الموضوع: يعني ايه العيشه في مصر

يعني ايه انت مصري

يعني تدخل المدرسة وتقعد في فصل فيه 60 طالب وفي الاخر تاخد درس عند الأستاذ الي بيشرحلك في المدرسة اصل الأستاذ بيجي المدرسة عشان ينام وبيروح يدي الدرس وهو فايق ويقولك اصل المرتبات ضعيف هي مشكلة الطالب ولي مشكلة الوزارة يا أستاذ

------------------------------------------------------

يعني انك تدخل ثانويه عامه تتفحت ويتفحت اهلك معاك مصاريف دروس وكتب وملخصات ليه عشان كتاب الوزاره أساسا كله هري وكلام فاضي الكتاب عايز خريطه عشان تفهمه

------------------------------------------------------

تخلص ثانويه تشوف التنسيق الي عمره ما هيثبت في حياته لان المفروض التنسيق يكون ثابت لان في ناس بتحط هدف قدمها تدخل كليه معينه وتيجي تلاقي الكليه عليها اقبال جماهيري يقولك ارفع تنسيق الكليه دي وترضي بالي قسمه ليك ربنا

------------------------------------------------------

تدخل الكليه تلقي نفسك بتحضر وسط اربع الف متفرج ودكتور واقف في الأول لو واحد عصبه يقولك اعتبر المحاضر اتشرحت وانت سعتك مش قادر تسيطر علي الوضع قسم محاضراتك خليها جروبات لان دي مش مشكلتنا دي مشكلة إدارة الجامعه بتعتك يا دكتور ان واحد يعصبك تقولنا المنهج مشروح

------------------------------------------------------

تخلص كلية بتقدير وربنا كرمك فيها تقول انا تقديري هينفعني لما اتخرج وتلاقي تقديرك دا أساسا صفر علي الشمال بالنسبه لواحد ابوه راجل صاحب منصب وانت تاخد البلح وتشتغل أي شغلانه تانيه بعيد عن مجالك خياط خراط أي حاجه بس تشتغل عند واحد أساسا مستواه التعليمي اقل منك واساسا كان فاشل أي والله كان فاشل يتحكم فيك روح وتعالي وهتلي وجبلي وتلاقي نفسك بقيت خدام للأستاذ الي شغال عنده

------------------------------------------------------

تقول انا هشتغل في شركه يقولك انت معندكش خبره طيب اخد الخبره دي منين يعني اجبها من بيت ابويا

------------------------------------------------------

تروح تقدم في شغل مصالح حكوميه تلاقي الناس متعينه قبل ما الإعلان ينزل هههههههههه السرعه في الأداء بقئ

ربنا كرمك بشغل كويس الحمد لله تقول هبتدي اشوف نصي التاني ياااااااااه

تلاقي نفسك محتاج علي الأقل 250 الف جنيه ودول اجبهم منين يا ناس

شقه وفرش وشبكه وفرح ودباديب وفلانتين

------------------------------------------------------

وبعد الجواز تبتدي رحلة الكفاح

المدام تعبانه والمدام بتولد والمدام وقعت والمدام عندها فرح اختها وعندها فرح صحبتها وعايزه فستان شيك عشان تحضر الفرح

------------------------------------------------------

وبعدين نيجي للولاد عيزين بمبرز وواحد عنده سعال والتاني عنده اسهال والتالت عايز يروح المدرسه

------------------------------------------------------

ياااااااااااااااااااااااا ااااااااااااااه

متجوزتش وعايز تعيش بدماغك تشتري عربيه وتعيش حياتك بمزاجك يجي بلطجي يخدها في 5 دقائق ويمشي ويبيع شقي عمرك بـ 5000 جنيه

------------------------------------------------------

مجبتش عربيه بردو عادي يعني مش هيسبوك هيطلعو عليك يقلبوك في الشارع وانت ماشي مفيش مشاكل وهتروح تبلغ الشرط دا الشرطه نفسها بتتسرق

------------------------------------------------------

تقول مفيش مشاكل اسافر بره واشتغل تسافر بره تلاقي المصريين وخدين سمعه زي الزفت بره وتكافح لحد لما توصل وتقول ارجع مصر لبلدي واهلي واعمل مشروع كويس أعيش منه تلاقي خمسين واحد بصين ليك في القرشين الي معاك تقوم عامل حادثه ولي تحصلك مصيبه ولي أي حاجه المهم متتهناش بفلوسك دي عشان انت في وجهة نظرهم المتواضعه متستحقش وانت مش احسن منهم فيها ايه لما تسافر تتمرمط وتتبهدل ويطلع عينك وعين الي جيبينك ما هما بردو قعدين طالع عينهم وعين الي جايبهم انت مفكر انهم ساكتين لا طبعا تلقيه طول اليوم بيتخانق مع دا وبيشت مدا وبيجيب في سيرة دا وفلان جاب وفلان عمل وفلان قالك لدرجة

------------------------------------------------------

ربنا كرمك وسبت المنطقه الي انت عايش فيها عشان عين الناس ومحدش يجيب سرتك وعملت ناصح

تروح منطقه محترمه وتقول أعيش هناك حياة كريمه ومحدش يبصلي في فلوسي ولي في حالي

يطلع عليك الحرامي الي كان هيقلبك في العربيه الي كنت هتجبها بدل ما تتجوز يقلبك في شقي عمرك

وتموت بحصرتك علي عمرك الي ضاع
واسمع كتاب حياتي يعين