فكره : عمل مصفحه تحت موتور النيو اكسنت

**michohat** · 22-10-2013 02:53 AM

السلام عليكم ورحمه الله وبركاته

تصادفني مشاكل تتعلق باحتكاك العربية وخاصه القنطره بالطريق خاصه في النقر وعند الانتقال من طريق ترابي لطريق اسفلتي
ففكرت بعمل مصفحه اسف الموتور لحماية الموتور وكارتيرة الزيت من اي خبطات او احتكاك
فهل غلق وتقفيل المنطقة اسفل الموتور له تأثير على تبريد الموتور حيث انني لاحظت ضيق الحوض
مع العلم بانني افكر ف عمل المصفحه بنفس فكره شيش الشباك بحيث يدخل هوا او يطلع هوا من خلال المصفحه

ولا في حلول تانيه تخليني ارفع العربية شوية

**eng.salama93** · 22-10-2013 03:42 AM

خليك ف فكرة الشيش دي أحسن .. هتبقي افضل من رفع العربية عشان الثبات

**sewefy** · 22-10-2013 09:03 AM

هيه فكرة حلوه بس علشان تركبلها مسامير ولاه هتعملها نظام كلبسات بس بصراحه انا فعلا بفكر اعمل الموضوع ده فى الالنترا بس عاوزين نشوف حد قبل كده جرب يعمل موضوع التصفيح ده

**MITSUKERO** · 22-10-2013 09:54 AM

كان فيه موضوع عن تصفيح اسفل الفتيس الاوتوماتيك في دايهاتسو تريوس هنا في المنتدي بس للاسف مش لاقيه لو حد لقاه هيساعدكوا جدا هو كان بالصور كمان

**michohat** · 22-10-2013 10:22 AM

فكره تركيب المصفحه جت لي لما نزلت بصيت ع العربية من تحت لقيت في مسامير ممكن تكون نقط تثبيت للمصفحه

وكنت عترت ف موضوع التيروس امبارح وقريته ولقيت برضه انهم خايفين من موضوع التهوية
وبرضه الصاج بتاع المصفحه لازم نفكر في حاجه نحطها بينه وبين الكارتيرة علشان لو اتخبط مش يسمع ف الكاريتيرة زي مثلا كاوتش مقطع او حاجه زي كده بس مش تتأثر بالحرارة

**michohat** · 22-10-2013 11:11 AM

اثناء اللف والتدوير لقيت المصطلح ده polymer alloy steel
ولقيت الصفحه دي
HYUNDAI, HYUNDAI direct from Guangzhou Kingcoo Auto Accessories Manufacturing Co., Ltd. in China (Mainland)

فيها للالنترا ع فكره وكمان للاكسنت بس مش عارف نفس المقاسات ولا لا

**kar!m** · 22-10-2013 11:20 AM

أنا قلت لك شوف عربيتك لا تكون فيها حاجه موطياها شوية ... عشان العربية في الطبيعي قليل جدا لما تحك .. و حتى لما بتحك مبتحكش من قدام .. ممكن من ورا عند المطبات.

و بعدين لازم تحسب ال risk كويس .. ممكن موضوع التهوية ده يأثر على العربية .. و طبيعي لو ركبت المصفحة انها هتكون أوطى من بقية العربية .. فممكن تتخبط بسهولة و تأثر على حاجه من اللي تحتها.

**michohat** · 22-10-2013 12:02 PM

المشاركة الأصلية كتبت بواسطة kar!m

أنا قلت لك شوف عربيتك لا تكون فيها حاجه موطياها شوية ... عشان العربية في الطبيعي قليل جدا لما تحك .. و حتى لما بتحك مبتحكش من قدام .. ممكن من ورا عند المطبات.

و بعدين لازم تحسب ال risk كويس .. ممكن موضوع التهوية ده يأثر على العربية .. و طبيعي لو ركبت المصفحة انها هتكون أوطى من بقية العربية .. فممكن تتخبط بسهولة و تأثر على حاجه من اللي تحتها.

مين اللي يشوفها
كنت عند الميكانيكي بتاعي ربط ع العفشة وقال لي ان القنطره محكوكه من تحت

العربية ف العادي مع المطبات مفيش مشكلة لا ورا ولا قدام
ولكن لو الاسفلت فيه مكان متشال منه الاسفلت العربية وانا ع سرعتي مش بكون شايفها كويس بنزل ف الحفره وبحس بالحكه تحت رجلي

دي لعيب فيا اني مش شوفت قطع الاسفلت ده

وبرضه حاجه غصب عني لما بكون بحاول اطلع ع اسفلت عالي شوية من ع طريق ترابي وانا واخد الطلعه بالورب شوية زي ما بشوف العربيات بتعدي المطبات بالورب فالعربية بتحك كلها من تحت ف نص العربية
المصفحه اللي بفكر فيها باذن الله هعمل فيها فتحات تهوية زي فكره شيش الشباك كده
علشان كده فكرت ف المصفحه دي

**profimh** · 22-10-2013 01:07 PM

هو طبعا التصفيح فى بلدنا الجميلة ممتاز بس المشكلة فى عملية التبادل الحرارى خاصة ان بلادنا بلاد حر و اعتقد ان فكرة الشيش دى فكرة ممتازة
بس هل المصفحة موجودة عند بتوع التقطيع اقصد الاستيراد لو موجودة توفر علينا مشوار كبير فى التركيب و الشيب و مش بعيد ان احنا نقدر نضيف فيها فتحات تهوية

تقبل مرورى

**kar!m** · 22-10-2013 01:12 PM

المشاركة الأصلية كتبت بواسطة michohat

مين اللي يشوفها
كنت عند الميكانيكي بتاعي ربط ع العفشة وقال لي ان القنطره محكوكه من تحت

العربية ف العادي مع المطبات مفيش مشكلة لا ورا ولا قدام
ولكن لو الاسفلت فيه مكان متشال منه الاسفلت العربية وانا ع سرعتي مش بكون شايفها كويس بنزل ف الحفره وبحس بالحكه تحت رجلي

دي لعيب فيا اني مش شوفت قطع الاسفلت ده

وبرضه حاجه غصب عني لما بكون بحاول اطلع ع اسفلت عالي شوية من ع طريق ترابي وانا واخد الطلعه بالورب شوية زي ما بشوف العربيات بتعدي المطبات بالورب فالعربية بتحك كلها من تحت ف نص العربية
المصفحه اللي بفكر فيها باذن الله هعمل فيها فتحات تهوية زي فكره شيش الشباك كده
علشان كده فكرت ف المصفحه دي

أنا شايف كلها exceptions يعني .. مش كل الطرق بتنق فيها من ترابي لأسفلت .. ولا انت طريقك كل يوم كده؟

الموضوع ده بيحصل معايا لما يكون ضغط الكاوتش مش مضبوط .. انما لو ضبطته هتلاقيه مش موجود الا بأه لو الطريق وحش أوي.

و اتأكد ان الكاوتش اللي عندك 185/65 .. مش 185/60

الموضوع: فكره : عمل مصفحه تحت موتور النيو اكسنت

LinkBack

أدوات الموضوع

عرض

-

-

-

-

-

المواضيع المتشابهه

مشكلة جديده ظهرتلي في سحب العربيه النيو اكسنت حد عندو فكره عن حلها

إزاى تطلع العفريت الى جوا موتور النيو اكسنت

غسيل موتور النيو اكسنت

للخبراء لو سمحتو... هو موتور النيو اكسنت هو نفس موتور النيو الينترا ؟؟

؟؟cvvt هل فعلا موتور النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة