات او فى اماكن الركنه

**Noha.M** · 13-09-2008 02:55 PM

كل سنة وانت طيب يا رامى

**دموع الثلج** · 13-09-2008 08:58 PM

رمضان كريم يا باشا وكل سنه وانت طيب يا بيه

ده نشيد استقبال اى واحد بتاع باركنج او بواب فى الشارع اوامين شرطه او عسكرى واقف ياخد اتاواه من الناس

طيب احمد ربنا انه بيقولك كل سنه وانت طيب امال لو قالك عيدك مبارك ولا رمضان مبارك انا اللى بيقولى اى مباركه من دول بسيبه وامشى

طيب انا فى حاجه ثانيه بتغيظنى مووووووووووووت

لو دخلت فى اى مطعم كبير او فندق تسعين نجمه حتى التواليت تسمع القصيده اياها والمفروض انت فى مكان راقى مينفعش كده عيب