شكلنا هانشوف الكوبيه التربو فى مصر يارجاله :)

**Hosam_Optrawy** · 22-10-2013 01:49 AM

السلام عليكم

من يومين فتحت موقع كيا العالمى worldwide ولقيتهم حاطين الكوبيه الجديده بكل مواصفاتها

لقيت المواتير المتوفره 1600 تربو و 2000 سى سى ومفيش اى سيره عن ال 1600 ال N/A الموجود فى السيدان خالص

يعنى بنسبه كبيره أوى لما تنزل مصر هاتنزلنا 1600 تربو

اللى مأكدلى الموضوع دا كذا حاجه

أولا المواصفات اللى بتنزل على kia worldwide بتبقى هى اللى بتنزل لمعظم الدول ومنها مصر , يعنى انا إتأكدت من الموقع دا قبل كدا فى حاجات كتير قبل ماتنزل مصر , مثلا ان الريو هاتنزل 1400 مفيش 1600 , وان الكارينز هاتنزل 1600 GDi زى السبورتاج , وغيره

ثانيا والأهم ان هيونداى أعلنت من إسبوع إنها هاتننزل الفيلوستر التربو للشرق الأوسط ودول الخليج يعنى برضه ممكن تنزل مصر :)

اللى يعرف أى معلومات من التوكيل مايبخلش علينا بقى

**Silent~Dream** · 22-10-2013 02:00 AM

ال 1.6 التربو هيعمل احلى شغل وشكرا على المعلومات

**Hosam_Optrawy** · 22-10-2013 02:26 AM

المشاركة الأصلية كتبت بواسطة ahmed_adham

لو مفيش 1600 na يبقى أكيد 1600 تربو لأن 2000 مستحيل ييجي مصر عشان الجمارك بس الخوف بقى للتوكيل يقنعهم بال 1600 na على الكوبيه. اتعملت في كذا عربيه قبل كده.

طب والتوكيل هايعمل كدا ليه

الموتور دا بيعمل مع بنزين 91 ومافوق بدون أى مشاكل يعنى مش لازم 95 , والكلام دا من الشركه الأم مش كلام توكيلات زى مابيعملوا عندنا عشان يبيعوا وخلاص

المشكله الوحيده ان سعرها هايعدى ال 200 ألف مرتاح !!

**ahmedesmat1987** · 22-10-2013 09:06 AM

معتقدش خصوصا ان الموتور اللى نازل gdi ولو كانو عندهم النيه انهم ينزلوه مصر كانو نزلوه فى الالنترا الجديده خصوصا بانها اصلا بتنزل بيه بره دا اولا"

ثانيا " الموتور دا بنزين 95 وش دا لو كان n/a فاكيد لو هينزل توربو مش اقل من 97 دا لو بنزين نضيف

فانا فى اعتقادى الشخصى هينزلوها بموتور e-tec او DOCH بس الهورس بتاعو عالى شويتين عشان يعرفو يروجوله وميحسسوناش بالفرق مابين الموتورين........ودى لعبه قديمه يا ما شربناها قبل كده

**Hosam_Optrawy** · 22-10-2013 07:56 PM

المشاركة الأصلية كتبت بواسطة ahmed_adham

يعمل كده عشان السعر. أصلها مش هتعدي ال 200 بس ده هتخش في ال 230 كده جنب الاسترا وتفرق 100 ألف جنيه عن الشكل القديم.

كدا فعلا بقت بتمن الأسترا والجولف والأوكتافيا والجيتا

المشاركة الأصلية كتبت بواسطة ahmedesmat1987

معتقدش خصوصا ان الموتور اللى نازل gdi ولو كانو عندهم النيه انهم ينزلوه مصر كانو نزلوه فى الالنترا الجديده خصوصا بانها اصلا بتنزل بيه بره دا اولا"

ثانيا " الموتور دا بنزين 95 وش دا لو كان n/a فاكيد لو هينزل توربو مش اقل من 97 دا لو بنزين نضيف

فانا فى اعتقادى الشخصى هينزلوها بموتور e-tec او doch بس الهورس بتاعو عالى شويتين عشان يعرفو يروجوله وميحسسوناش بالفرق مابين الموتورين........ودى لعبه قديمه يا ما شربناها قبل كده

اللى أعرفه ان الفيلوستر التربو فى أمريكا بتمشى ببنزين 92 بدون أى مشاكل , والكوبيه فيها نفس الموتور