تجربتى مع صيانة ال 10000 مع اتو ايجبت الحمد لله ناجحة
رحت التوكيل بدرى اول واحد ومكنتش حاجز اخدت رقم وانتظرت حوالى ساعة ونص على ما المهندس استقبلنى دا علشان انا مش حاجز الى حاجز بمعاد سابق بيدخل ابلى مكنتيش بشتكى من حاجة غير ان التيل الامامى بيصفر وخشن بس وانا متقبل دا عادى بس قولت لمل اشوف هايعملو اية المهم انتظرت وقت الصيانة العربية خلصت واعدت مع المهندس و قال لى العربية محتاجة تيل وطنابير و هنغيرهم فى الضمان بس الطنابير مش موجودة وهنكلمك اول ماتيجى بس واستلمت العربية واتكلت على الله غلى الساعة 2.30
العربية ماشية 9500 كم
انطباعى عن العربية بعد الصيانة كويس جدا مع اختفاء صوت التصفير من غير تغير حاجة فى الفرامل
التكلفة 539و كان معايا بون خصم 100 جنية من فترة الصيانة المجانية دفعت 439
وجاهز للاستفسارات