فرامل الفيرنا المفترى عليها

**aymn6666** · 25-10-2013 05:58 PM

المشاركة الأصلية كتبت بواسطة motazyounes

انا متعود على كده للأسف فى المنتديات العربية
لما باقدم مشاركة فى منتدى اجنبى رد الفعل بيكون مختلف تماما
هناك الناس عايزه تفهم وبتتناقش بموضوعية
عموما ردا على العضو اللى عايز يتأكد عمليا ان الموضوع كما هو نظريا بسيطه
حضرتك فك الطنبورة الخلفية لعربيتك و شد فردة التيل اللى ورا للخلف بقوة ثم اتركها تعود وتابع حدوث عملية الضبط الذاتى وهى تتم امامك

تمام انا عيزك تعمل الموضوع ده مصور فيديو علشان محدش يشكك ويقطنع ويبقي برهان للكلام ده والناس تستفيد ---ويبقي سبق ليك

**AHMEDCAR** · 25-10-2013 07:29 PM

ياباشا طيب و التوكيل ماذكرش حاجه عن الموضوع ده خالص و لا كتب الصيانه حتى

**AHMEDCAR** · 25-10-2013 07:30 PM

استاذ ايمن منصور الروينى ازيك معاك احمد ابوزيد من الفيس بوك حبيت اعرفك اننا مع بعض هنا كمان

**agaty1st** · 26-10-2013 12:01 AM

المشاركة الأصلية كتبت بواسطة motazyounes

الموضوع مش افتكاسة
هى دى طريقة رجلاش الفرامل الخلفية اللى عاملها المصنع
ابحث فى منتديات ومواقع صيانة السيارات الاجنبية قبل ان تحكم على مشاركتى فالموضوع انا ترجمته وجربته وحبيت افيد بالمعلومة
وانت بتبحث خللى فى اعتبارك انه مافيش حاجه اسمها فيرنا فى العالم دى بقى افتكاسة من غبور
الفيرنا هى الهيونداى اكسنت الجيل الثانى موديلات من 2002 حتى 2005
ابحث عن موضوع self adjusting rear brakes
وده مش للفيرنا بس تقريبا 90 % من السيارات اللى فراملها الخلفية انفراجية ( طبلة ) بتضبط كده
انا باعمل الطريقه دى بشكل دورى
وعلى استعداد ان اشرح بالتفصيل الممل كل شىء عن الفرامل مش بس الخلفية بكل تفاصيل ديناميكيتها وكمان منظومة الفرامل بالكامل

موضوع self adjusting rear brakes فعلا مش افتاكسه
لكن اعتقد و الله أعلم انه مقصود بيه الفرامل الخلفيه السنتريليك اللي كل التيل ما يتاكل يرجلش نفسه لوحده
و انا اتفرجت على الفيديو مع اني عارف طريقة الرجلاش لكن مش مستوعب ميكانيزم الطريقه الجديده
لكن ان شاء الله هاجرب و اكتبلك النتيجه

تحياتي