محتاج رايكم في العربية دي "فولكس سوران 2009
ده اعلان العربية .. انا بس اللي مخوفني منها قطع الغيار وانها مش منتشرة اوي ..
لما سالت الميكانيكي نصحني اني ابعد عنها ..
على كلامه هتغلبني قطع غيارها واكسسواراتها ممكن ملاقيهاش ..
عايز راي حضراتكم فيها .. العربية عاجبني شكلها جدا ..
وانا بالنسبة لي تهمني عربية فاملي ..
فاقرب حاجة ليها البيجو ال 307 sw وكمان الكارينز ..
العربية طالب فيها 79 الف جنيه ..
تنصحوني بايه خصوصا دي اول مرة اركب عربية في مصر
"فولكس واجن 2009 فضي - كاملة مانيوال عائلية سوران - فابريقة من الداخل ومن الخارج - موتور حقن الكتروني 1600 ممتاز - تكيف ممتاز - بور - سنتر بالرموت اصلي - زجاج كهرباء -وحدات رفع - انذار مرايات كهرباء صالون واسع ومريح جدا فابريقة ممتاز بالاضافة للشنطة الكبيرة - كاوتش جديد - بطارية جديدة راديو كاسيت Hc . Sd . Usb اصلي - تحكم في الكاسيت بالدركسيون ، بلوتث اصلي - دركسيون قابل للتعديل / بالكتلوجات / السيارة بحالة ممتازة جدا ولا تحتاج مصروفات "