لو معاك 100-120 الف.. تجيب ايه..؟؟

**amrh** · 22-10-2013 07:38 PM

السلام عليكم ورحمة الله وبركاته..

حبيت اعمل موضوع مفتوح للجميع يشارك فيه.. اهو نحرك القسم شويه :)

لو معاك من 100-120 الف وعايز تجيب عربية عالية مش SUV ..

حيكون قدامك عدة اختيارات..

دودج دورانجو 2000-2001

جراند شروكي 2000-2001

GMC سوبربان 2000-2001

تويوتا فورتشنر 1993

تويوتا لاند كروزر 1994

لاند روفر رينج روفر موديل 1992

ميتسوبيشي باجيرو موديل 1999

اوفرهم في البنزين فورتشنر 2700cc وباجيرو 3500cc

طبعا اغلب اللي بيشترو بيبقى تحراكته سفر بين المحافظات وجوا المدينه.. وصحرا على خفيف..

فانت لو حتشتري حتشتري ايه..؟؟

**ahmed_eng2001** · 22-10-2013 08:44 PM

الاختيار مش صعب و لا محير و لا حاجة
الموضوع بيعتمد على طريقة تفكير حضرتك و خبرتك و احتياجك ...... و اهم حاجة ... امكانياتك المادية ..
اختيارى الشخصى .....

اللاند كروزر ...... اى موديل ... و اى فئة

زميلنا فى المنتدى ... مينا ... ممكن يكلمك عنها باستفاضة ..... بس هو مشغول شوية

انا معايا جى ام سى موديل 80 .... فيها شوية عيوب ... و شوية ميزات ... انا لا انصح بيها الا للى بيحب العربيات دى

الجراند و الشيروكى عربيات مرفهة شوية ..... يعنى لو حضرتك جوة المدينة و عاوز رفاهية

الدودج .... عربية انا مش برتاح ليها ..... سواء الرام او الدورانجو ....

اللاند روفر ..... عربية كويسة .... مشكلتها فى قطع الغيار

**amrh** · 24-10-2013 04:43 AM

بعتذر عن التاخير في الرد..

من قرءة كتيره شايف ان اللاند كروزر جميلة زي ما قلت.. بس مشكلتها ان اللعب فيها كتير وصعب جدا تلاقي واحده سليمه وحتلف كتير لان الغالبية يا ملحومه يا متسقطلها ماتور وملعوب في الورق و و ..

قريت برده عن شوفرليه فرونتيرا بس موديلات من 99 وما فوق بتبقى افضل واحسن بسبب ان مواتيرها اعلى وافضل ومان ميزتها ان ممكن تسقطلها ماتور ديزل من غير اي تعديل وتبقى حكايه..

اما الباجيرو فبرده بيشكرو فيها..