استهلاك بنزين الريو الجديدة
بسم الله الرحمن الرحيم
دلوقتى يا شباب انا معايا ريو سيدان 2013 ومستلمها بقالى 4 شهور عامل بيها 3200 كيلو ومن ساعتها وعمرى ماحسبت استهلاك البنزين بس انا دايما بحس ان بمون العربية على فترات متقاربة فقلت مابدهاش روحت مفول العربية وعملت ريست لعداد الرحلات و مشيت بيها حوالى 193 كيلو كان تنك البنزين نزل لحوالى الربع روحت مفول تانى لقيت التفويلة عاملة 25 لتر يعنى الاستهلاك تقريبا 13 لتر كل 100 كيلو وده طبعا جوه المدينة بدون تكييف وده استهلاك عالى جدا على العربية وفعلا كمبيوتر الرحلات عندى لقيته حاسب متوسط الاستهلاك 12.8 لتر كل 100 كيلو فا ايه العمل مع العلم انى فى صيانة الالف كيلو كنت مبلغ ان استهلاك البنزبن عالى وده من تجربة الناس وبرده مفيش فايدة ياريت ملاك العربية يكتبوا الاستهلاك الفعلى كام وايه افضل حل للمشكلة
ومعلش عندى حاجة كمان انا بعد صيانة الالف كيلو لاحظت ان صوت الموتور بقى اعلى شوية مش فاهم ازاى وكان منسوب الزيت اعلى من علامة ال full بحوالى نص سم فهل ده عادى ولا ممكن يعمل مشكلة لا قدر الله شكرا للافادة مقدما