اوبتراوي جديد وملاحظ حاجة غريبة ارجو الافادة
السلام عليكم ورحمة الله وبركاته
اشتريت اوبترا جديدة هي موديل 2007 بس فابريقة حالة شاذة وحتي عداد الكيلومتر 51000 كم المهم ملاحظ حاجة غريبة وهي بعد ما بأمشي بالعربية مشوار يكون بسيط حوالي مثلا 10 كم بلاقي قربة المياه وانا بافتح الغطا بتاعها ( فتحة بسيطة ) بلاقي فيها ضغط هواء شديد جدا وبلاقي بعد كده المياه بتطلع منها بضغط شديد ومع ملاحظة مياه التبريد بالقربة بلاقيها بتنقص بأستمرار يعني كده ممكن ازودها كل 5 ايام بحوالي نص لتر مياه هل هذا طبيعي في الاوبترا مع ان انا اعرف ان المفروض مياه التبريد نادرا لما تقل مع العلم اني راجعت كل الوصلات والخراطيم ولم اجد اي شئ بيهرب المياه
في ملحوظة كده
صاحب العربية الي انا اشتريتها منه قالي انه في يوم لقي فيه مياه موجودة بأرضية الصالون فظن انها من مياه التكييف فالفني بتاع التكييفات قاله محتاجة نفك التابلوه علشان نعالج التسريب ده يا اما نلغي دايرة التكييف الساخن المهم لغي السخن عن طريق الخراطيم الي في الحوض الي جايبة من دايرة مياه التبريد للريداتير وموصلة لسربنتينة السخن
هل دي ليها علاقة بالمشكلة معلش انا طولت ومحتاج رأي الخبراء في المشكلة دي
وشكرا جزيلاً .................