تجميع لبعض حوادث السيراتو : حد عنده تفسير فى تعويم السياررة وفقد السيطرة

**dem0** · 23-10-2013 05:48 PM

حضرتك حادثتك مر على موقف مشابه ب2010 مانويل

على مصر اسيوط الصحراوى بس انا عارف السبب والموضوع كله خطئي

وكانت السرعه اعلى من 160 حاجه بسيطة وفى رمضان فى بداية شروق الشمس والجو حلو والطريق فاضي ويغري وخاصه انى رايح القاهره مشوار صد رد يعني مقعدتش

والعربية عملت معاي زي حضرتك بس ربنا كرمني وعرفت اسيطر

فى كافتريات واسترحات ع الطريق وكان فى تريلا طالعه قافلة حارتين من الطريق والحارة التالته فى ميكروباص جاى وراي وبتاع التريلا طلع مره واحده زي ما اكون هيخطفها

ملقتش امامى الا انى انزل البارك بتاع الاستراحلة اللى هو رملة العربية لفت 3 لفات حوالين نفسها ووقفت

وستر ربنا انى لابس الحزام نزلت بصيت ع العربية من تحت مكنش فى حاجه كملت طريقي

منقدرش نقول بقى ان العربية هي السبب

وبنفس الوقت منقدرش نقول ان العربية مساهمتش فى كدا

لكن فى الاول وفى الاخر انت اللى بتتحكم فى سياق الموضوع وردة فعلك التلقائية هي اللى بتتكلم

لكن السيراتو وركبت منها 2010 هاي لاين خليجي عربيتي وركبت 2010 مانويل توكيل و 2012 اول فئه اوتو توكيل

وعربيه كويسة وشغاله وبتجري ومش خفيفة مثلا زي لانوس 1 ولا افيو ولا حتى زي الفيرنا اللى بعد 120 تبدء تقلق من العربيه

وكل العربيات دى انا ركبتها وجربتها هي فعلا مش بثبات الميجان اكتر عربيه عجبتني ميجان 2 هاتش باك اسبورت بس بردة مش ضايعه

**khaabas** · 23-10-2013 06:44 PM

الحوادث قضاء وقدر وموش بنوع العربية :) ممكن تبقى العربية واقفه وتتخبط لا قدر الله

والسيراتو بسبب موتورها القوى للاسف بيغر اغلب السائقين لانه بيوصل لسرعات جبارة من غير ما تحس
وايه عربية مع سرعة عالية وقت الجد مع السلامة :)

**tameraast** · 23-10-2013 06:52 PM

السراتو مش عوامه و تحس امها ماسكه فى الارض نوعا ما :)
بتلعب من ورا فى الفواصل و مطبات الهوا بس مش كتير
غالبيا الحوادث قضاء و قدر و جرى عادى يعنى

السيراتو الشيب ده بالذات اثبت الكورى فى فئته

**2CODE** · 23-10-2013 06:56 PM

المشاركة الأصلية كتبت بواسطة tameraast

السراتو مش عوامه و تحس امها ماسكه فى الارض نوعا ما :)
بتلعب من ورا فى الفواصل و مطبات الهوا بس مش كتير
غالبيا الحوادث قضاء و قدر و جرى عادى يعنى

السيراتو الشيب ده بالذات اثبت الكورى فى فئته

صحيح وحاجة تاني الشكل القديم فيه مشكلة النظام التعليق اللي هي بتخلي العربية ممكن تلعب من ورا زي ما حضرتك قولت

ودي عدلوها في نظام التعليق في الشكل الجديد بس عايزين حد يجرب الشكل الجديد

نفس نظام التعليق اللي راكب في الريو الشكل الجديد برضه هو اللي راكب في السيراتو الشكل الجديد

انما الشكل القديم فيه المشكلة دي بتاعة الفواصل وغيره في نظام التعليق من الخلف

**عبدالله برعى** · 23-10-2013 08:42 PM

الموضوع خرج عن السيطرة زى ما حاجات كتير فى البلد خارجة عن السيطرة (وكلة للخير ومسيرها تنتهى)

انا كان قصدى من الموضوع انى اعرف السبب الحقيقى لحوادث السيراتو فى عدم الاتزان مع عدم الظلم للسيارة لانى لسة انا عامل تقرير ال 30 الف للسيراتو
http://www.nilemotors.net/Nile/382814-15-5-30-a.html

http://www.nilemotors.net/Nile/383251-15-5-30-a.html

ولكن حبيت اقف موقف المحايد على الحادث اللى حصل ليا وحبقى اعمل تقرير عن مكان الحادث بالصور والفيديو لانى مش عايز اى حد يتعرض للموقف دا ولكن الملفت للنظر انى لقيت اغلب الحوادث ليس الا تعويم السيارة وفقد السيطرة
وتحياتى للمشاركين جميعا لانى استفدت منكم جميعا

**M.Akef** · 23-10-2013 09:57 PM

المشاركة الأصلية كتبت بواسطة lanos2004

عيب السيراتو الوحيد انها تقفز لاعلى غير كدة كله تمام
بس نعتبره عيب طرق

هههههههههه
هي فعلا ممتازه في التيك اوف بس ملهاش في اللاندنج خالص

**AHMED12345678** · 23-10-2013 11:53 PM

المشاركة الأصلية كتبت بواسطة mahmoud.69

(حضرة)الظاهر ان اسلوب هينزل لي مستوي متدني حضرتك انا ليه اسم وسلس في القرأة وكمان
انا لما غلط في السيراتو اظن غلط في عربية مغلطتش فيك وكمان دي سلع ولولا اختلاف الازواق لا بارت السلع
تاني شيئ انا لوعايز اشتري سيراتو كنت اشتريت ومازلت لو عايز اشتريها هاشتريها امتلاك العربيات مبقاش في اسهل منه
بس ماحطش كل الي معايه في عربية وقفة في الشارع في ظل الظروف الامنية دي اما انا معاية دايو وبعيب علي الفرنا !!!
علي اساس ان الفرنا احلي مثﻵ عربية لاثبات ولافرامل وبشهادة ملاكها وانا بشتري الدايو كانت في فيرنا في المعرض الي اشتريت منه الدايو الفيرنا برة وجوة بي الكامل و2007 اه والله زي مابقولك وكملة وسعرها 45 الف وكنت سعتها الدايو وقفة جمبها مع العلم الي معاية مش كملة زي الفيرنا ورشة جمب من الخارج يعني كنت اشتريت فيرنا احسن بس اخترت الدايو وكنت سعتها اغلي منها وموديلها اقل منها 2005 بصراحة افضل اختيار العملية مش بالكم العمليه بي انهي عربية هتقضي لك الغرض والمطلوب منها .
منكرش لوكنت اشتريت الفرنا كنت زماني كسبان فيها فلوس لي انهادلوقاتي رفعت بس ياعالم كنت هكون عايش لغاية ما ابعها ولا هتكون سليمة لغاية ما هبعها

حضرتك اذا عايز تنزل لمستوى متدنى فانت حر انزل براحتك
بس انا مش هنزل
واول مرة اعرف ان كلمة حضرة وحضرتك بقت عيبة وبتخلى الى بتتقله يبقى عاوز ينزل لمستوى متدنى
مرة تانية دة شئ يخص حضرتك ويرجعلك

تانى حاجة حضرتك بتقول انك غلطت فى العربية مغلطش فيا ......... دة صحيح
بس الواحد لما يجب ينتقد حاجة ينتقد بشكل موضوعى لان السيارة معايا وطبيعى لما تغلط غى العربية الى معايا فكانك بتغلط فيا ...... ودة غير النقد بشكل موضوعى
يعنى مثلا لما اقولك ان شقتك زبالة او عربيتك زبالة ......... كدة انا مغلطش فيك بس اكيد الكلام دة هيضايقك وهيجرحك
يا اخى مفيش اسهل من الكلام الطيب تكسب بية الناس وتقدر توصل وجه نظرك فى ذات الوقت
وعموما اذا كان طريقة كلامى ضايقتك ........... حقك عليا
تحياتى

**mahmoud.69** · 24-10-2013 03:19 PM

المشاركة الأصلية كتبت بواسطة ahmed12345678

حضرتك اذا عايز تنزل لمستوى متدنى فانت حر انزل براحتك
بس انا مش هنزل
واول مرة اعرف ان كلمة حضرة وحضرتك بقت عيبة وبتخلى الى بتتقله يبقى عاوز ينزل لمستوى متدنى
مرة تانية دة شئ يخص حضرتك ويرجعلك

تانى حاجة حضرتك بتقول انك غلطت فى العربية مغلطش فيا ......... دة صحيح
بس الواحد لما يجب ينتقد حاجة ينتقد بشكل موضوعى لان السيارة معايا وطبيعى لما تغلط غى العربية الى معايا فكانك بتغلط فيا ...... ودة غير النقد بشكل موضوعى
يعنى مثلا لما اقولك ان شقتك زبالة او عربيتك زبالة ......... كدة انا مغلطش فيك بس اكيد الكلام دة هيضايقك وهيجرحك
يا اخى مفيش اسهل من الكلام الطيب تكسب بية الناس وتقدر توصل وجه نظرك فى ذات الوقت
وعموما اذا كان طريقة كلامى ضايقتك ........... حقك عليا
تحياتى

اولآ انا مغلطتش في شيئ انتا الوحيد الي تملكة لادي سلعه متداولة وطبيعي تعجبك ماتعجبش غيرك
لولا اختلاف الاراء لبارت السلع
عمومآ كل سنه وانتا طيب وربنا يكفيك شر عربيتك ويدك خرها